ಆಂಧ್ರಪ್ರದೇಶ: ಸಾಮಾನ್ಯವಾಗಿ ಒಂದು ಸಿನಿಮಾ ಅಂದಮೇಲೆ ಅದಕ್ಕೆ ಹೀರೋ ಪಾತ್ರ ಬಹಳ ಮುಖ್ಯ. ಚಿತ್ರದಲ್ಲಿ ವಿಲನ್ ಅಥವಾ ನಟಿ ಮೊದಲಾರ್ಧದಲ್ಲಿ ಸಾವಿಗೀಡಾದರೆ ಉಳಿದ ಕಥೆಯನ್ನು ಕೊನೆಯವರೆಗೂ ಕೊಂಡೊಯ್ಯುವುದೇ ಸಿನಿಮಾದ ನಾಯಕ. ಆದ್ರೆ, ಸ್ಟಾರ್ ಹೀರೋನೇ ಫಸ್ಟ್ ಆಫ್ನಲ್ಲಿ ಸತ್ತು ಹೋದರೆ, ಆ ಚಿತ್ರದ ಗತಿಯೇನು? ಇದನ್ನೇ ಕಥೆಯ ಜೀವಾಳವಾಗಿಟ್ಟುಕೊಂಡ ಭಾರತದ ಸ್ಟಾರ್ ನಿರ್ದೇಶಕ ರಾಜಮೌಳಿ, 2012ರಲ್ಲಿ ನಟ ಕಿಚ್ಚ ಸುದೀಪ್, ನ್ಯಾಚುರಲ್ ಸ್ಟಾರ್ ನಾನಿ ಮತ್ತು ನಟಿ ಸಮಂತಾ ರುತು ಪ್ರಭು ಸೇರಿಸಿಕೊಂಡು ರೂಪಿಸಿದ ತೆಲುಗು ಚಿತ್ರವೇ 'ಈಗ'. ಈ ಸಿನಿಮಾ ಅಂದು ಬ್ಲಾಕ್ಬಸ್ಟರ್ ಚಿತ್ರವಾಗಿ ಹೊರಹೊಮ್ಮಿದ್ದು ನಮಗೆಲ್ಲಾ ಗೊತ್ತೇ ಇದೆ. ಕೇವಲ ಒಂದು ನೊಣವನ್ನೇ ಚಿತ್ರದ ಹೀರೋ ಆಗಿ ಮಾಡಿದ ರಾಜಮೌಳಿಗೆ ಎಲ್ಲಿಲ್ಲದ ಪ್ರಶಂಸೆ, ಮೆಚ್ಚುಗೆಗಳು ಹರಿದುಬಂದಿತ್ತು. ಇದೀಗ 'ಈಗ 2' ಯಾವಾಗ ಎಂಬ ಪ್ರಶ್ನೆ ಸದ್ಯ ಮುನ್ನೆಲೆಗೆ ಬಂದಿದೆ.
