'ಅನಿಮಲ್‌' ಯಶಸ್ಸಿನ ಬೆನ್ನಲ್ಲೇ ಬಿಗ್ ಬಜೆಟ್ ಸಿನಿಮಾ ಆಫರ್ ಪಡೆದ ನಟಿ ತೃಪ್ತಿ ದಿಮ್ರಿ! ಯಾವ ಚಿತ್ರ?

ಮುಂಬೈ: ಸಂದೀಪ್ ರೆಡ್ಡಿ ವಂಗಾ ನಿರ್ದೇಶನದ ಹಾಗೂ ರಣಬೀರ್ ಕಪೂರ್ ಅಭಿನಯದ 'ಅನಿಮಲ್'​ ಇತ್ತೀಚೆಗೆಷ್ಟೇ ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡು ಬಾಕ್ಸ್​ ಆಫೀಸ್​ನಲ್ಲಿ ಚಿತ್ರತಂಡ ನಿರೀಕ್ಷಿಸಿದಂತೆ ಉತ್ತಮ ಗಳಿಕೆ ಕಂಡಿತು. ಕಲೆಕ್ಷನ್ ಕಂಡರೂ ಸಿನಿಪ್ರೇಕ್ಷಕರಿಂದ ಒಳ್ಳೆಯ ಪ್ರತಿಕ್ರಿಯೆ ಪಡೆಯುವಲ್ಲಿ ಚಿತ್ರತಂಡ ಭಾರೀ ಹಿನ್ನಡೆಯನ್ನು ಅನುಭವಿಸಿತು. ಅದಕ್ಕೆ ಕಾರಣ ಚಿತ್ರದಲ್ಲಿ ಬಳಸಿದ ದೃಶ್ಯಗಳು!

ಇದನ್ನೂ ಓದಿ: ಜನರ ಬಳಿಗೆ ಕೈ ಸರ್ಕಾರ; ವಿನೂತನ ಕಾರ್ಯಕ್ರಮ ರೂಪಿಸುತ್ತಿರುವ ಆಡಳಿತ ಯಂತ್ರ

ಈ ವರ್ಷದ ಅತಿದೊಡ್ಡ ಬ್ಲಾಕ್‌ಬಸ್ಟರ್‌ಗಳಲ್ಲಿ 'ಅನಿಮಲ್' ಕೂಡ ಒಂದಾಗಿದ್ದು, ಕೇವಲ ಭಾರತದಲ್ಲಿ 640 ಕೋಟಿ ರೂ. ಗಳಿಸಿತು ಮತ್ತು ವಿಶ್ವಾದ್ಯಂತ 875 ಕೋಟಿ ರೂ. ಕಲೆಕ್ಷನ್ ಮಾಡಿತು. ಸಿನಿಮಾದಲ್ಲಿನ ಹಸಿಬಿಸಿ ದೃಶ್ಯಗಳು ವ್ಯಾಪಕ ಟೀಕೆ ಮತ್ತು ಟ್ರೋಲ್​ಗಳಿಗೆ ಗುರಿಯಾದ ಚಿತ್ರವನ್ನು ಅನೇಕರು ತೀವ್ರವಾಗಿ ಖಂಡಿಸಿದರು. ಚಿತ್ರದಲ್ಲಿ ಜೋಯಾ ಎಂಬ ಬೋಲ್ಡ್​ ಪಾತ್ರದಲ್ಲಿ ಕಾಣಿಸಿಕೊಂಡ ನಟಿ ತೃಪ್ತಿ ದಿಮ್ರಿ ಸಿನಿಮಾದ ಸಂಪೂರ್ಣ ಆಕರ್ಷಣೆಯಾಗಿದ್ದರು ಹಾಗೂ ಚಿತ್ರರಸಿಕರ ಗಮನ ಸೆಳೆಯುವಲ್ಲಿ ಪ್ರಮುಖರಾದರು.

ಈ ಚಿತ್ರದ ಬಳಿಕ ತೃಪ್ತಿ ದಿಮ್ರಿಗೆ ಸಾಕಷ್ಟು ಹೊಸ ಹೊಸ ಆಫರ್​​ಗಳು ಒದಗಿ ಬರುತ್ತಿದ್ದು, ಹೆಚ್ಚು ನಿರೀಕ್ಷಿತ ಬಿಗ್ ಬಜೆಟ್ ಸಿನಿಮಾಗಳಲ್ಲಿ ನಟಿಸುವ ಅವಕಾಶಗಳು ನಟಿಗೆ ಲಭಿಸುತ್ತಿವೆ. ಇತ್ತೀಚಿನ ವರದಿಗಳ ಪ್ರಕಾರ, ತೃಪ್ತಿ ಮ್ಯೂಸಿಕಲ್ ರೊಮ್ಯಾಂಟಿಕ್ ಜಾನರ್​ನ ಮುಂದಿನ 'ಆಶಿಕಿ 3' ಚಿತ್ರದಲ್ಲಿ ಕಾರ್ತಿಕ್ ಆರ್ಯನ್ ಜತೆಗೆ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: ಡೇವಿಸ್​ ಕಪ್​ ತಪ್ಪಿಸಿಕೊಂಡಿದ್ದಕ್ಕೆ ವೈಲ್ಡ್​ಕಾರ್ಡ್​ಗೆ ಹೆಸರು ಸೂಚಿಸಲಿಲ್ಲ; ಎಐಟಿಎ ವಿರುದ್ಧ ಸುಮಿತ್​ ನಗಾಲ್​ ಬೇಸರ

ಸದ್ಯ ಈ ಕುರಿತಂತೆ ನಟಿಯ ಅಭಿಮಾನಿಗಳು ತೀವ್ರ ಕುತೂಹಲ ವ್ಯಕ್ತಪಡಿಸಿದ್ದು, ಮುಂಬರುವ ಹೊಸ ಹೊಸ ಯೋಜನೆಗಳ ಬಗ್ಗೆ ಹೆಚ್ಚು ಮಾಹಿತಿ ತಿಳಿಯಲು ನಿರೀಕ್ಷಿಸುತ್ತಿದ್ದಾರೆ,(ಏಜೆನ್ಸೀಸ್).

https://www.vijayavani.net/salaar-box-office-collection-5th-day