‘ಮಗಳು ಜಾನಕಿ’ಯ ಸಂಜನಾಗೆ ಮದುವೆ ಆಯ್ತು...

ಚಿತ್ರದುರ್ಗ: ‘ಮಗಳು ಜಾನಕಿ’ ಧಾರಾವಾಹಿಯ ಸಂಜನಾ ಪಾತ್ರ ಖ್ಯಾತಿಯ ಕಿರುತೆರೆ ನಟಿ ಸುಪ್ರಿಯಾ ಅವರ ವಿವಾಹವು ಸಾಫ್ಟ್‌ವೇರ್ ಇಂಜಿನಿಯರ್ ವಿಜಯ್ ಅವರೊಂದಿಗೆ ನಡೆಯಿತು.

ತಾಲೂಕಿನ ಜಾನುಕೊಂಡ ಗ್ರಾಮ ಸಮೀಪದ ಶ್ರೀ ಲಕ್ಷ್ಮೀರಂಗನಾಥ ಸ್ವಾಮಿ ದೇವಾಲಯದಲ್ಲಿ ಮೊನ್ನೆ ಈ ಮದುವೆಯು ಸರಳವಾಗಿ ನಡೆಯಿತು.

ಇದನ್ನೂ ಓದಿ ವೈರಲ್ ಆಯ್ತು ಮಗಳು ಜಾನಕಿ ಗೀತೆ

ಕರೊನಾ ಲಾಕ್‌ಡೌನ್ ಕಾರಣಕ್ಕೆ ವಧು, ವರ ಹಾಗೂ ಅವರ ಕುಟುಂಬದವರು ಸೇರಿದಂತೆ 20 ಮಂದಿ ಮಾತ್ರ ಈ ಶುಭ ಸಂದರ್ಭದಲ್ಲಿ ಹಾಜರಿದ್ದರು.

ದೇವಾಲಯದ ಪುರೋಹಿತರ ಸಾನ್ನಿಧ್ಯದಲ್ಲಿ ಅರ್ಧ ತಾಸಿನೊಳಗೆ ವಿವಾಹಕ್ಕೆ ಸಂಬಂಧಿಸಿದ ಶಾಸ್ತ್ರ, ಸಂಪ್ರದಾಯಗಳು ನೆರವೇರಿದವು. ಲಕ್ಷಾಂತರ ರೂ. ವೆಚ್ಚದಲ್ಲಿ ಅದ್ಧೂರಿಯಿಂದ ಜರುಗಬೇಕಿದ್ದ ಮದುವೆ, ಹತ್ತಾರು ಸಾವಿರ ರೂ. ಖರ್ಚಿಗೆ ಮಾತ್ರ ಸೀಮಿತಗೊಂಡಿತ್ತು.

ಇದನ್ನೂ ಓದಿ ಅಪಘಾತದಲ್ಲಿ ಮೃತಪಟ್ಟ ಮಂಗಳಕ್ಕ

https://www.vijayavani.net/she-is-the-lady-who-given-kannada-voice-to-corona-caller-tune/