ಮನೆ ಖರೀದಿ ಹೆಸರಲ್ಲಿ ವಂಚನೆ: ಬ್ಯಾಂಕ್​ಗೆ ನಕಲಿ ದಾಖಲೆ ಕೊಟ್ಟು 24 ಲಕ್ಷ ರೂ. ಸಾಲ ಪಡೆದ ಖದೀಮರು

ಶಿವಮೊಗ್ಗ: ನಕಲಿ ದಾಖಲೆಗಳನ್ನು ನೀಡಿ ದುರ್ಗಿಗುಡಿಯ ಇಂಡಸ್ ಬ್ಯಾಂಕ್‌ನಿಂದ ನಾಲ್ವರು ಬರೋಬ್ಬರಿ 24 ಲಕ್ಷ ರೂ. ಸಾಲ ಪಡೆದು ವಂಚಿಸಿದ್ದಾರೆ.

ನಕಲಿ ದಾಖಲಾತಿ ನೀಡಿ ವಂಚಿಸಿದ ಆರೋಪದ ಮೇಲೆ ಬ್ಯಾಂಕ್‌ನ ವ್ಯವಸ್ಥಾಪಕ ನವೀನ್‌ಕುಮಾರ್ ನಾಲ್ವರ ಮೇಲೆ ದೂರು ನೀಡಿದ್ದಾರೆ. ನಗರದ ಜೆ.ಎಚ್.ಪಟೇಲ್ ಬಡಾವಣೆಯಲ್ಲಿ ಮನೆ ಖರೀದಿ ಮಾಡುವ ಉದ್ದೇಶದಿಂದ ಬ್ಯಾಂಕ್ ಅಧಿಕಾರಿಗಳನ್ನು ಸಂಪರ್ಕಿಸಿದ ನಾಲ್ವರು, ಮನೆ ದಾಖಲಾತಿಗಳನ್ನು ಬ್ಯಾಂಕ್‌ಗೆ ಒದಗಿಸಿದ್ದರು. ಆ ದಾಖಲಾತಿಗಳ ಆಧಾರದ ಮೇಲೆ 24 ಲಕ್ಷ ರೂ. ಸಾಲ ಮಂಜೂರು ಮಾಡಲಾಗಿತ್ತು.

ಆದರೆ ಮನೆಗೆ ಸಂಬಂಧಿಸಿದ ಕ್ರಯಪತ್ರಗಳನ್ನು ಉಪ ನೋಂದಣಿ ಕಚೇರಿಯ ಆನ್‌ಲೈನ್‌ನಲ್ಲಿ ಪರಿಶೀಲಿಸಿದಾಗ ಬ್ಯಾಂಕ್‌ಗೆ ನೀಡಿರುವ ದಾಖಲಾತಿಗಳು ನಕಲಿ ಎಂಬುದು ಬೆಳಕಿಗೆ ಬಂದಿದೆ.

ಹಾಗಾಗಿ ನವೀನ್‌ಕುಮಾರ್ ಅವರು ನಾಲ್ವರ ವಿರುದ್ಧ ವಿನೋಬನಗರ ಠಾಣೆಗೆ ದೂರು ನೀಡಿದ್ದಾರೆ. ವಿಚಿತ್ರವೆಂದರೆ ಇತ್ತೀಚೆಗೆ ಇದೇ ಬ್ಯಾಂಕ್‌ನಲ್ಲಿ ನಕಲಿ ದಾಖಲೆ ಆಧಾರದ ಮೇಲೆ ಕೆಲವರು 17.42 ಲಕ್ಷ ರೂ. ಡಿಡಿ ಪಡೆದು ವಂಚಿಸಿದ್ದು, ಮೂವರ ವಿರುದ್ಧ ದೊಡ್ಡಪೇಟೆ ಠಾಣೆಯಲ್ಲಿ ಬ್ಯಾಂಕ್ ವ್ಯವಸ್ಥಾಪಕರು ದೂರು ದಾಖಲಿಸಿದ್ದರು.

https://www.vijayavani.net/a-vijayapura-psi-son-and-former-corporator-daughter-love-story-is-tragic/

https://www.vijayavani.net/a-bsy-renukacharya-jameer/

https://www.vijayavani.net/a-shivamogga-hospital-nurse-ganavi-gowda-donated-organ/