ಸಂದರ್ಶನವೊಂದರಲ್ಲಿ ಮಾತನಾಡಿದ ವಿದ್ಯಾ ಬಾಲನ್, “ಡರ್ಟಿ ಪಿಕ್ಚರ್ ಮಾಡುವ ಮೊದಲು ನಾನು ಧೂಮಪಾನ ಮಾಡುತ್ತಿರಲಿಲ್ಲ. ನನಗೆ ಸಿಗರೇಟ್ ಸೇದುವುದು ಹೇಗೆಂದು ಗೊತ್ತಿತ್ತು ಆದರೆ, ಅದನ್ನು ಮುಟ್ಟಲೇ ಇಲ್ಲ. ಆದರೆ ಕೆಲವು ಸಂದರ್ಭಗಳಲ್ಲಿ ಪಾತ್ರಗಳು ಮತ್ತು ಚಿತ್ರ ಸಹಜವಾಗಿ ಮೂಡಿಬರಲು ಕೆಲವು ಕೆಲಸಗಳನ್ನು ಮಾಡಬೇಕು. ಹಾಗಾಗಿಯೇ ಪಾತ್ರಕ್ಕಾಗಿ ಸಿಗರೇಟ್ ಸೇದಿದ್ದೇನೆ. ಜನರು ತಮ್ಮ ಮನಸ್ಸಿನಲ್ಲಿ ಏನನ್ನುತ್ತಾರೆ... ಸಿಗರೇಟು ಸೇದುವ ಹುಡುಗಿಯರ ಬಗ್ಗೆ ಅವರು ಯಾವ ರೀತಿಯ ಅಭಿಪ್ರಾಯವನ್ನು ರೂಪಿಸುತ್ತಾರೆ ಎಂಬುದು ನನಗೆ ತಿಳಿದಿದೆ. ಅದಕ್ಕೇ ಮೊದಮೊದಲು ಸಿಗರೇಟು ಹಿಡಿಯಲು ಭಯ ಅನ್ನಿಸುತ್ತಿತ್ತು. ಆದರೆ ಈಗ ಯಾರೂ ಮೊದಲಿನಂತೆ ತೀರ್ಪು ನೀಡುವುದಿಲ್ಲ. ಡರ್ಟಿ ಪಿಕ್ಚರ್ ಸಿನಿಮಾ ನನ್ನನ್ನು ಸಿಗರೇಟ್ ಸೇದುವ ಅಭ್ಯಾಸಕ್ಕೆ ಹತ್ತಿರವಾಗಿಸಿತು. ನಂತರ ನಾನು ದಿನಕ್ಕೆ 2 ರಿಂದ 3 ಸಿಗರೇಟ್ ಸೇದುತ್ತಿದ್ದೆ ಎಂದು ಅವರು ಹೇಳಿದರು.
