ಹೆಸರಿಗಷ್ಟೇ ನಿಶ್ಶಬ್ದ ವಲಯ

ಬೆಳಗ್ಗಿನಿಂದ ರಾತ್ರಿಯವರೆಗೂ ಕೇಳಿಬರುವ ಈ ಶಬ್ದ ಮಾಲಿನ್ಯದಿಂದಾಗಿ ಕರಾವಳಿ ನಗರಿ ಸದ್ಯ ಕಿವಿಗಡಚಿಕ್ಕುವ ಸೌಂಡ್ ಜೋನ್ ಆಗಿ ಮಾರ್ಪಟ್ಟಿದೆ. ನಗರದಲ್ಲಿ ಹೆಚ್ಚುತ್ತಿರುವ ಟ್ರಾಫಿಕ್ ಕಿರಿಕಿರಿಯ ನಡುವೆ, ಖಾಸಗಿ ಬಸ್ ಚಾಲಕರು ರಸ್ತೆಯಲ್ಲಿ ದಾರಿ ಮಾಡಿಕೊಳ್ಳಲು ಮತ್ತು ಪ್ರಯಾಣಿಕರನ್ನು ಆಕರ್ಷಿಸಲು ಉದ್ದೇಶಪೂರ್ವಕವಾಗಿ ಭಾರೀ ಶಬ್ದದ ಹಾರ್ನ್‌ಗಳನ್ನು ಬಳಸುತ್ತಿದ್ದಾರೆ. ಪೊಲೀಸರು ಇದ್ದಾಗ ಒಂದು ರೀತಿಯ ಸೌಮ್ಯ ಹಾರ್ನ್, ಅವರು ಇಲ್ಲದಿದ್ದಾಗ ನಿಷೇಧಿತ ಮಲ್ಟಿಟೋನ್ ಹಾರ್ನ್‌ಗಳನ್ನು ಬಾರಿಸುವುದು ಚಾಲಕರ ದಿನನಿತ್ಯದ ಪರಿಪಾಠವಾಗಿದೆ. ಈ ಹಿಂದೆ ಸಾರಿಗೆ ಇಲಾಖೆ ದಂಡ ವಿಧಿಸಿದ್ದರೂ ಪರಿಸ್ಥಿತಿಯಲ್ಲಿ ಯಾವುದೇ ಸುಧಾರಣೆ ಕಂಡ ಬಂದಿಲ್ಲ.

ವಿಶ್ವ ಆರೋಗ್ಯ ಸಂಸ್ಥೆಯ ಮಾರ್ಗಸೂಚಿಗಳ ಪ್ರಕಾರ ಬೆಳೆಯುತ್ತಿರುವ ನಗರ ಪ್ರದೇಶಗಳಲ್ಲಿ ಶಬ್ದ ನಿಯಂತ್ರಣ ಅತ್ಯಗತ್ಯ. ಆದರೆ ಮಂಗಳೂರಿನಲ್ಲಿ ಹಗಲಿಡೀ ಕೇಳುವ ಈ ಕರ್ಕಶ ಶಬ್ದದಿಂದಾಗಿ ರಸ್ತೆ ಬದಿಯ ವ್ಯಾಪಾರಿಗಳು, ವೃದ್ಧರು ಹಾಗೂ ರೋಗಿಗಳು ತೀವ್ರ ಮಾನಸಿಕ ಒತ್ತಡ ಎದುರಿಸುತ್ತಿದ್ದಾರೆ. ನಿರಂತರ ಶಬ್ದ ಮಾಲಿನ್ಯವು ಸಾರ್ವಜನಿಕರಲ್ಲಿ ರಕ್ತದೊತ್ತಡ ಮತ್ತು ಶ್ರವಣ ದೋಷದಂತಹ ಗಂಭೀರ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗುತ್ತಿದೆ. ನಿಯಮದ ಪ್ರಕಾರ ಸೂಕ್ಷ್ಮ ವಲಯಗಳಲ್ಲಿ ಶಬ್ದದ ಪ್ರಮಾಣ 50 ಡೆಸಿಬಲ್‌ಗಿಂತ ಹೆಚ್ಚಿರಬಾರದು. ನಿಶ್ಶಬ್ದ ವಲಯದಲ್ಲಿ ನಿಯಮ ಉಲ್ಲಂಘಿಸಿದರೆ 1,000 ರೂ. ದಂಡ ಹಾಗೂ 3 ತಿಂಗಳವರೆಗೆ ಜೈಲು ಶಿಕ್ಷೆ ವಿಧಿಸಲು ಕಾನೂನಿನಲ್ಲಿ ಅವಕಾಶವಿದೆ.

-------------------

-------------

---------------