ಆಹಾರವೂ ಇಲ್ಲದೇ ಕಂಗಾಲು: ಲಾತ್ವಿಯಾದಲ್ಲಿ ಭಾರತದ ರಾಯಭಾರ ಕಚೇರಿಗಳಿಲ್ಲ. ಹೀಗಾಗಿ, ಸ್ವೀಡನ್ನಲ್ಲಿರುವ ರಾಯಭಾರ ಕಚೇರಿಯನ್ನೇ ಲಾತ್ವಿಯಾದ ಭಾರತೀಯರು ಅವಲಂಬಿಸಬೇಕಿರುವುದರಿಂದ ಇಂಡೋ-ಲಾತ್ವಿಯಾ ಕಲ್ಚರಲ್ ಆಂಡ್ ಎಕನಾಮಿಕ್ ಫೋರಂ ಮದ್ಯವರ್ತಿಯಂತೆ ಕೆಲಸ ಮಾಡುತ್ತಿದೆ. ಆಹಾರ ಸಾಮಗ್ರಿ ಕೊರತೆ ಎದುರಿಸುತ್ತಿದ್ದ ವಿದ್ಯಾರ್ಥಿಗಳಿಗೆ ಈ ಸಂಸ್ಥೆಯ ಅಧ್ಯಕ್ಷರಾಗಿರುವ ಸನ್ನಿ ಮೊಟ್ವಾನಿ ಅವರು ತಮ್ಮ ಇಂಡಿಯನ್ ರಾಜಾ ರೆಸ್ಟೋರಂಟ್ನಿಂದ ಶನಿವಾರ ಆಹಾರ ಸಾಮಗ್ರಿಗಳನ್ನು ತಲುಪಿಸಿದ್ದಾರೆ. ಸಾಮಾನ್ಯ ದಿನಗಳಲ್ಲಿ ಇಲ್ಲಿ ಆಂಬುಲೆನ್ಸ್ಗಳಿಗೆ 80-85 ಯೂರೋ ನೀಡಬೇಕಾಗುತ್ತದೆ. ಆದರೆ ಕರೊನಾ ಬಂದ ನಂತರ ಒಂದು ಬಾರಿ ಆಂಬುಲೆನ್ಸ್ ಬಳಸಿದರೆ 150 ಯೂರೋವನ್ನು ಆಸ್ಪತ್ರೆಗಳು ಕೇಳುತ್ತಿವೆ. ಇದು ಕೂಡ ವಿದ್ಯಾರ್ಥಿಗಳನ್ನು ಮತ್ತಷ್ಟು ಚಿಂತೆಗೆ ತಳ್ಳಿದೆ. 18 ಲಕ್ಷ ಜನಸಂಖ್ಯೆ ಇರುವ ಲಾತ್ವಿಯಾದಲ್ಲಿ 350 ಮಂದಿಗೆ ಕೋವಿಡ್-19 ಖಚಿತವಾಗಿದ್ದು, ಸದ್ಯಕ್ಕೆ ಯಾವುದೇ ಸಾವಿನ ಪ್ರಕರಣ ಕೇಳಿಬಂದಿಲ್ಲ. ಭಾನುವಾರ ಒಂದೇ ದಿನ 46 ಹೊಸ ಪ್ರಕರಣಗಳು ದಾಖಲಾಗಿವೆ.
