ರಸ್ತೆಯಲ್ಲಿನ ಕಸ ಸ್ವಚ್ಛ ಮಾಡುತ್ತಿರುವ 88ರ ನಿವೃತ್ತ IPS ಅಧಿಕಾರಿ! ವಿಡಿಯೋ ವೈರಲ್.. ​

ಉದ್ಯಮಿ ಆನಂದ್ ಮಹೀಂದ್ರಾ ಅವರು 88 ವರ್ಷದ ನಿವೃತ್ತ IPS ಅಧಿಕಾರಿ ಇಂದರ್ಜಿತ್ ಸಿಂಗ್ ಸಿಧು ಅವರ ಸ್ಫೂರ್ತಿದಾಯಕ ವಿಡಿಯೋವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಇದೀಗ ಆನ್‌ಲೈನ್‌ನಲ್ಲಿ ಈ ವಿಡಿಯೋ ನೆಟ್ಟಿಗರಿಂದ ಮೆಚ್ಚುಗೆ ಗಳಿಸಿದೆ.

ಇದನ್ನೂ ಓದಿ:ತಡರಾತ್ರಿ ಆದ್ರೂ ಯಾರ ಜತೆ ಫೋನ್​​ನಲ್ಲಿ ಮಾತಾಡ್ತೀಯಾ? ಎಂದು ಪ್ರಶ್ನಿಸಿದ ಗಂಡನನ್ನು ಕೊಂದ ಪತ್ನಿ! | Phone ಏನಿದು ವಿಡಿಯೋ? 88 ವರ್ಷದ ನಿವೃತ್ತ ಐಪಿಎಸ್ ಅಧಿಕಾರಿ ಇಂದರ್ಜಿತ್ ಸಿಂಗ್ ಸಿಧು ಅವರು, ರಸ್ತೆಯಲ್ಲಿ ಬಿದ್ದ ಕಸ ಕ್ಲೀನ್​​ ಮಾಡುವ ಮೂಲಕ ಚಂಡೀಗಢದಲ್ಲಿ ಸ್ವಚ್ಛತಾ ಅಭಿಯಾನವನ್ನು ಏಕಾಂಗಿಯಾಗಿ ಮುನ್ನಡೆಸುತ್ತಿದ್ದಾರೆ ಎಂದು ಆನಂದ ಮಹಿಂದ್ರಾ ಬರೆದುಕೊಂಡಿದ್ದಾರೆ. ಸಿಧು ತನ್ನ ಸೆಕ್ಟರ್ 49ರ ಪ್ರದೇಶದಲ್ಲಿ ಕಸವನ್ನು ಹೆಕ್ಕಿಕೊಂಡು ಗಾಡಿಗೆ ಲೋಡ್ ಮಾಡುತ್ತಿರುವುದನ್ನು ತೋರಿಸುವ ವಿಡಿಯೋ ವೈರಲ್ ಆಗಿದೆ.

ಒಬ್ಬರೇ ಕಸ ಕ್ಲೀನ್​ ಮಾಡುತ್ತಿರುವುದೇಕೆ?

1964ರ ಬ್ಯಾಚ್‌ನ ಐಪಿಎಸ್ ಅಧಿಕಾರಿಯಾದ ಸಿಧು, ಬೆಳಿಗ್ಗೆ 6 ಗಂಟೆಗೆ ತಮ್ಮ ದಿನವನ್ನು ಪ್ರಾರಂಭಿಸುತ್ತಾರೆ. ತಾವೇ ಸ್ವತ ಬೀದಿಗಳಿಂದ ಕಸ ಸಂಗ್ರಹಿಸುತ್ತಾರೆ. ಸ್ವಚ್ಛ ಸರ್ವೇಕ್ಷಣ ಸಮೀಕ್ಷೆಯಲ್ಲಿ ಚಂಡೀಗಢದ 'ಕೆಳಮಟ್ಟದ ಶ್ರೇಯಾಂಕ'ದಿಂದ ಸಿಧು ನಿರಾಶೆಗೊಂಡಿದ್ದರು ಆದರೆ ದೂರು ನೀಡುವ ಬದಲು ಕಾರ್ಯನಿರ್ವಹಿಸಲು ಆಯ್ಕೆ ಮಾಡಿಕೊಂಡರು ಎಂದು ಮಹೀಂದ್ರಾ ಹೇಳಿದರು.

ಇದನ್ನೂ ಓದಿ:ಹೂ, ಹಣ್ಣು, ಹಾಲು, ತರಕಾರಿ ವ್ಯಾಪಾರಕ್ಕೆ ಇಲ್ಲ ಜಿಎಸ್‌ಟಿ: ವಾಣಿಜ್ಯ ತೆರಿಗೆ ಅಧಿಕಾರಿಗಳು ಹೇಳಿದ ಪರಿಹಾರವೇನು?

"ಸಿಧು ತೆರವುಗೊಳಿಸುವ ಪ್ರತಿಯೊಂದು ಕಸದ ತುಂಡು ಕೇವಲ ಕಸವನ್ನು ತೆಗೆದುಹಾಕುವುದಕ್ಕಿಂತ ಹೆಚ್ಚಿನದಾಗಿದೆ. ಉತ್ತಮ ಜಗತ್ತಿನಲ್ಲಿ ಶಾಂತಿ, ನಿರಂತರ ನಂಬಿಕೆ, ವಯಸ್ಸು ಅಥವಾ ಮನ್ನಣೆಯನ್ನು ಲೆಕ್ಕಿಸದೆ ಅರ್ಥಪೂರ್ಣವಾಗಿ ಬದುಕುವ ನಂಬಿಕೆ ಇದಾಗಿದೆ'' ಎಂದು ಆನಂದ್​ ಹೇಳಿದ್ದಾರೆ.

"ಯೌವನ ಮತ್ತು ವೇಗದಿಂದ ತುಂಬಿ ತುಳುಕುತ್ತಿರುವ ಈ ಜಗತ್ತಿನಲ್ಲಿ, ಅವರ ನಿಧಾನವಾದ ಆದರೆ ಸ್ಥಿರವಾದ ಹೆಜ್ಜೆಗಳು ಉದ್ದೇಶವು ಹಿಂದೆ ಸರಿಯುವುದಿಲ್ಲ ಎಂದು ಹೇಳುತ್ತವೆ. ಸೇವೆಗೆ ವಯಸ್ಸಾಗುವುದಿಲ್ಲ. ಬೀದಿಗಳ ಈ ಶಾಂತ ಯೋಧನಿಗೊಂದು ಸೆಲ್ಯೂಟ್" ಎಂದು ವ್ಯಾಪಾರ ಉದ್ಯಮಿ ಆನಂದ ಬರೆದುಕೊಂಡಿದ್ದಾರೆ.ಇದೀಗ ಈ ವಿಡಿಯೋ ಭಾರೀ ವೈರಲ್​​ ಆಗಿದ್ದು, ಮೆಚ್ಚುಗೆ ಪಡೆಯುತ್ತಿದೆ.(ಏಜೆನ್ಸೀಸ್​)

https://www.vijayavani.net/wife-kills-husband-after-asking-him-who-he-talks-to-on-the-phone-even-late-at-night

https://www.vijayavani.net/divorced-woman-demands-rs-12-crore-bmw-car-supreme-court