ಹಲವು ಅಡಚಣೆ: ರಾಜ್ಯದಲ್ಲಿ 34 ಲಕ್ಷ ನೀರಾವರಿ ಪಂಪ್ಸೆಟ್ಗಳಿರುವ ಅಂದಾಜಿದೆ. ಈ ಪೈಕಿ 32 ಲಕ್ಷ ಐ.ಪಿ.ಸೆಟ್ಗಳಿಗೆ ಆಧಾರ್ ಜೋಡಣೆ (ಶೇ. 94.30)ಯಾಗಿದೆ ಎನ್ನುವುದು ಇಂಧನ ಇಲಾಖೆ ಅಧಿಕೃತ ಮಾಹಿತಿ. ವ್ಯವಸ್ಥಿತವಾಗಿ ನೀರಾವರಿ ಪಂಪ್ಸೆಟ್ಗಳ ಸಹಾಯಧನ ಪಡೆಯಲು, ನೈಜ ಮತ್ತು ಅರ್ಹ ರೈತರಿಗೆ ಪ್ರಯೋಜನ ಒದಗಿಸುವುದು ಆಧಾರ್ ಲಿಂಕ್ ಉದ್ದೇಶ ಎಂಬುದು ಸರ್ಕಾರದ ಸಮಜಾಯಿಷಿ. ಈ ನಡುವೆ ಇಂಧನ ಇಲಾಖೆಗೆ ಬೆಸ್ಕಾಂ ನೀಡಿರುವ ವಿವರಣೆ ಪ್ರಕಾರ ಭೂ ಮಾಲೀಕನ ನಿಧನ, ಭೂ ಮಾಲೀಕತ್ವ ಬದಲಾವಣೆ, ಕೌಟುಂಬಿಕ ಕಾರಣಗಳು, ಫ್ರೂಟ್ಸ್ ಮತ್ತು ಡೆಟಾ ಬೇಸ್ನಲ್ಲಿ ಜೋಡಣೆಗೆ ಮೊಬೈಲ್ ಸಂಖ್ಯೆ ದಾಖಲಾಗದಿರುವುದು, ಅಮಾನ್ಯ ಆಧಾರ್ ಕಾರ್ಡ್ ಇತ್ಯಾದಿ ಅಡಚಣೆಗಳ ಪರಿಣಾಮ 1,17,775 ಐ.ಪಿ.ಸೆಟ್ಗಳಿಗೆ ಜೋಡಣೆ ಸಾಧ್ಯವಾಗುತ್ತಿಲ್ಲ. ಅಮಾನ್ಯ ಆಧಾರ್ ಕಾರ್ಡ್ ಸಂಬಂಧಿಸಿದ ಮಾಲೀಕರಿಂದ ವಾಪಸ್ ಪಡೆಯುವುದು, ಕಂದಾಯ ಖಾತೆಗಳನ್ನು ಮುಕ್ತಾಯಗೊಳಿಸುವ ಪ್ರಕ್ರಿಯೆ ಚಾಲ್ತಿಗೊಳಿಸುವುದು ಮುಂತಾದ ಆಡಳಿತಾತ್ಮಕ ಕ್ರಮ ಮುಂದಿಟ್ಟು ಬೆಸ್ಕಾಂ ಸೆಪ್ಟೆಂಬರ್ವರೆಗೆ ಕಾಲಾವಕಾಶ ಪಡೆದಿದೆ.
