ಮಗ ತೀರಿಕೊಂಡ ನಂತರ ಅವನ ಎಲ್ಲ ಆಸ್ತಿಗಳಿಗೆ ತಾಯಿಯೇ ಕಾನೂನಿನ ಪ್ರಕಾರ ವಾರಸುದಾರರು. ಮೃತ ಹಿಂದೂ ಪುರುಷನ ಆಸ್ತಿ , ಅವನ ಮರಣಾ ನಂತರ ಅವನ ತಾಯಿ, ಅವನ ಪತ್ನಿ ಮತ್ತು ಮಕ್ಕಳಿಗೆ ಸಲ್ಲುತ್ತದೆ. ನಿಮ್ಮ ಮಗನಿಗೆ ಮದುವೆ ಆಗಿರದೇ ಇರುವುದರಿಂದ ಆತನ ಮರಣಾ ನಂತರ ಅವನ ಚರ, ಸ್ಥಿರ ಆಸ್ತಿಗಳೆಲ್ಲ ಆತನ ತಾಯಿಗೇ ಸಲ್ಲುತ್ತದೆ. ಏಕೆಂದರೆ, ತಾಯಿಯಾದವಳು ಮೃತ ಹಿಂದೂ ಪುರುಷನ ಮೊದಲನೇ ದರ್ಜೆಯ ವಾರಸುದಾರಳಾಗಿರುತ್ತಾಳೆ. ಒಂದು ವೇಳೆ ತಾಯಿ ಮೃತಳಾಗಿದ್ದರೆ ಆಗ, ತಂದೆಗೆ ಎರಡನೇ ದರ್ಜೆಯ ವಾರಸುದಾರರು ಎನ್ನುವ ಲೆಕ್ಕದಲ್ಲಿ ಆಸ್ತಿಗಳು ಬರುತ್ತವೆ. ನೀವು ವಿಚ್ಛೇದನ ಮಾಡಿದ ಮಾತ್ರಕ್ಕೆ ತಾಯಿ-ಮಗನ ಸಂಬಂಧ ಕುಂಠಿತವಾಗುವುದಿಲ್ಲ. ಕಾನೂನಿನ ಪ್ರಕಾರ ನಿಮಗೆ ಹಕ್ಕು ಬರುವುದಿಲ್ಲ. ಬೇಕಿದ್ದರೆ ರಾಜಿ ಮಾಡಿಕೊಂಡು ನೀವು ಹೂಡಿದ ಹಣವನ್ನಾದರೂ ವಾಪಸ್ ಪಡೆಯಲು ಸಾಧ್ಯವೇ ಎಂದು ಪ್ರಯತ್ನಿಸಿ ನೋಡಿ.
