ರೋಹಿತ್ ವೇಮುಲ ಆತ್ಮಹತ್ಯೆ ಇಡೀ ದೇಶಾದ್ಯಂತ ಸಂಚಲನ ಮೂಡಿಸಿತ್ತು. ದಿನಕ್ಕೊಂದು ತಿರುವು ಪಡೆದುಕೊಂಡಿತ್ತಲ್ಲದೇ ಈ ಸಾವಿನ ಸಂಬಂಧ ಕೇಂದ್ರ ಸರ್ಕಾರದ ವಿರುದ್ಧ ವಿಪಕ್ಷಗಳು, ಹಲವು ಸಂಘಟನೆಗಳು ಪ್ರತಿಭಟನೆ ನಡೆಸಿದ್ದವು. ಪಿಎಚ್ಡಿ ಓದುತ್ತಿದ್ದ ವೇಮುಲನನ್ನು ಹಾಸ್ಟೆಲ್ನಿಂದ ಹೊರಹಾಕಲಾಗಿತ್ತು. ಇದೇ ಕಾರಣಕ್ಕೆ ಮನನೊಂದ ವೇಮುಲ ಸಾವಿನ ಮನೆಯ ಕದ ತಟ್ಟಿದ್ದ ಎಂಬ ಗಂಭೀರ ಆರೋಪವೂ ಕೇಳಿಬಂದಿತ್ತು. ಈ ಕುರಿತು ಇಂದು(ಸೋಮವಾರ) ರಾಜ್ಯರೈತ ಮೋರ್ಚಾ ಪದಾಧಿಕಾರಿಗಳ ಸಭೆಯಲ್ಲಿ ಮಾತನಾಡಿದ ಸಿ.ಟಿ. ರವಿ, ರೋಹಿತ್ ವೇಮುಲ ಸತ್ತತ್ತು ಪ್ರೇಮ ವೈಫಲ್ಯದಿಂದ. ಆದರೂ, ಕೆಲವರು ಈ ಸಾವಲ್ಲೂ ಮೋದಿ ಮೇಲೆ ಗೂಬೆ ಕೂರಿಸಲು ಯತ್ನಿಸಿದ್ದರು. ವಿಪಕ್ಷಗಳು ತಮ್ಮ ಬೇಳೆ ಬೇಯಿಸಿಕೊಳ್ಳಲು ದಲಿತರಿಗೆ ರಕ್ಷಣೆ ಇಲ್ಲ ಎಂದು ಅಶಾಂತಿ ಸೃಷ್ಟಿಸಿದ್ದರು. ಆದರೆ ತನಿಖೆಯಲ್ಲಿ ಸಾವಿನ ಕಾರಣ ಬಯಲಾಯ್ತು. ಈ ಪ್ರಕರಣವೇ ಸಾಕ್ಷಿ ನರೇಂದ್ರ ಮೋದಿ ಅವರನ್ನ ಕಂಡರೆ ವಿಪಕ್ಷಗಳಿಗೆ ಅದೆಷ್ಟು ದ್ವೇಷ, ಹೊಟ್ಟೆಕಿಚ್ಚು ಇದೆ ಎಂದರು.
