ಕಲಬುರಗಿಯಲ್ಲಿ ಆಕ್ಸಿಜನ್ ಖಾಲಿ, ನರಳಿ ನರಳಿ ಪ್ರಾಣಬಿಟ್ಟ ನಾಲ್ವರು!ಸಂಬಂಧಿಕರ ಗೋಳು ಕೇಳೋರೆ ಇಲ್ಲ

ಕಲಬುರಗಿ: ಅಫಜಲಪುರ ತಾಲೂಕು ಆಸ್ಪತ್ರೆಯಲ್ಲಿ ಆಕ್ಸಿಜನ್​ ಇಲ್ಲದೆ ನಾಲ್ವರು ಕರೊನಾ ಸೋಂಕಿತರು ನರಳಿ ನರಳಿ ಪ್ರಾಣಬಿಟ್ಟ ದುರ್ಘಟನೆ ಇಂದು ಸಂಭವಿಸಿದೆ.

ಇಂದು ಬೆಳಗಿನ ಜಾವ ನಾಲ್ಕು ಗಂಟೆಯಿಂದಲೇ ಆಸ್ಪತ್ರೆಯಲ್ಲಿ ಆಕ್ಸಿಜನ್ ಖಾಲಿಯಾಗಿತ್ತು. ಆದ್ರೆ ಬೆಳಗ್ಗೆ 11 ಗಂಟೆಯಾದರೂ ಆಸ್ಪತ್ರೆಗೆ ಆಕ್ಸಿಜನ್ ಪೂರೈಕೆ ಆಗಿರಲಿಲ್ಲ. ಪರಿಣಾಮ ನಾಲ್ವರು ಮೃತಪಟ್ಟಿದ್ದಾರೆ. ಕ್ಷಣ ಕ್ಷಣಕ್ಕೆ ಪರಿಸ್ಥಿತಿ ಗಂಭೀರ ಆಗುತ್ತಿದ್ದನ್ನು ಅರಿತ ಇತರ ರೋಗಿಗಳ ಕುಟುಂಬಸ್ಥರು ಅವರನ್ನ ಡಿಸ್ಚಾರ್ಜ್​ ಮಾಡಿಕೊಂಡು ಬೇರೆಡೆ ಹೋಗೋಣ ಅಂದ್ರೆ ಅಲ್ಲೂ ಆಕ್ಸಿಜನ್ ಬೆಡ್ ಖಾಲಿ ಇರಲಿಲ್ಲ. ಸೋಂಕಿತರು ಮತ್ತು ಅವರ ಸಂಬಂಧಿಕರ ಗೋಳಾಟ ಮುಗಿಲು ಮುಟ್ಟಿತ್ತು.

ಕೊನೆಗೂ ಬೆಳಗ್ಗೆ 11ರ ಸುಮಾರಿಗೆ ಅಫಜಲಪುರ ತಾಲೂಕು ಆಸ್ಪತ್ರೆಗೆ ಪ್ರಾಣವಾಯುವನ್ನ ತರಲಾಗಿದೆ. ಬದುಕುಳಿದ ರೋಗಿಗಳು ಮತ್ತು ಅವರ ಕುಟುಂಬಸ್ಥರು ನಿಟ್ಟುಸಿರುಬಿಟ್ಟಿದ್ದಾರೆ.

ಚಾಮರಾಜನಗರದಲ್ಲಿ ಒಂದೇ ದಿನ 20ಕ್ಕೂ ಹೆಚ್ಚು ಕರೊನಾ ಸೋಂಕಿತರು ಆಕ್ಸಿಜನ್​ ಕೊರತೆಯಿಂದ ಮೃತಪಟ್ಟ ಘಟನೆ ಇಡೀ ರಾಜ್ಯಕ್ಕೆ ಎಚ್ಚರಿಕೆ ಗಂಟೆಯಾದರೂ ಕೆಲ ಜಿಲ್ಲಾಡಳಿತಗಳು ಎಚ್ಚೆತ್ತುಕೊಂಡಂತಿಲ್ಲ ಎಂಬ ಗಂಭೀರ ಆರೋಪ ಕೇಳಿಬಂದಿದೆ.

https://www.vijayavani.net/a-corona-kaveri-river-asthi-discharge/

https://www.vijayavani.net/a-father-and-mother-died-on-the-spot-after-hearing-the-news-of-his-sons-death/

https://www.vijayavani.net/oxygen-problem-in-chamarajanagara-covid-hospital-newly-married-person-case/

https://www.vijayavani.net/a-shirakalappa-dargah/