ಸಹೋದ್ಯೋಗಿಗಳ ಅಮಾನತು ಖಂಡಿಸಿ ವಿಭಿನ್ನವಾಗಿ ಪ್ರತಿಭಟಿಸಿದ ಎಎಪಿ ಸಂಸದ

ನವದೆಹಲಿ: ತಮ್ಮ ಸಹೋದ್ಯೋಗಿಗಳಾದ ಸಂಜಯ್​ ಸಿಂಗ್​ ಹಾಗೂ ರಾಘವ್​ ಚಡ್ಡಾರನ್ನು ಅಧಿವೇಶನದಿಂದ ಅಮಾನತು ಮಾಡಿರುವುದನ್ನು ಖಂಡಿಸಿ ಎಎಪಿ ಸಂಸದ ಸುಶೀಲ್​​ ಕುಮಾರ್​ ರಿಂಕು ಶುಕ್ರವಾರ ಸಂಸತ್​ ಭವನದ ಎದುರು ವಿಭಿನ್ನವಾಗಿ ಪ್ರತಿಭಟನೆ ನಡೆಸುವ ಮೂಲಕ ಕೇಂದ್ರ ಸರ್ಕಾರದ ವಿರುದ್ಧ ತಮ್ಮ ಆಕ್ರೋಶವನ್ನು ಹೊರಹಾಕಿದ್ದಾರೆ.

ಅಶಿಸ್ತಿನ ವರ್ತನೆ ತೋರಿದ ಆರೋಪದ ಮೇಲೆ ಆಗಸ್ಟ್​ 3ರಂದು ಜಲಂಧರ್​ ಸಂಸದ ಸುಶೀಲ್​ ಕುಮಾರ್​ ರಿಂಕುರನ್ನು ಲೋಕಸಭೆ ಅಧಿವೇಶನದಿಂದ ಅಮಾನತು ಮಾಡಿ ಸಭಾಧ್ಯಕ್ಷ ಓಂ ಬಿರ್ಲಾ ಆದೇಶಿಸಿದ್ದರು.

ಸಿದ್ಧಾಂತವನ್ನು ಕೊಲ್ಲುತ್ತಿದೆ

ಈ ಕುರಿತು ಮಾತನಾಡಿದ ಎಎಪಿ ಸಂಸದ ಸುಶೀಲ್​ ಕುಮಾರ್​ ರಿಂಕು ದೇಶದ ಪ್ರಜಾಪ್ರಭುತ್ವ ಇಂದು ಅಪಾಯದಲ್ಲಿದೆ. ಕೇಂದ್ರ ಸರ್ಕಾರವು ಪ್ರಜಾಪ್ರಭುತ್ವದ ನಾಲ್ಕು ಸ್ಥಂಭಗಳನ್ನೂ ಸರಪಳಿಯಿಂದ ಬಂಧಿಸಿದೆ. ಇದೇ ರೀತಿ ಆದಲ್ಲಿ 2024ರಲ್ಲಿ ದೇಶದ ಜನತೆ ಬಿಜೆಪಿಯನ್ನು ಅಧಿಕಾರದಿಂದ ಕೆಳಗಿಳಿಸುತ್ತಾರೆ.

ಇದನ್ನೂ ಓದಿ: ರಾಜ್ಯ ಸರ್ಕಾರದ ನೀತಿಯಿಂದ ಗುತ್ತಿಗೆದಾರರು ನೇಣು ಹಾಕಿಕೊಳ್ಳುವ ಸ್ಥಿತಿಗೆ ಬಂದಿದ್ದಾರೆ: ಶಾಸಕ ಗೋಪಾಲಯ್ಯ

ದೇಶದ ನ್ಯಾಯಾಂಗ ವ್ಯವಸ್ಥೆಯೂ ಜನತೆಗೆ ನ್ಯಾಯವನ್ನು ನೀಡಲು ಬಯಸುತ್ತದೆ. ಆದರೆ, ಬಿಜೆಪಿ ಅದನ್ನು ಒಪ್ಪಿಕೊಳ್ಳಲು ಸಿದ್ಧವಿಲ್ಲ. ದೇಶದ ಕಾರ್ಯಾಂಗ ಅಧಿಕಾರಿಶಾಹಿ ಕೇಂದ್ರ ಸರ್ಕಾರದ ತಾಳಕ್ಕೆ ತಕ್ಕಂತೆ ಕುಣಿಯುತ್ತಿದೆ. ವಿರೋಧ ಪಕ್ಷದ ನಾಯಕರನ್ನು ಗುರಿಯಾಗಿಸಿ ಕಿರುಕುಳ ನೀಡಲಾಗುತ್ತಿದೆ ಎಂದು ಆರೋಪಿಸಿದ್ದಾರೆ.

ನಾನು ಈ ಮೂಲಕ ದೇಶದ ಜನತೆಗೆ ವಿನಂತಿಸಿಕೊಳ್ಳುವುದೇನೆಂದರೆ 2024ರ ಲೋಕಸಭೆ ಚುನಾವಣೆಯಲ್ಲಿ ಬಿಜೆಪಿಯನ್ನು ಹೊರಗಿಟ್ಟು, ಪ್ರಜಾಪ್ರಭುತ್ವದ ಆಶಯಗಳಿಗೆ ಬೆಲೆಕೊಡುವ ಸರ್ಕಾರವನ್ನು ಅಧಿಕಾರಕ್ಕೆ ತೆರಬೇಕೆಂದು ವಿನಂತಿಸುತ್ತೇನೆ. ಪ್ರಸ್ತುತ ಸರ್ಕಾರವು ಪ್ರಜಾಪ್ರಭುತ್ವ ಹಾಗೂ ಬಾಬಾ ಸಾಹೇಬ್​ ಅಂಬೇಡ್ಕರ್​ ಅವರ ಸಿದ್ಧಾಂತವನ್ನು ಕೊಲ್ಲುತ್ತಿದೆ ಎಂದು ಕಿಡಿಕಾರಿದ್ದಾರೆ.

https://www.vijayavani.net/three-youths-stabbed-for-talking-with-girl

https://www.vijayavani.net/india-asks-nationals-in-niger-to-leave-country-i