ಸ್ಟಾರ್​ ನಟನ ಫ್ಲಾಪ್​ ಚಿತ್ರ ಈಗ ಓಟಿಟಿಗೆ ಎಂಟ್ರಿ! ಈಲ್ಲಾದರೂ ಮಾಡಲಿದೆಯಾ ಕಮಾಲ್​?

ಮುಂಬೈ: ಕಳೆದ ಎರಡು ವರ್ಷಗಳು ಬಾಲಿವುಡ್​ನ ಹಿರಿಯ ನಟ ಅಕ್ಷಯ್​ ಕುಮಾರ್ (Akshay Kumar)​ ಪಾಲಿಗೆ ಮರೆಯುವಂತಿಲ್ಲ. ತಾವು ನಟಿಸಿದ 'ಸೂರ್ಯವಂಶಿ' ಮತ್ತು 'ಓ ಮೈ ಗಾಡ್​ 2' ಚಿತ್ರಗಳನ್ನು ಹೊರತುಪಡಿಸಿದರೆ ಉಳಿದ ಯಾವ ಸಿನಿಮಾಗಳು ಕೂಡ ಚಿತ್ರಮಂದಿರಗಳಲ್ಲಿ ಅಬ್ಬರಿಸಲಿಲ್ಲ. ಬಾಕ್ಸ್​ ಆಫೀಸ್​ನಲ್ಲಿ ಸದ್ದು ಮಾಡಲಿಲ್ಲ (Flop Cinema). ಕೋವಿಡ್​ ಸಮಯದಿಂದ ಎರಡು ಬ್ಲಾಕ್​ಬಸ್ಟರ್​ ನೋಡಿದ್ದು ಬಿಟ್ಟರೆ ಇನ್ಯಾವ ಬಿಗ್ ಬಜೆಟ್​ ಚಿತ್ರಗಳು ಸಹ ಪ್ರೇಕ್ಷಕರ ಮನಗೆಲ್ಲುವಲ್ಲಿ ಯಶಸ್ಸು ಕಾಣಲಿಲ್ಲ ಎಂಬುದು ಗಮನಾರ್ಹ.

ಇದನ್ನೂ ಓದಿ: ದಕ್ಷಿಣ ಕರ್ನಾಟದಲ್ಲಿ ಮಳೆ ಆರ್ಭಟ: 15 ಜಿಲ್ಲೆಗಳಲ್ಲಿ ಯೆಲ್ಲೋ ಅಲರ್ಟ್​​

ಇದೆಲ್ಲದರ ನಡುವೆ ಆಗಸ್ಟ್​ 15ರಂದು ಸ್ವಾತಂತ್ರ್ಯೋತ್ಸವ ದಿನಾಚರಣೆಯಂದು ಬಿಡುಗಡೆಯಾದ ಅಕ್ಷಯ್​ ಕುಮಾರ್ ಅಭಿನಯದ 'ಖೇಲ್ ಖೇಲ್ ಮೇನ್' ಚಿತ್ರವು ನಟಿ ಶ್ರದ್ಧಾ ಕಪೂರ್​ ನಟಿಸಿದ 'ಸ್ತ್ರೀ 2' ಜತೆ ಪೈಪೋಟಿಗೆ ಇಳಿಯಿತು. ರೊಮ್ಯಾಂಟಿಕ್ -ಕಾಮಿಡಿ ಜಾನರ್​ನಡಿ ಮೂಡಿಬಂದ ಅಕ್ಷಯ್​​ ಸಿನಿಮಾ, ಈ ಬಾರಿಯೂ ಚಿತ್ರಮಂದಿರದಲ್ಲಿ ಕಮಾಲ್ ಮಾಡುವಲ್ಲಿ ಮುಗ್ಗರಿಸಿತು. ಆದ್ರೆ, 'ಸ್ತ್ರೀ 2' ಮಾತ್ರ ಬಾಕ್ಸ್​ ಆಫೀಸ್​ನಲ್ಲಿ ಭರ್ಜರಿ ಕಲೆಕ್ಷನ್ ಕಾಣುವ ಮೂಲಕ ಚಿತ್ರರಂಗದವರ ಗಮನಸೆಳೆಯಿತು. ಅಂತಿಮವಾಗಿ ಮೂರನೇ ಬಾರಿಗೆ ಥಿಯೇಟರ್​ನಲ್ಲಿ ಫ್ಲಾಪ್​ ಆಗಿ ಹೊರಹೊಮ್ಮಿದ ಖೇಲ್ ಖೇಲ್ ಮೇನ್ ಚಿತ್ರ ಇದೀಗ ಓಟಿಟಿಯಲ್ಲಿ ತೆರೆಕಾಣಲು ಸಜ್ಜಾಗಿದೆ.

ಈ ದಿನಾಂಕದಂದು ನೆಟ್​ಫ್ಲಿಕ್ಸ್​ನಲ್ಲಿ ರಿಲೀಸ್

ಭಾರತೀಯ ಬಾಕ್ಸ್​ ಆಫೀಸ್​ನಲ್ಲಿ 40 ಕೋಟಿ ರೂ. ಗಳಿಸಿದ ಅಕ್ಷಯ್ ಕುಮಾರ್​ ಸಿನಿಮಾ ಇದೀಗ ನೆಟ್​ಫ್ಲಿಕ್ಸ್​ ಒಟಿಟಿ ಫ್ಲಾಟ್​ಫಾರ್ಮ್​ಗೆ ಲಗ್ಗೆಯಿಟ್ಟಿದೆ. ಇದೇ ಅಕ್ಟೋಬರ್​ 09ಕ್ಕೆ ರಿಲೀಸ್ ಆಗಲಿದೆ. ಚಿತ್ರದ ಡಿಜಿಟಲ್ ಹಕ್ಕುಗಳನ್ನು ಖರೀದಿಸಿದ ನೆಟ್​ಫ್ಲಿಕ್ಸ್​, ಬಿಡುಗಡೆ ದಿನಾಂಕವನ್ನು ಈಗಾಗಲೇ ಅಧಿಕೃತವಾಗಿ ಘೋಷಿಸಿದೆ. ಪ್ರಸ್ತುತ ಹಿಂದಿ ಭಾಷೆಯಲ್ಲಿರುವ ಚಿತ್ರ, ಯಾವ ಪ್ರಮುಖ ಭಾಷೆಗಳಲ್ಲಿ ತೆರೆಕಾಣಲಿದೆ ಎಂಬುದರ ಬಗ್ಗೆ ಸದ್ಯದ ಮಟ್ಟಿಗೆ ಮಾಹಿತಿ ಲಭ್ಯವಿಲ್ಲ,(ಏಜೆನ್ಸೀಸ್).

https://www.vijayavani.net/these-video-about-bengaluru-proves

https://www.vijayavani.net/radio-man-musuem-joined-to-guinness-record