ವಂಚಕರ ಮಾತು ನಂಬಿ ಸಂಕಷ್ಟಕ್ಕೆ ಸಿಲುಕಿದ ಯುವತಿ! ಚಿಕ್ಕಬಳ್ಳಾಪುರ ಡಿಸಿ ಕಚೇರಿಯ ಸಿಬ್ಬಂದಿಗೇ ಮೋಸ

ಚಿಕ್ಕಬಳ್ಳಾಪುರ: ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಕೆಲಸ ಮಾಡುತ್ತಿರುವ ಯುವತಿಯೊಬ್ಬಳಿಗೆ ಸ್ವಯಂ ಉದ್ಯೋಗ ಮತ್ತು ಹೆಚ್ಚುವರಿ ಆದಾಯದ ಹೆಸರಿನಲ್ಲಿ ಕಿಡಿಗೇಡಿಗಳು ಲಕ್ಷಾಂತರ ರೂಪಾಯಿ ವಂಚಿಸಿದ್ದಾರೆ.

ಶ್ವೇತಾ ಹಣ ಕಳೆದುಕೊಂಡವರು. 27 ವರ್ಷ ವಯಸ್ಸಿನ ಶ್ವೇತಾ ಚಿಕ್ಕಬಳ್ಳಾಪುರ ಡಿಸಿ ಕಚೇರಿಯಲ್ಲಿ ಕಂಪ್ಯೂಟರ್​ ಆಪರೇಟರ್​ ಆಗಿ ಕೆಲಸ ಮಾಡುತ್ತಿದ್ದಾರೆ. ಅಪರಿಚಿತರು ತನ್ನ ಮೊಬೈಲ್​ಗೆ ಕಳಿಸಿದ್ದ ಸ್ವಯಂ ಉದ್ಯೋಗ ಹಾಗೂ ಹೆಚ್ಚುವರಿ ಆದಾಯ ಗಳಿಕೆಗೆ ಅವಕಾಶ ಎಂಬ ಲಿಂಕ್​ನಲ್ಲಿ ಶ್ವೇತಾ ತನ್ನ ಹೆಸರು ನೋಂದಾಯಿಸಿಕೊಂಡಿದ್ದರು. ವಿವಿಧ ಹಂತಗಳ ಗಳಿಕೆ, ಲಾಭಾಂಶ ಎಂಬುದು ಸೇರಿ ನಾನಾ ಕಾರಣಗಳಿಗಾಗಿ ಅಪರಿಚಿತರು ಶ್ವೇತಾ ಅವರಿಂದ ಆನ್​ಲೈನ್​ನಲ್ಲಿ 3.71 ಲಕ್ಷ ರೂ. ವರ್ಗಾಯಿಸಿಕೊಂಡಿದ್ದಾರೆ.

ಕೆಲ ದಿನಗಳ ಬಳಿಕ ತಮಗೆ ಕಂಪನಿಯಿಂದ ಬಂದಿರಬಹುದಾದ ಆದಾಯ ಎಷ್ಟು ಎಂಬ ಮಾಹಿತಿಗಾಗಿ ಬ್ಯಾಂಕ್​ ಖಾತೆಯನ್ನು ಪರಿಶೀಲಿಸಿದಾಗ ತಾನು ವಂಚನೆಗೆ ಒಳಗಾಗಿರುವುದು ಶ್ವೇತಾಗೆ ಖಚಿತವಾಗಿದೆ. ಈ ಹಿನ್ನೆಲೆಯಲ್ಲಿ ಜಿಲ್ಲಾ ಅಪರಾಧ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.

https://www.vijayavani.net/a-vidhanasowdha-ramesh-kumar/

https://www.vijayavani.net/a-shimoga-sagara-talluk-dr-sharamda-death-case/