ಕನ್ನಡದ ‘ಕಾಂತಾರ’ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಯಶಸ್ಸು ಕಂಡಿತ್ತು. ಅದರ ಬೆನ್ನಲ್ಲೇ ಚಿತ್ರತಂಡ ‘ಕಾಂತಾರ 2’ ಘೋಷಿಸಿದ್ದು, ಇದು ಪ್ರೀಕ್ವಲ್ ಆಗಿರಲಿದೆ ಎಂದಿತ್ತು. ‘ಕಾಂತಾರ’ದಲ್ಲಿ ನಡೆದ ಕಥೆಗೂ ಮುನ್ನ ಏನೆಲ್ಲಾ ನಡೆಯಿತು ಎಂಬುದರ ದರ್ಶನ ಮಾಡಿಸಲಿದ್ದಾರೆ ನಿರ್ದೇಶಕ ರಿಷಬ್ ಶೆಟ್ಟಿ. ಹೀಗಾಗಿ ‘ಕಾಂತಾರ 2’ ಘೋಷಣೆ ಆದಾಗಿನಿಂದ ಸಿನಿಮಾ ಯಾವಾಗ ಶುರು ಎಂಬ ಪ್ರಶ್ನೆ ಅಭಿಮಾನಿಗಳದ್ದು. ಅದಕ್ಕೆ ನಟ, ನಿರ್ದೇಶಕ ರಿಷಬ್ ಶೆಟ್ಟಿ, ‘ಕಥೆ ಪೂರ್ಣಗೊಂಡಿವೆ. ಸಾಮಾನ್ಯವಾಗಿ ಎರಡು, ಮೂರು ಕರಡು ಪ್ರತಿಗಳನ್ನು ಮಾಡಿಕೊಳ್ಳುತ್ತೇವೆ. ಕಲಾವಿದರ ಆಯ್ಕೆ, ಲೊಕೇಷನ್ ಹುಡುಕಾಟ, ಬರವಣಿಗೆಯ ಕೆಲಸಗಳೂ ಏಕಕಾಲದಲ್ಲಿ ನಡೆಯುತ್ತಿವೆ. ಸದ್ಯಕ್ಕೆ ಪ್ರಿ-ಪ್ರೊಡಕ್ಷನ್ನತ್ತ ನಮ್ಮ ಗಮನವಷ್ಟೇ. ಆದರೆ, ಯಾವಾಗ ಶುರು ಎಂಬುದನ್ನು ಹೊಂಬಾಳೆ ಫಿಲಂಸ್ನ ವಿಜಯ್ ಕಿರಗಂದೂರು ಅವರೇ ಅಧಿಕೃತವಾಗಿ ಘೋಷಣೆ ಮಾಡಬೇಕು. ಆ ಬಳಿಕ ನಾವು ಚಿತ್ರೀಕರಣಕ್ಕೆ ಹೊರಡುತ್ತೇವೆ’ ಎಂದು ಮಾಹಿತಿ ನೀಡುತ್ತಾರೆ. ಪ್ರಿ-ಪ್ರೊಡಕ್ಷನ್ ಕೆಲಸದ ಜತೆಗೆ ಖುದ್ದು ರಿಷಬ್ ಸಹ ಪಾತ್ರಕ್ಕಾಗಿ ಸಿದ್ಧತೆ ಮಾಡಿಕೊಳ್ಳುತ್ತಿದ್ದು, ಅದರ ಕುರಿತು ಮುಂದಿನ ದಿನಗಳಲ್ಲಿ ಹೇಳೀಕೊಳ್ಳುತ್ತಾರಂತೆ.
