ಆ 8 ವರ್ಷ! ಚಿಕ್ಕ ವಯಸ್ಸಿನಲ್ಲಿ 'ಇಡ್ಲಿ'ಗಾಗಿ... ವೇದಿಕೆ ಮೇಲೆ ಬಾಲ್ಯದ ಕಷ್ಟ ನೆನೆದ ನಟ ಧನುಷ್​ | Actor Dhanush

Actor Dhanush: ತಮ್ಮ ವಿಭಿನ್ನ ಹಾಗೂ ವಿಶೇಷ ಪಾತ್ರಗಳಿಂದಲೇ ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಸಂಪಾದಿಸಿರುವ ತಮಿಳು ನಟ ಧನುಷ್​, ತಮ್ಮ ಮುಂಬರುವ 'ಇಡ್ಲಿ ಕಡಾಯಿ' ಚಿತ್ರದ ಆಡಿಯೋ ಲಾಂಚ್ ಕಾರ್ಯಕ್ರಮದ ವೇದಿಕೆಯಲ್ಲಿ ಹಲವು ವಿಷಯಗಳನ್ನು ಮುಕ್ತವಾಗಿ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ಮಳೆಯಿಂದ ಜನ ಜೀವನ ಆಸ್ತವ್ಯಸ್ತ -ಮಾನ್ವಿಯ ಬಲ್ಲಟಗಿಯಲ್ಲಿ 32.5 ಮಿ,ಮೀ ದಾಖಲೆ ಮಳೆ

'ಇಡ್ಲಿ ಕಡಾಯಿ' ಕುರಿತಂತೆ ಮಾತು ಆರಂಭಿಸಿದ ಧನುಷ್​, "ನಮ್ಮ ತಂದೆಯು ಒಬ್ಬ ನಿರ್ದೇಶಕರೇ. ನಾನು 1983ರಲ್ಲಿ ಜನಿಸಿದ್ದು. ಅಪ್ಪ 1991ರಲ್ಲಿ ನಿರ್ದೇಶಕರಾಗಿ ಚಿತ್ರರಂಗಕ್ಕೆ ಕಾಲಿಟ್ಟರು. ನಾನು ಹುಟ್ಟಿದ ಸಮಯದಿಂದ ಅಂದರೆ ಆ 8 ವರ್ಷ ನಮ್ಮ ಕುಟುಂಬದಲ್ಲಿ ಭಾರೀ ಆರ್ಥಿಕ ಸಂಕಷ್ಟ ಕಾಡುತ್ತಿತ್ತು. 1995ರ ಬಳಿಕ ನಮ್ಮ ಜೀವನಶೈಲಿ ಕೊಂಚ ಸುಧಾರಣೆ ಕಂಡಿತ್ತು. ಅಲ್ಲಿಯವರೆಗೆ ಬಹಳ ಕಷ್ಟಗಳನ್ನು ಎದುರಿಸಿದೆವು" ಎಂದರು.

"ನಮ್ಮ ಕುಟುಂಬ ಒಂದು ಸಣ್ಣ ಬಜೆಟ್​ ಮೇಲೆ ಜೀವನ ನಡೆಸುತ್ತಿತ್ತು. ನನಗೆ ಮತ್ತು ನನ್ನ ಸಹೋದರರಿಗೆ ಮನೆಯ ಕಷ್ಟಗಳು ಅರ್ಥವಾಗಿತ್ತು. ಹೀಗಾಗಿಯೇ, ಆದಷ್ಟು ಸಣ್ಣಪುಟ್ಟ ಕೆಲಸಗಳನ್ನು ಸ್ವತಃ ನಾವೇ ಹುಡುಕಿಕೊಂಡು ಮಾಡುತ್ತಿದ್ದೆವು. ಹೊಲಗಳಲ್ಲಿ ಕೆಲಸ ಮಾಡುತ, ಹೂವುಗಳನ್ನು ಮಾರುತ, ಅದರಲ್ಲಿ ಬಂದ ಒಂದೆರೆಡು ರೂಪಾಯಿಯಲ್ಲಿ 4ರಿಂದ 5 ಇಡ್ಲಿಯನ್ನು ಖರೀದಿಸಿ, ತಿನ್ನುತ್ತಿದ್ದೆವು. ಆಗ ಸಿಗುತ್ತಿದ್ದ ತೃಪ್ತಿ, ಖುಷಿ ಈಗ ರೆಸ್ಟೋರೆಂಟ್​ನಲ್ಲಿ ಊಟ ಸವಿದರೂ ಸಿಗ್ತಿಲ್ಲ" ಎಂದು ಧನುಷ್​ ಹೇಳಿದ್ದಾರೆ.

ಇಡ್ಲಿ ಕಡೈ ಚಿತ್ರದ ಬಗ್ಗೆ?

ಸ್ವತಃ ಧನುಷ್ ಬರೆದು, ನಿರ್ಮಿಸಿ, ನಿರ್ದೇಶಿಸಿರುವ ತಮಿಳು ಭಾಷೆಯ 'ಇಡ್ಲಿ ಕಡೈ' ಚಿತ್ರವು ಮುರುಗನ್ ಎಂಬ ಹೋಟೆಲ್​ ಉದ್ಯೋಗಿಯ ಕಥೆಯನ್ನು ಹೊತ್ತು ಸಾಗಲಿದೆ. ಈ ಚಿತ್ರದಲ್ಲಿ ಧನುಷ್​, ನಿತ್ಯಾ ಮೆನನ್, ಅರುಣ್ ವಿಜಯ್, ಸತ್ಯರಾಜ್, ಆರ್. ಪಾರ್ಥಿಬನ್, ಶಾಲಿನಿ ಪಾಂಡೆ, ಪಿ. ಸಮುತಿರಕಣಿ, ರಾಜ್‌ಕಿರಣ್, ಗೀತಾ ಕೈಲಾಸಂ ಸೇರಿ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಸಿನಿಮಾ ಇದೇ ಅಕ್ಟೋಬರ್ 1ರಂದು ಚಿತ್ರಮಂದಿರಗಳಲ್ಲಿ ತೆರೆಕಾಣಲಿದೆ,(ಏಜೆನ್ಸೀಸ್).

https://www.vijayavani.net/drinking-alcohol-rises-hunger-for-this-reasons