‘ಈ ಹಿಂದೆ ದಿಗ್ಗಜರು ರಚಿಸಿದ್ದ ಚಿತ್ರಗಳು ಸೇರಿದಂತೆ ಲಕ್ಷಾಂತರ ಫೋಟೋಗಳನ್ನು ಅಧ್ಯಯನ ಮಾಡಿ ಹೊಸ ಚಿತ್ರಗಳನ್ನು ರಚಿಸುತ್ತೆ ಆರ್ಟಿಫಿಷಿಯಲ್ ಇಂಟಲಿಜನ್ಸ್. ಇದರಿಂದ ಕಲೆಯನ್ನೇ ಉದ್ಯೋಗ ಎಂದು ನಂಬಿರುವ ಬಹುತೇಕರಿಗೆ ಕೆಲಸ ಕಳೆದುಕೊಳ್ಳುವ ಭೀತಿ ಕಾಡುತ್ತಿದೆ. ಕೈಯಲ್ಲಿ ಚಿತ್ರಿಸಿದ ಚಿತ್ರಗಳ ಬೆಲೆ ಕುಸಿಯುವ ಆತಂಕವೂ ಆವರಿಸಿದೆ. ಆದರೆ, ವಿಶ್ಲೇಷಣೆಗಳ ಪ್ರಕಾರ ಇದು ಡಿಜಿಟಲ್ ಚಿತ್ರಕಾರರ ಕೆಲಸವನ್ನು ಕಸಿಯಬಹುದು. ಕೈಯಲ್ಲಿ ಮಾಡಿದ ಚಿತ್ರಗಳಿಗೆ ಎಂದಿಗೂ ಪೈಪೋಟಿ ನೀಡಲು ಸಾಧ್ಯವಿಲ್ಲ. ಕಲಾವಿದರ ಕೈಚಳಕದಲ್ಲಿ ಅರಳುವ ಕಲೆಗೆ ಅದರದ್ದೇ ಆದ ಮೌಲ್ಯ ಇದ್ದೇ ಇರುತ್ತೆ. ಎಂದಿಗೂ ಬೇಡಿಕೆ ಕುಸಿಯಲ್ಲ. ಕಲಾವಿದರು ಭಯ ಪಡುವ ಅಗತ್ಯವಿಲ್ಲ.
