ರಸ್ತೆಬದಿ ಬೇಡ, ಇಲ್ಲಿಗೆ ಬನ್ನಿ...! ಮೂತ್ರ ವಿಸರ್ಜಿಸೋಕೆ ಇಟ್ಟಿದ್ದಾರೆ ಹೂಕುಂಡ; ಇದರ ಹಿಂದಿದೆ ಭಾರಿ ಐಡ್ಯಾ..!

ಮಹಾನಗರಗಳಲ್ಲಿ ಅಲ್ಲಲ್ಲಿ ಸಾರ್ವಜನಿಕ ಶೌಚಗೃಹಗಳು ಇರುತ್ತವೆಯಾದರೂ, ಅವು ಎಲ್ಲಿವೆ ಎಂಬ ಮಾಹಿತಿ ಇರುವುದಿಲ್ಲ. ಕೆಲವೊಮ್ಮೆ ಸ್ಥಳೀಯರಿಗೂ ತಿಳಿದಿರುವುದಿಲ್ಲ. ಹೀಗಿರುವಾಗ ಪ್ರವಾಸಿಗರ ಪಾಡು ಹೇಳತೀರದು. ಇದಕ್ಕೆಂದೇ ನೆದರ್ಲೆಂಡ್​ನ ಆಮ್​ಸ್ಟರ್​ಡ್ಯಾಮ್​ನಲ್ಲಿ ವಿನೂತನ ಯೋಜನೆ ರೂಪಿಸಲಾಗಿದೆ. ಇಲ್ಲಿ ಸಾರ್ವಜನಿಕ ಶೌಚಗೃಹಗಳಿಗಿಂತ ತೆರೆದ ಮುತ್ರಾಲಯಗಳನ್ನು ಸ್ಥಾಪಿಸಲಾಗುತ್ತಿದೆ.

ಗ್ರೀನ್​ ಪೀ ಎಂಬ ಸಂಸ್ಥೆ ಈ ಯೋಜನೆ ರೂಪಿಸಿದೆ. ನಗರದ ಪ್ರಮುಖ ಸ್ಥಳಗಳಲ್ಲಿ ಅಲ್ಲಲ್ಲಿ ಹೂಕುಂಡಗಳು, ಸಸ್ಯಕುಂಡಗಳನ್ನು ಇಡಲಾಗಿದೆ. ನಗರದ ಸೌಂದರ್ಯ ಹೆಚ್ಚಿಸುವುದು ಮಾತ್ರವಲ್ಲ, ರಸ್ತೆಬದಿ ಎಲ್ಲೆಂದರಲ್ಲಿ ಮೂತ್ರ ವಿಸರ್ಜಿಸುವುದನ್ನು ತಡೆಯುವುದು ಕೂಡ ಇದರ ಉದ್ದೇಶವಾಗಿದೆ. ರಸ್ತೆಬದಿ ಮೂತ್ರ ವಿಸರ್ಜಿಸುವ ಹಾವಳಿ ಹೆಚ್ಚಿರುವ ಸ್ಥಳಗಳಲ್ಲಿಯೇ ಇವುಗಳನ್ನು ಇಡಲಾಗಿದೆ.

ಇದನ್ನೂ ಓದಿ; ವಿಡಿಯೋ: ಗಾಯಾಳು ಹಸುವಿಗೆ ಚಿಕಿತ್ಸೆ ಕೊಡಿಸಲು ಹೆಲಿಕಾಪ್ಟರ್​ನಲ್ಲಿ ಕರೆದೊಯ್ದ ರೈತ…! 

ಈ ಯೋಜನೆಯ ಇನ್ನೊಂದು ವಿಶೇಷವೆಂದರೆ, ಈ ತೊಟ್ಟಿಗಳಲ್ಲಿ ಸಂಗ್ರಹವಾಗುವ ಮೂತ್ರವನ್ನು ನಿಯಮಿತವಾಗಿ ಸಂಗ್ರಹಿಸಲಾಗುತ್ತದೆ. ಅದರಿಂದ ಗೊಬ್ಬರಕ್ಕೆ ಬೇಕಾಗುವ ಫಾಸ್ಪೇಟ್​ ಪಡೆಯಲಾಗುತ್ತದೆ. ಜತೆಗೆ ಮೂತ್ರ ಬಳಸಿ ವಿದ್ಯುತ್​ ಉತ್ಪಾದನೆ ಕೂಡ ಇದರಲ್ಲಿ ಸೇರಿದೆ. ಮೂತ್ರದಿಂದ ಒಂದು ದೀಪ ಬೆಳಗಬಹುದು ಎನ್ನುವುದಾದರೆ ಅದಕ್ಕಿಂತ ಉತ್ತಮವಾದುದು ಇನ್ನೇನಿದೆ ಎನ್ನುತ್ತಾರೆ ಗ್ರೀನ್​ ಪೀ ಸಂಸ್ಥೆ ಪದಾಧಿಕಾರಿಗಳು.

ಪ್ರಾಯೋಗಿಕ ನೆಲೆಯಲ್ಲಿ ಈ ಯೋಜನೆ ಯಶಸ್ವಿಯಾದ ಹಿನ್ನೆಲೆಯಲ್ಲಿ ಇಲ್ಲಿನ ಸರ್ಕಾರ ನಗರದ ಇನ್ನಷ್ಟು ಕಡೆಗಳಲ್ಲಿ ಇಂಥ ತೆರೆದ ಮೂತ್ರಾಲಯಗಳನ್ನು ಸ್ಥಾಪಿಸಿದೆ. ಇಷ್ಟೇ ಫ್ರಾನ್ಸ್​ನಲ್ಲೂ ಕೂಡ ಕೋವಿಡ್​ ಹಿನ್ನೆಲೆಯಲ್ಲಿ ಸಾರ್ವಜನಿಕ ಶೌಚಗೃಹಗಳನ್ನು ಮುಚ್ಚಿದ್ದ ಹಿನ್ನೆಲೆಯಲ್ಲಿ ಇದೇ ಯೋಜನೆ ಅಳವಡಿಸಿಕೊಂಡಿದೆ.

https://www.vijayavani.net/cabinet-nod-to-set-up-national-recruitment/