ಕರೊನಾಕ್ಕೆ ಹೆದರಿ ಆ್ಯಸಿಡ್​ ಕುಡಿದು ಆತ್ಮಹತ್ಯೆ ಮಾಡಿಕೊಂಡ ಯುವತಿ

ಅಹಮದಾಬಾದ್​: ಕರೊನಾ ಒಂದು ಸೋಂಕಷ್ಟೇ, ಅದಕ್ಕೆ ಹೆದರಬೇಡಿ, ಧೈರ್ಯವಾಗಿರಿ ಎಂದು ಸರ್ಕಾರ ಹೇಳುತ್ತಲೇ ಬಂದಿದೆ. ಮುಂಜಾಗ್ರತೆ ವಹಿಸಿ, ಭಯ ಬೇಡ ಎಂದು ಸಾಕಷ್ಟು ಜಾಗೃತಿ ಮೂಡಿಸುವ ಪ್ರಯತ್ನ ಮಾಡಿದೆ. ಆದರೂ ಹಲವರಿಗೆ ಈ ಸೋಂಕಿನ ಬಗ್ಗೆ ಭಯ ಉಳಿದಿದೆ. ಅದೇ ಭಯದಿಂದ ಯುವತಿಯೊಬ್ಬಳು ಆ್ಯಸಿಡ್​ ಕುಡಿದು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಅಹಮದಾಬಾದ್​ನಲ್ಲಿ ನಡೆದಿದೆ.

ಇದನ್ನೂ ಓದಿ: ಬಿಹಾರದ ಶಾಸಕರಿಗೆ ರಾಷ್ಟ್ರಗೀತೆಯೇ ಬರೋದಿಲ್ಲ; ವಿಡಿಯೋ ಮೂಲಕ ಮರ್ಯಾದೆ ಕಳೆದುಕೊಂಡ ಶಾಸಕ

ಅಹಮದಾಬಾದ್​ನ ಕೃಷ್ಣನಗರ ಪ್ರದೇಶದ ನಿವಾಸಿ ನಯನಾಬೆನ್​ ಪಟೇಲ್​ಗೆ (29) ಕಳೆದ ಕೆಲ ದಿನಗಳಿಂದ ಜ್ವರ, ತಂಡಿ ಮತ್ತು ಕೆಮ್ಮು ಕಾಣಿಸಿಕೊಂಡಿತ್ತು. ಆಕೆ ಕರೊನಾ ಪರೀಕ್ಷೆಯನ್ನೂ ಮಾಡಿಸಿಕೊಂಡಿರಲಿಲ್ಲ. ಪರೀಕ್ಷೆ ಮಾಡಿಸದಿದ್ದರೂ, ನನಗೆ ಕರೊನಾ ಬಂದಿದೆ ಎಂದು ಭಯದಿಂದಿದ್ದ ನಯನಾಬೆನ್​ ಆತ್ಮಹತ್ಯೆಗೆ ಮುಂದಾಗಿದ್ದಾಳೆ. ಆ್ಯಸಿಡ್​ ಕುಡಿದು, ಉಳಿದ ಆ್ಯಸಿಡ್​ನ್ನು ತನ್ನ ಮೈ ಮೇಲೆ ಚೆಲ್ಲಿಕೊಂಡಿದ್ದಾಳೆ.

ಇದನ್ನೂ ಓದಿ: ಅತ್ಯಾಚಾರ ವಿರೋಧಿಸಿದ್ದಕ್ಕೆ ಮೂಗನ್ನೇ ಕತ್ತರಿಸಿದರು

ಇದಾದ ಬಳಿಕೆ ಉರಿ ತಾಳಲಾರದೆ ನಯನಾಬೆನ್​ ಕೂಗಲಾರಂಭಿಸಿದ್ದಾಳೆ. ಕೂಗನ್ನು ಕೇಳಿ ಆಕೆಯ ಬಳಿ ಬಂದ ಕುಟುಂಬಸ್ಥರು ಗಾಬರಿಯಾಗಿದ್ದಾರೆ. ತಕ್ಷಣವೇ ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ ಚಿಕಿತ್ಸೆ ಫಲಕಾರಿಯಾಗದೆ ನಯನಾಬೆನ್​ ಸಾವನ್ನಪ್ಪಿದ್ದಾಳೆ.(ಏಜನ್ಸೀಸ್​)

https://www.vijayavani.net/hindu-man-killed-for-loving-muslim-girl/

https://www.vijayavani.net/rcb-guess-the-player/