ಇತ್ತೀಚೆಗಷ್ಟೇ ವಿವಾದಗಳಿಂದ ತೀವ್ರ ಟೀಕೆಗೆ ಗುರಿಯಾಗಿದ್ದ ನಟ ಬಾಲಾ, ಯಾವ ಟ್ರೋಲ್, ನೆಗೆಟಿವ್ ವಿಮರ್ಶೆಗಳಿಗೂ ತಲೆಕೊಡದೆ, ನಾನು ಮತ್ತೊಂದು ಮದುವೆಯಾಗಲು ಸಿದ್ಧವಾಗಿದ್ದೇನೆ ಎಂದು ಬಹಿರಂಗವಾಗಿ ಹೇಳಿಕೆ ನೀಡಿದ್ದರು. ಇದನ್ನು ಕೇಳಿದ ಬಳಿಕ ಟ್ರೋಲ್, ಛೀಮಾರಿಗಳು ವ್ಯಾಪಕವಾಗಿ ಕೇಳಿಬಂದಿದ್ದವು. ನಿಮಗೆ ಮತ್ತೊಂದು ವಿವಾಹ ಏಕೆ? ಎಂಬ ಪ್ರಶ್ನೆಗಳು ಜಾಲತಾಣಗಳಲ್ಲಿ ಸದ್ದು ಮಾಡಿತ್ತು. ಆದರೆ, ಇದ್ಯಾವುದಕ್ಕೂ ಕಿಂಚಿತ್ತು ಗಮನ ಹರಿಸಿದ ನಟ, ಇದೀಗ ಅಂತಿಮವಾಗಿ ತಮ್ಮ ಹೇಳಿಕೆಗೆ ಬದ್ಧವಾಗಿದ್ದು, ನಾಲ್ಕನೇ ಬಾರಿಗೆ ವಿವಾಹವಾಗಿದ್ದಾರೆ. ಈ ಬಾರಿ ಕೋಕಿಲ ಎಂಬ ಯುವತಿಗೆ ಮೂರು ಗಂಟು ಹಾಕಿರುವ ಬಾಲಾ, ತಮ್ಮ ಕುಟುಂಬದರನ್ನೇ ಮದುವೆ ಆಗಿರುವುದು ಸದ್ಯ ಅಚ್ಚರಿಗೆ ಕಾರಣವಾಗಿದೆ.
