ಅಧಿಕ ಪಿಂಚಣಿ ಇಪಿಎಫ್​ಒ ಮಾರ್ಗಸೂಚಿ

ನವದೆಹಲಿ: ಕಾರ್ವಿುಕರು ನಿವೃತ್ತಿಯ ನಂತರ ಅಧಿಕ ಪಿಂಚಣಿ ಪಡೆಯುವಂತಹ ಯೋಜನೆಯ ಮಾರ್ಗಸೂಚಿಯನ್ನು ಕಾರ್ವಿುಕರ ಭವಿಷ್ಯನಿಧಿ ಸಂಸ್ಥೆ (ಇಪಿಎಫ್​ಒ) ಬಿಡುಗಡೆ ಮಾಡಿದೆ. 2014ರ ಕಾರ್ವಿುಕರ ಪಿಂಚಣಿ (ತಿದ್ದುಪಡಿ) ಯೋಜನೆಯನ್ನು ಎತ್ತಿಹಿಡಿದ ಸುಪ್ರೀಂಕೋರ್ಟ್, 2022ರ ನವೆಂಬರ್ 4ರಂದು ತೀರ್ಪು ನೀಡಿ; ಈ ಯೋಜನೆಗೆ ಸೇರುವ ಬಗ್ಗೆ ಕಾರ್ವಿುಕರು ನಾಲ್ಕು ತಿಂಗಳೊಳಗೆ ತೀರ್ವನಿಸಬೇಕು ಎಂದು ಹೇಳಿತ್ತು. ಈ ಗಡುವಿಗೂ 12 ದಿನ ಮೊದಲು ಇಪಿಎಫ್​ಒ ಮಾರ್ಗಸೂಚಿಯನ್ನು ಪ್ರಕಟಿಸಿದೆ.

2014ರ ತಿದ್ದುಪಡಿ ಏನು?

2014ರ ಸೆಪ್ಟೆಂಬರ್​ನಲ್ಲಿ ಇಪಿಎಸ್ ಕಾಯ್ದೆಗೆ ಮಾಡಿದ ತಿದ್ದುಪಡಿ ಪ್ರಕಾರ, ಪಿಂಚಣಿಗೆ ಅರ್ಹವಾಗುವ ಗರಿಷ್ಠ ಮೊತ್ತ ವೇತನವನ್ನು 6,500ರಿಂದ 15,000 ರೂ.ಗೆ ಏರಿಸಲಾಯಿತು. ಉದ್ಯೋಗದಾತರ ವಂತಿಗೆಯಲ್ಲಿ ಶೇ. 8.33 ಪಿಂಚಣಿ ಕಾರ್ಪಸ್ ನಿಧಿಗೆ ವರ್ಗಾಯಿಸಬೇಕು ಎಂದು ಹೇಳಲಾಯಿತು. ಸೆಪ್ಟೆಂಬರ್ 1ರಿಂದ ಅನ್ವಯವಾಗುವಂತೆ ಆರು ತಿಂಗಳೊಳಗೆ ಹೊಸ ಯೋಜನೆಗೆ ಕಾರ್ವಿುಕರು ಪರಿವರ್ತನೆ ಪಡೆಯಬಹುದು ಎಂದು ಸೂಚಿಸಲಾಯಿತು. ವಿಶೇಷ ಸಂದರ್ಭದಲ್ಲಿ ಇಪಿಎಫ್​ಒ ಪ್ರಾದೇಶಿಕ ಆಯುಕ್ತರಿಗೆ ಇದನ್ನು ಇನ್ನಾರು ತಿಂಗಳು ವಿಸ್ತರಿಸಲು ಅಧಿಕಾರ ನೀಡಲಾಯಿತು.

ವಾಯ್ದೆಯೊಳಗೆ ಆಯ್ಕೆ ಮಾಡಕೊಳ್ಳದಿದ್ದಲ್ಲಿ ಅಂತಹ ಚಂದಾದಾರರನ್ನು ‘ಆಯ್ಕೆ ಮಾಡಕೊಳ್ಳದವರು’ ಎಂದು ಸ್ವಾಭಾವಿಕವಾಗಿಯೇ ಭಾವಿಸಲಾಗುತ್ತದೆ ಎಂಬ ಷರಾ ಇತ್ತು. ಮೇಲೆ ಉಲ್ಲೇಖಿಸಿದ ಮೂಲವೇತನದ ಮಿತಿಗೂ ಹೆಚ್ಚಿನ ವೇತನ ಪಡೆಯುವ ಚಂದಾದಾರರು ಹೆಚ್ಚುವರಿಯಾಗಿ ಶೇ. 1.16ರಷ್ಟು ವಂತಿಗೆಯನ್ನು ಪಿಂಚಣಿ ನಿಧಿಗೆ ಪಾವತಿಸಬೇಕು ಎಂಬ ನಿಯಮವೂ ಈ ತಿದ್ದುಪಡಿಯಲ್ಲಿತ್ತು. ಆದರೆ, ಆಯ್ಕೆ ನೀಡಿದ ಗಡುವಿನ ಬಗ್ಗೆ ಮಾಹಿತಿ ಕೊರತೆಯಿಂದ ಅನೇಕರು ಹೊಸ ಯೋಜನೆಗೆ ಸೇರ್ಪಡೆಯಾಗಲು ಆಗಿಲ್ಲ. ಆದ್ದರಿಂದ ಇದನ್ನು ವಿಸ್ತರಿಸಬೇಕು ಎಂದು 54 ಅರ್ಜಿಗಳು ಸುಪ್ರೀಂಕೋರ್ಟ್​ಗೆ ಸಲ್ಲಿಕೆ ಆಗಿದ್ದವು.

• 1952ರ ಇಪಿಎಫ್ ಮತ್ತು ಇತರ ಸೌಲಭ್ಯ ಕಾಯ್ದೆಯಲ್ಲಿ ಪಿಂಚಣಿಯ ಉಲ್ಲೇಖವಿಲ್ಲ. ಹೀಗಾಗಿ 1995ರಲ್ಲಿ ತಿದ್ದುಪಡಿ ತರಲಾಯಿತು.
• 1995 ಇಪಿಎಫ್ ಕಾಯ್ದೆಯ ಅನ್ವಯ ಮೂಲವೇತನ ಮತ್ತು ತುಟ್ಟಿ ಭತ್ಯೆ ಸೇರಿದ ಒಟ್ಟು ಮೊತ್ತಕ್ಕೆ ಶೇ. 12ರ ವಂತಿಗೆಯನ್ನು ಕಾರ್ವಿುಕರು ಮತ್ತು ಉದ್ಯೋಗದಾತರು ಪಾವತಿಸುವುದು ಕಡ್ಡಾಯ. ಇದರಲ್ಲಿ ಉದ್ಯೋಗದಾತರು ನೀಡುವ ಶೇ. 12ರ ವಂತಿಗೆಯಲ್ಲಿ ಶೇ. 8.33ರಷ್ಟು ಮೊತ್ತ ಪಿಂಚಣಿ ಕಾರ್ಪಸ್ ಬಾಬ್ತಿಗೆ ಹೋಗುತ್ತದೆ.
• ಕಾಯ್ದೆ ಜಾರಿಯಾದಾಗ ಪಿಂಚಣಿಗೆ ಅರ್ಹವಾದ ಮೂಲವೇತನ ಗರಿಷ್ಠ್ಠ 5 ಸಾವಿರ ರೂ. ಇತ್ತು. ನಂತರ ಇದು 6,500 ರೂ.ಗೆ ಏರಿತು. 2014ರ ಸೆಪ್ಟೆಂಬರ್​ನಲ್ಲಿ ಇದು 15 ಸಾವಿರ ರೂ.ಗೆ ಹಿಗ್ಗಿತು.
• 58 ವರ್ಷ ತುಂಬಿದ ನಂತರ ಕಾರ್ವಿುಕರು ಪಿಂಚಣಿ ಪಡೆಯಲು ಅರ್ಹರಾಗುತ್ತಾರೆ. ಆದರೆ, ಕನಿಷ್ಠ 10 ವರ್ಷ ಇಪಿಎಫ್ ಚಂದಾದಾರರಾಗಿರಬೇಕು. 50ರಿಂದ 57ನೇ ವಯಸ್ಸಿನಲ್ಲಿ ಉದ್ಯೋಗ ತೊರೆದರೆ ಕಡಿಮೆಮಾಡಲಾದ ಪಿಂಚಣಿ ಪಡೆಯಲು ಅರ್ಹರಾಗುತ್ತಾರೆ.

https://www.vijayavani.net/transfer-order-of-seven-ips-officers/

https://www.vijayavani.net/1000-for-women-agricultural-workers-subsidy/