ಕರೊನಾ ಪೀಡಿತ ಹಾಗೂ ಪೀಡಿತವಲ್ಲದ ಜಿಲ್ಲೆಗಳನ್ನು ಕೇರಳ ಸರ್ಕಾರ ಕೆಂಪು, ಹಸಿರು, ಕೇಸರಿ-ಎ ಹಾಗೂ ಕೇಸರಿ-ಬಿ ಎಂಬ ನಾಲ್ಕು ವಿಭಾಗಗಳಾಗಿ ವಿಂಗಡಿಸಿದೆ. ಕೆಂಪು ವಲಯದಲ್ಲಿ ಕಾಸರಗೋಡು, ಕಣ್ಣೂರು, ಕೊಂಜಿಕೋಡ್ ಹಾಗೂ ಮಲಪು್ಪರಂ ಜಿಲ್ಲೆಗಳಿದ್ದು, ಇಲ್ಲಿ ಮೇ 3ರವರೆಗೂ ಯಾವುದೇ ನಿರ್ಬಂಧ ಸಡಿಲಿಕೆ ಮಾಡಲಾಗುವುದಿಲ್ಲ. ಇವುಗಳ ಜತೆಗೆ ರಾಜ್ಯಾದ್ಯಂತ ಗುರುತಿಸಲಾಗಿರುವ 88 ಹಾಟ್ಸ್ಟಾಟ್ಗಳೂ ಸಹ ಕೆಂಪು ವಲಯದಲ್ಲಿರುತ್ತವೆ. ಕೊಟ್ಟಾಯಂ ಮತ್ತು ಇಡುಕ್ಕಿ ಹಸಿರು ವಲಯದಲ್ಲಿದ್ದು, ಇಲ್ಲಿನ ನಿರ್ಬಂಧಗಳನ್ನು ಕೊಂಚ ಸಡಿಲಿಸಲಾಗುತ್ತದೆ. ಕೇಸರಿ-ಎ ವಲಯದಲ್ಲಿ ಪಥನಮತ್ತಿಟ್ಟ, ಎರ್ನಾಕುಲಂ ಮತ್ತು ಕೊಲ್ಲಂ, ಕೇಸರಿ-ಬಿ ವಲಯದಲ್ಲಿ ಆಲಪ್ಪುಳ, ತಿರುವನಂತಪುರಂ, ಪಾಲಕ್ಕಾಡ್, ತ್ರಿಶೂರ್ ಮತ್ತು ವಯನಾಡು ಜಿಲ್ಲೆಗಳಿವೆ. ಸೋಮವಾರದಿಂದ ಹಸಿರು ಮತ್ತು ಕೇಸರಿ-ಎ ವಲಯದಲ್ಲಿ 7 ಗಂಟೆವರೆಗೆ ಹೋಟೆಲ್ಗಳು ತೆರೆದಿರಲಿವೆ.
