ಖರೀದಿಸಿದ 4 ವರ್ಷದಲ್ಲಿ ₹ 83 ಕೋಟಿಗೆ ಡ್ಯೂಪ್ಲೆಕ್ಸ್ ಅಪಾರ್ಟ್‌ಮೆಂಟ್ ಮಾರಾಟ ಮಾಡಿದ ಬಿಗ್​​​ಬಿ ಅಮಿತಾಭ್; ಗಳಿಸಿದ ಲಾಭ ಎಷ್ಟು ಗೊತ್ತಾ? | Amitabh Bachchan

ಮುಂಬೈ: ಬಾಲಿವುಡ್ ಬಿಗ್​​ಬಿ ಅಮಿತಾಭ್​​ ಬಚ್ಚನ್(Amitabh Bachchan) ಅವರು ಮುಂಬೈನ ಓಶಿವಾರದಲ್ಲಿರುವ ತಮ್ಮ ಡ್ಯೂಪ್ಲೆಕ್ಸ್ ಅಪಾರ್ಟ್‌ಮೆಂಟ್ ಅನ್ನು ಮಾರಾಟ ಮಾಡಿದ್ದಾರೆ. ಈ ಅಪಾರ್ಟ್​ಮೆಂಟ್​ ಕ್ರಿಸ್ಟಲ್ ಗ್ರೂಪ್‌ನ 'ದಿ ಅಟ್ಲಾಂಟಿಸ್' ಯೋಜನೆಯಲ್ಲಿದೆ. ಬಚ್ಚನ್ ಇದನ್ನು ಸುಮಾರು 83 ಕೋಟಿ ರೂಪಾಯಿಗೆ ಮಾರಾಟ ಮಾಡಿದ್ದಾರೆ.

ಇದನ್ನು ಓದಿ: Saif Ali Khan Stabbing Case | ಗಡಿಯಲ್ಲಿ ನದಿದಾಟಿ ಅಕ್ರಮವಾಗಿ ಭಾರತದ ಪ್ರವೇಶ; ಪೊಲೀಸರು ಆರೋಪಿ ಶರೀಫುಲ್ ಜಾಡು ಕಂಡುಹಿಡಿದಿದ್ದೆ ರೋಚಕ

ಬಚ್ಚನ್ ಈ ಅಪಾರ್ಟ್‌ಮೆಂಟ್ ಅನ್ನು ಏಪ್ರಿಲ್ 2021ರಲ್ಲಿ 31 ಕೋಟಿ ರೂಪಾಯಿಗೆ ಖರೀದಿಸಿದ್ದರು. ಈ ಮಾಹಿತಿಯು ಇನ್‌ಸ್ಪೆಕ್ಟರ್ ಜನರಲ್ ಆಫ್ ರಿಜಿಸ್ಟ್ರೇಶನ್ (IGR) ವೆಬ್‌ಸೈಟ್‌ನಲ್ಲಿ ಲಭ್ಯವಿದೆ. ಈ ಮೂಲಕ ಅಪಾರ್ಟ್‌ಮೆಂಟ್‌ಗಳ ಬೆಲೆ ಶೇ.168ರಷ್ಟು ಭಾರಿ ಏರಿಕೆಯಾಗಿದೆ. ಬಚ್ಚನ್ ಅವರು ನವೆಂಬರ್ 2021ರಲ್ಲಿ ನಟಿ ಕೃತಿ ಸನನ್ ಅವರಿಗೆ ಈ ಅಪಾರ್ಟ್​​​​​ಮೆಂಟ್​​ ಅನ್ನು 10 ಲಕ್ಷ ರೂ. ಮತ್ತು 60 ಲಕ್ಷ ರೂ. ಭದ್ರತಾ ಠೇವಣಿಯೊಂದಿಗೆ ಬಾಡಿಗೆಗೆ ನೀಡಿದ್ದರು. ಈ ಒಪ್ಪಂದವನ್ನು ಜನವರಿ 2025 ರಲ್ಲಿ ನೋಂದಾಯಿಸಲಾಗಿದೆ. ಇದು ಅಂದಾಜು 5 ಕೋಟಿ ರೂಪಾಯಿಗಳ ಮುದ್ರಾಂಕ ಶುಲ್ಕ ಮತ್ತು 30,000 ರೂಪಾಯಿಗಳ ನೋಂದಣಿ ಶುಲ್ಕವನ್ನು ಒಳಗೊಂಡಿದೆ. ಈ

ಈ ಅಪಾರ್ಟ್​ಮೆಂಟ್​​ ಎಷ್ಟು ದೊಡ್ಡದಾಗಿದೆ?

ಪ್ರೀಮಿಯಂ ಡ್ಯುಪ್ಲೆಕ್ಸ್ ಅಪಾರ್ಟ್‌ಮೆಂಟ್ 5,704 ಚದರ ಅಡಿಗಳಷ್ಟು ಮತ್ತು 5,185.62 ಚದರ ಅಡಿಗಳಷ್ಟು ಕಾರ್ಪೆಟ್ ಪ್ರದೇಶದಲ್ಲಿ ನಿರ್ಮಿಸಲಾಗಿದೆ. ಇದು 4,800 ಚದರ ಅಡಿ ವಿಸ್ತಾರವಾದ ಟೆರೇಸ್ ಅನ್ನು ಸಹ ಹೊಂದಿದೆ. ಜತೆಗೆ 6 ಯಾಂತ್ರೀಕೃತ ಕಾರ್ ಪಾರ್ಕಿಂಗ್ ಸ್ಥಳಗಳಿಗೆ ವಿಶೇಷ ಪ್ರವೇಶವಿದೆ. ಇದು ರಸ್ತೆಗಳು ಮತ್ತು ಮುಂಬೈ ಮೆಟ್ರೋ ಮೂಲಕ ಉತ್ತಮ ಸಂಪರ್ಕ ಹೊಂದಿದೆ.

ಬಚ್ಚನ್ ಕುಟುಂಬವು ಮುಂಬೈನಲ್ಲಿ ಇಂತಹ ಅನೇಕ ಆಸ್ತಿಗಳನ್ನು ಹೊಂದಿದೆ. ಇದರಲ್ಲಿ ಜುಹುದಲ್ಲಿನ ಜಲ್ಸಾ, ಪ್ರತೀಕ್ಷಾ ಮತ್ತು ಜನಕ್ ಬಂಗಲೆಗಳು ಸೇರಿವೆ. ಕಳೆದ ಕೆಲವು ತಿಂಗಳುಗಳಲ್ಲಿ ಅಮಿತಾಭ್​​​ ಬಚ್ಚನ್ ಮತ್ತು ಅವರ ಕುಟುಂಬ ಮುಂಬೈನ ಬೊರಿವಲಿ ಮತ್ತು ಮುಲುಂಡ್ ಉಪನಗರಗಳಲ್ಲಿ ಪ್ರೀಮಿಯಂ ವಸತಿ ಯೋಜನೆಗಳಲ್ಲಿ ಹಲವಾರು ಅಪಾರ್ಟ್‌ಮೆಂಟ್‌ಗಳನ್ನು ಖರೀದಿಸಿದ್ದಾರೆ. ಈ ಆಸ್ತಿಯ ಹೊರತಾಗಿ ಅಮಿತಾಭ್​​ ಬಚ್ಚನ್ ಅಂಧೇರಿ ಪಶ್ಚಿಮದಲ್ಲಿ ಮೂರು ವಾಣಿಜ್ಯ ಆಸ್ತಿಗಳನ್ನು ಹೊಂದಿದ್ದಾರೆ. ಅವರು ಸುಮಾರು 60 ಕೋಟಿ ರೂಪಾಯಿಗೆ ಈ ಆಸ್ತಿಗಳನ್ನು ಖರೀದಿಸಿದ್ದರು. ಇದಲ್ಲದೆ 2023ರಲ್ಲಿ ಅವರು ಒಂದೇ ಕಟ್ಟಡದಲ್ಲಿ ಹರಡಿರುವ ನಾಲ್ಕು ಘಟಕಗಳನ್ನು ಸರಿಸುಮಾರು 29 ಕೋಟಿ ರೂಪಾಯಿಗಳಿಗೆ ಖರೀದಿಸಿದ್ದರು.(ಏಜೆನ್ಸೀಸ್​​)

https://www.vijayavani.net/kangana-ranaut-reacts-to-emergency-not-releasing-in-punjab