ತೇಗ, ಬೇವು, ಬೀಟೆ, ಬಿಲ್ವಾರ, ಮತ್ತಿ, ಸಿಲ್ವಾರ್ ಮರಗಳನ್ನು ಆದಾಯದ ದೃಷ್ಟಿಯಿಂದ ಬೆಳೆಯಲಾಗುತ್ತಿದೆ. ತೆಂಗು, ಅಡಕೆ, ಬಾಳೆ, ಮಾವು, ಹಲಸು, ನೇರಳೆ, ಪಪ್ಪಾಯ, ಸೀಬೆ, ಅನಾನಸ್, ಕಿತ್ತಳೆ, ಮೂಸಂಬಿ, ಕರ್ಜೂರ, ಅಂಜೂರ, ಕರಿಬೇವು, ನುಗ್ಗೆ, ಬೇಲ, ಸಪೋಟ, ಸೀತಾಫಲ, ಲಕ್ಷ್ಮಣಫಲ, ರಾಮಫಲ, ಅಮಟೆಕಾಯಿ, ನೆಲ್ಲಿಕಾಯಿ, ಗೆಣಸು, ಶುಂಠಿ, ಮೆಣಸು, ವೀಳ್ಯದೆಲೆ, ಅರಿಶಿಣ, ಏಲಕ್ಕಿ, ಜಾಯಿಕಾಯಿ, ಚಕ್ಕೆಮರ, ಬೆಣ್ಣೆಹಣ್ಣು, ಅಶ್ವಗಂಧ, ಕಾಫಿ, ಸರ್ವ ಸಾಂಬಾರ, ಕೋಕೋ, ಹಂಟುದಳ, ಮಹಾಗನಿ, ನಿಂಬೆ, ಗಜನಿಂಬೆ, ಕಬ್ಬು ಹಾಗೂ ಔಷಧೀಯ ಗುಣಗಳುಳ್ಳ ಅಡಸೋಗೆ, ಇನ್ಸುಲಿನ್, ಇಪ್ಪಲಿ, ಇಂಗು, ರಣಪಾಲ ಸೇರಿದಂತೆ ಐವತ್ತಕ್ಕೂ ಹೆಚ್ಚು ಜಾತಿಯ ಹಣ್ಣು ಮತ್ತು ಇತರ ತೋಟಗಾರಿಕೆ ಬೆಳೆಗಳನ್ನು 1.30 ಎಕರೆ ಪ್ರದೇಶದಲ್ಲೇ ಬೆಳೆಯಲಾಗುತ್ತಿದೆ. ದನ-ಕರುಗಳಿಗೆ ಬೇಕಾದ ಮೇವು ಜಮೀನಿನಲ್ಲೇ ಉತ್ಪತ್ತಿಯಾಗುತ್ತಿದೆ.
