ಕರೊನಾ ಬಳಿಕದ ಅಡ್ಡಪರಿಣಾಮಗಳಿಗೆ ಇದೇ ಕಾರಣ: ಇದರ ಬಳಕೆ ತಪ್ಪಿಸಲು ವೈದ್ಯರ ಸಲಹೆ

ನವದೆಹಲಿ: ಕರೊನಾದ ಚೇತರಿಸಿಕೊಂಡರೂ ಗುಣಮುಖರಾದವರು ಬೇರೆ ಕಾಯಿಲೆಗಳಿಗೆ ತುತ್ತಾಗುತ್ತಿದ್ದು, ಕೋವಿಡ್ ಬೆನ್ನಿಗೆ ಬೇರೆ ಬೇರೆ ರೋಗಗಳಿಂದ ಬಳಲಾರಂಭಿಸಿದ್ದಾರೆ. ಇದಕ್ಕೆ ಕೋವಿಡ್​ ಚಿಕಿತ್ಸೆ ವೇಳೆ ಬಳಸುವ ಔಷಧದ ಅಡ್ಡಪರಿಣಾಮವೇ ಕಾರಣ ಎಂಬುದನ್ನು ಅರಿತುಕೊಂಡಿರುವ ವೈದ್ಯರು, ಇದೀಗ ಅದರ ಬಳಕೆಯನ್ನು ಆದಷ್ಟೂ ತಪ್ಪಿಸುವಂತೆ ಸಲಹೆ ನೀಡಿದ್ದಾರೆ.

ಕರೊನಾದಿಂದ ಗುಣಮುಖರಾದವರು, ಚೇತರಿಸಿಕೊಂಡ ಕೆಲವೇ ದಿನಗಳಲ್ಲಿ ಬ್ಲ್ಯಾಕ್​ ಫಂಗಸ್, ಬೋನ್​ ಡೆತ್​ ಸೇರಿದಂತೆ ನಾನಾ ರೋಗಗಳಿಗೆ ಒಳಗಾಗುತ್ತಿದ್ದಾರೆ. ಇದಕ್ಕೆಲ್ಲ ಕೋವಿಡ್ ಟ್ರೀಟ್​ಮೆಂಟ್ ವೇಳೆ ನೀಡಲಾಗುತ್ತಿರುವ ಸ್ಟೆರಾಯ್ಡ್ಸ್​​ ಕಾರಣ ಎಂಬುದು ತಿಳಿದುಬಂದಿದ್ದಾಗಿ ವೈದ್ಯರು ಹೇಳಿದ್ದಾರೆ.

ಕೋವಿಡ್​ನಿಂದ ಗುಣಮುಖರಾದ ಬಹಳಷ್ಟು ಮಂದಿ ಚೇತರಿಸಿಕೊಂಡ ಕೆಲವು ತಿಂಗಳುಗಳಿಂದ ಒಂದು ವರ್ಷದೊಳಗೆ ಕೀಲುನೋವು, ಸೊಂಟ-ಭುಜ ಮುಂತಾದ ನೋವುಗಳಿಗೆ ಒಳಗಾಗುತ್ತಿದ್ದಾರೆ. ಮೂಳೆಗೆ ಆಗುತ್ತಿರುವ ಹಾನಿಯ ಪರಿಣಾಮದಿಂದ ಹೀಗಾಗುತ್ತಿದೆ. ಇದಕ್ಕೆ ಕೋವಿಡ್​ ವೇಳೆ ನೀಡಲಾಗುವ ಸ್ಟೆರಾಯ್ಡ್ಸ್​ ಕಾರಣ. ಸ್ಟೆರಾಯ್ಡ್ಸ್​ ಒಂದು ರೀತಿಯಲ್ಲಿ ಎರಡು ಅಲಗಿನ ಕತ್ತಿಯಂತೆ. ಅತಿಯಾದ ಸ್ಟೆರಾಯ್ಡ್ಸ್​ ಬಳಕೆ ಮ್ಯಾರೋ ಒಡಿಮಾ ಎಂಬ ಕಾಯಿಲೆಗೆ ಕಾರಣವಾಗುತ್ತದೆ. ಇದು ಮೂಳೆಗೆ ರಕ್ತ ಸರಬರಾಜು ಆಗುವುದನ್ನೇ ಕಡಿತಗೊಳಿಸುತ್ತದೆ ಎಂದು ಎನ್​ಎಚ್​ಎಸ್​ ಆಸ್ಪತ್ರೆಯ ಡಾ. ಶುಭಾಂಗ್ ಅಗರ್​ವಾಲ್​ ಅಭಿಪ್ರಾಯಪಟ್ಟಿದ್ದಾರೆ. ಹೀಗಾಗಿ ಸಾಧಾರಣ ಸೋಂಕಿನ ಸಂದರ್ಭದಲ್ಲಿ ಸ್ಟೆರಾಯ್ಡ್ಸ್​ ಬಳಕೆ ಆದಷ್ಟೂ ತಪ್ಪಿಸಬೇಕು ಎಂಬುದಾಗಿ ಇವರೂ ಸೇರಿದಂತೆ ಹಲವು ವೈದ್ಯರು ಸಲಹೆ ನೀಡಿದ್ದಾರೆ. (ಏಜೆನ್ಸೀಸ್)

https://www.vijayavani.net/very-soon-twitter-with-new-update-having-upvote-and-downvote/

https://www.vijayavani.net/whatsapp-can-be-used-without-smartphone/

https://www.vijayavani.net/child-marriage-at-kodagu-with-a-30-year-old-person/