ಕರೊನಾ ಇಲ್ಲದಿದ್ದರೂ ಸೀಮೆಎಣ್ಣೆ ಕುಡಿದ ಯುವಕ! ಸಾಯಲು ಅಲ್ಲ, ಬದುಕಲು... ಮುಂದೆ ಆಗಿದ್ದೆಲ್ಲವೂ ಅವಾಂತರ

ಭೋಪಾಲ್​: ಜ್ವರದಿಂದ ಬಳಲುತ್ತಿದ್ದ ಯುವಕನೊಬ್ಬ ತನಗೆ ಕರೊನಾ ಇರಬಹುದೆಂದು ಆತಂಕಗೊಂಡು ಸೀಮೆಎಣ್ಣೆ ಕುಡಿದು ಬದುಕನ್ನೇ ದುರಂತ ಅಂತ್ಯವಾಗಿಸಿಕೊಂಡ ಘಟನೆ ಭೋಪಾಲ್‌ನ ಅಶೋಕ ಗಾರ್ಡನ್ ಪ್ರದೇಶದಲ್ಲಿ ಸಂಭವಿಸಿದೆ. ಈತ ಸೀಮೆಎಣ್ಣೆ ಕುಡಿದದ್ದು ಸಾಯಲು ಅಲ್ಲ, ಬದುಕುವ ಆಸೆಯಿಂದ... ಈತ ಬದುಕಿದ್ದರೆ ಮೊದಲ ವರ್ಷದ ವಿವಾಹ ವಾರ್ಷಿಕೋತ್ಸವ ಸಂಭ್ರಮ ಮನೆಯಲ್ಲಿ ಕಳೆಗಟ್ಟಬೇಕಿತ್ತು.

ಹೌದು, ಕರೊನಾ ಮೇಲಿನ ಭಯಕ್ಕೆ ಕೆಲವರು ಸಾವಿನ ಮನೆಯ ಕದ ತಟ್ಟುತ್ತಿದ್ದಾರೆ. ಹಲವರು ಸೋಂಕು ಹೋಗಿಸಲು ಯಾರು ಏನೇ ಹೇಳಿದ್ರು ಅದನ್ನೆಲ್ಲ ಮಾಡುತ್ತಿದ್ದಾರೆ. ಇಲ್ಲೂ ಇದೇ ಆಗಿದ್ದು. ಜ್ವರದಿಂದ ಬಳಲುತ್ತಿದ್ದ ಮಹೇಂದ್ರ(30)ಗೆ ಸೀಮೆಎಣ್ಣೆ ಕುಡಿದರೆ ಕರೊನಾ ಗುಣಮುಖವಾಗುತ್ತೆ ಎಂದು ಈತನ ಸ್ನೇಹಿತ ಹೇಳಿದ್ದ. ಅದನ್ನೇ ನಂಬಿ ಮಹೇಂದ್ರ ಮೇ 12ರಂದು ಸೀಮೆಎಣ್ಣೆ ಕುಡಿದಿದ್ದ. ಇದನ್ನೂ ಓದಿರಿ ಕರೊನಾಗೆ ತಂದೆ-ತಾಯಿಯನ್ನು ಕಳೆದುಕೊಂಡ ಮಕ್ಕಳ ಹೆಸರಲ್ಲಿ 10 ಲಕ್ಷ ರೂ. ಡೆಪಾಸಿಟ್​! ಸಂಕಷ್ಟಕ್ಕೆ ಮಿಡಿದ ಆಂಧ್ರ ಸರ್ಕಾರ

ಇದಾದ ಬಳಿಕ ಆರೋಗ್ಯ ಸ್ಥಿತಿ ಹದಗೆಟ್ಟಿದ್ದು, ಕೂಡಲೇ ಕುಟುಂಬಸ್ಥರು ಮಹೇಂದ್ರನನ್ನು ಸಮೀಪದ ಆಸ್ಪತ್ರೆಗೆ ಕರೆದೊಯ್ದಿದ್ದರು. ಹೆಚ್ಚಿನ ಚಿಕಿತ್ಸೆಗಾಗಿ ಮತ್ತೊಂದು ಆಸ್ಪತ್ರೆಗೆ ಸ್ಥಳಾಂತರಿಸಲಾಗಿತ್ತು. ಆದರೆ ಈತ ಬದುಕಲೇ ಇಲ್ಲ. ಸಾವು-ಬದುಕಿನ ನಡುವೆ 4 ದಿನ ಹೋರಾಡಿ ಕೊನೆಯುಸಿರೆಳೆದ. ವಿಪರ್ಯಾಸ ಅಂದ್ರೆ ಮಹೇಂದ್ರನಿಗೆ ಕರೊನಾ ಸೋಂಕು ಇರಲಿಲ್ಲ. ಕರೊನಾ ವರದಿ ನೆಗೆಟಿವ್​ ಬಂದಿತ್ತು. ವರದಿ ಬರುವ ಮುನ್ನವೇ ಸೀಮೆಎಣ್ಣೆ ಕುಡಿದು ದುರಂತ ಅಂತ್ಯಕಂಡಿದ್ದಾನೆ.

https://www.vijayavani.net/a-psi-shamili-is-no-more/

https://www.vijayavani.net/a-pregnant-woman-maternity-childbirth/

https://www.vijayavani.net/a-extra-marital-affair-case/

https://www.vijayavani.net/a-haveri-covid-hospital-cc-camera/

https://www.vijayavani.net/a-social-worker-hugs-covid-victims-body/