‘ಕಾಳೀದೇವಿಯ ತಲೆಗೂದಲಿನಂತೆ ಕಪ್ಪಾಗಿರುವ ಆಕಾಶದಲ್ಲಿ ವಿವಿಧ ಶಸ್ತ್ರಗಳ ಕಾಂತಿಯೆಂಬ ಮೋಡಗಳಿವೆ. ಮಳೆ ಸುರಿಸುವ ಮೋಡದಂತಿರುವ ಆ ಮೋಡದಲ್ಲಿ ಬಾಣಗಳ ಸಮೂಹವೆಂಬ ಮೊಗ್ಗುಗಳ ಮಾಲೆಯು ಮಿಂಚಿನಂತೆ ಉದಯಿಸಿದೆ’.‘ಯುದ್ಧಭೂಮಿಯಲ್ಲಿ ಅಪರಿಮಿತ ರಕ್ತವು ಬಿದ್ದಿದೆ. ಆ ರಕ್ತದಿಂದ ಒದ್ದೆಯಾದ ಭೂಮಿ ಮತ್ತು ಭೂಮಿಯಲ್ಲಿ ಚೆಲ್ಲಾಪಿಲ್ಲಿಯಾಗಿ ಬಿದ್ದಿರುವ ಆಯುಧಗಳನ್ನು ನೋಡಿದರೆ, ಭೂಮಿಯು ಜ್ವಲಿಸುತ್ತಿರುವ ಅಗ್ನಿಯ ಲೋಕದಂತೆ ಆಕುಲಗೊಂಡಿದ್ದು ಕಾಣುತ್ತಿದೆ. ಅಥವಾ ನಗರಕ್ಕೆ ಬೆಂಕಿ ಹೊತ್ತಿಕೊಂಡರೆ ಇಡೀ ನಗರವೇ ಶೋಕಿಸುವಂತೆ, ಅಲ್ಲಿಯ ಭೂಮಿಯ ದೃಶ್ಯ ಕಂಡುಬರುತ್ತಿತ್ತು.’‘ಸೈನಿಕರ ಕೈಗಳಿಂದ ಆಯುಧಗಳು ಹೇಗೆ ಪ್ರಯೋಗಿಸಲ್ಪಡುತ್ತಿವೆ ಎಂದರೆ, ಭುಶುಂಡಿ, ಶಕ್ತಿ, ಶೂಲ, ಖಡ್ಗ, ಮುಸಲ, ಪ್ರಾಸಗಳೆಂಬ ಆಯುಧಗಳು ಮಳೆಗರೆದಂತೆ ಎಸೆಯಲ್ಪಡುತ್ತಿವೆ. ಅವುಗಳು ಒಂದನ್ನು ಇನ್ನೊಂದು ಕತ್ತರಿಸುತ್ತಿವೆ, ಬಡಿದುಕೊಳ್ಳುತ್ತಿವೆ.’
