ಮುಂದಿನ ವಾರ ಮಾರುಕಟ್ಟೆಗೆ ಲಗ್ಗೆ ಹಾಕಲಿವೆ 7 ಐಪಿಒಗಳು: ಸೂಕ್ತ ರೀತಿಯಲ್ಲಿ ಹೂಡಿಕೆ ಮಾಡಿದರೆ ಲಾಭ

ಮುಂಬೈ: ಮುಂದಿನ ವಾರ ಒಟ್ಟು ಏಳು ಹೊಸ ಐಪಿಒಗಳು ಷೇರು ಮಾರುಕಟ್ಟೆಗೆ ದಾಂಗುಡಿ ಇಡಲಿವೆ. ಇದರಲ್ಲಿ ಎರಡು ಮುಖ್ಯವಾಹಿನಿಯ ಮತ್ತು ಐದು ಎಸ್‌ಎಂಇ (ಸಣ್ಣ ಕಂಪನಿ) ವಿಭಾಗದಲ್ಲಿವೆ. ಇವುಗಳನ್ನು ಸೂಕ್ತ ರೀತಿಯಲ್ಲಿ ಗಮನಿಸಿ ಹೂಡಿಕೆ ಮಾಡಿದರೆ ಲಾಭ ಮಾಡಿಕೊಳ್ಳಲು ಅವಕಾಶವಿದೆ.

ಮುಂದಿನ ವಾರ ಬಿಡುಗಡೆಯಾಗಲಿರುವ ಎರಡು ಮುಖ್ಯವಾಹಿನಿಯ ಐಪಿಒಗಳೆಂದರೆ,

ಪಾಪ್ಯುಲರ್​ ವೆಹಿಕಲ್ಸ್​ (Popular Vehicles) ಮತ್ತು ಕ್ರಿಸ್ಟಲ್​ ಇಂಟಿಗ್ರೇಟೆಡ್​ (Krystal Integrated). SME ವಿಭಾಗದ ಐದು ಐಪಿಗಳೆಂದರೆ, (Pratham EPC), ಸಿಗ್ನೋರಿಯಾ ಕ್ರಿಯೇಷನ್ಸ್​ (Signoria Creations), ರಾಯಲ್​ ಸೆನ್ಸ್ (Royal Sense), ಎವಿಪಿ ಇನ್​ಫ್ರಾಕಾನ್​ (AVP Infracon) ಮತ್ತು ಕೆಪಿ ಗ್ರೀನ್​ ಇಂಜಿನಿಯರಿಂಗ್ (KP Green Engineering).

ಮುಂಬರುವ ವಾರದಲ್ಲಿ ದಲಾಲ್ ಸ್ಟ್ರೀಟ್‌ನಲ್ಲಿ ಲಗ್ಗೆ ಹಾಕಲಿರುವ ಐಪಿಒಗಳ ಪಟ್ಟಿ ಇಲ್ಲಿದೆ/

ಪಾಪ್ಯುಲರ್​ ವೆಹಿಕಲ್ಸ್​ (Popular Vehicles):

ಈ ಐಪಿಒ ಮಾರ್ಚ್ 12 ರಂದು ಚಂದಾದಾರಿಕೆಗೆ ತೆರೆದಿರುತ್ತದೆ ಮತ್ತು ಮಾರ್ಚ್ 14 ರಂದು ಮುಕ್ತಾಯಗೊಳ್ಳುತ್ತದೆ. ಬೆಲೆ ಪಟ್ಟಿಯನ್ನು ರೂ. 280-295 ಗೆ ನಿಗದಿಪಡಿಸಲಾಗಿದೆ. ಕಂಪನಿಯು ಈ ಐಪಿಒ ಮೂಲಕ ರೂ. 605 ಕೋಟಿ ಸಂಗ್ರಹಿಸಲು ಯೋಜಿಸುತ್ತಿದೆ, ಇದರಲ್ಲಿ ರೂ. 250 ಕೋಟಿ ಹೊಸ ವಿತರಣೆ ಮತ್ತು ಉಳಿದವು ಮಾರಾಟಕ್ಕಾಗಿ ಸಂಗ್ರಹಿಸಲಾಗುವುದು.

ಕ್ರಿಸ್ಟಲ್ ಇಂಟಿಗ್ರೇಟೆಡ್ (Krystal Integrated):

ಮಾರ್ಚ್ 14 ರಂದು ಪ್ರಾರಂಭವಾಗಲಿದ್ದು, ಚಂದಾದಾರಿಕೆಯು ಮಾರ್ಚ್ 18 ರಂದು ಮುಕ್ತಾಯಗೊಳ್ಳಲಿದೆ. ರೂ 75 ಕೋಟಿಗಳ ಮೊತ್ತದ್ದಾಗಿದೆ. ತಲಾ ರೂ 10 ಮುಖಬೆಲೆಯ 1,750,000 ಷೇರುಗಳ ಮಾರಾಟ ಮಾಡಲಾಗುತ್ತಿದೆ.

ಪ್ರಥಮ್ ಇಪಿಸಿ (Pratham EPC):

ಮಾರ್ಚ್ 11 ರಂದು ಚಂದಾದಾರಿಕೆಗಾಗಿ ತೆರೆಯುತ್ತದೆ ಮತ್ತು ಮಾರ್ಚ್ 13 ರಂದು ಮುಕ್ತಾಯಗೊಳ್ಳುತ್ತದೆ. ಪ್ರತಿ ಷೇರಿಗೆ ರೂ 71-75 ರ ಬೆಲೆ ಪಟ್ಟಿ ಹೊಂದಿದೆ.

ಎವಿಪಿ ಇನ್​ಫ್ರಾಕಾನ್​ (AVP Infracon):

ಮಾರ್ಚ್ 13 ರಂದು ಚಂದಾದಾರಿಕೆಗಾಗಿ ತೆರೆಯುತ್ತದೆ ಮತ್ತು ಮಾರ್ಚ್ 15 ರಂದು ಮುಕ್ತಾಯಗೊಳ್ಳುತ್ತದೆ.

ರಾಯಲ್​ ಸೆನ್ಸ್ (Royal Sense) ಮತ್ತು ಸಿಗ್ನೋರಿಯಾ ಕ್ರಿಯೇಷನ್ಸ್​ (Signoria Creations):

ಮಾರ್ಚ್ 12 ರಂದು ಐಪಿಒ ಪ್ರಾರಂಭವಾಗಲಿದ್ದು, ಚಂದಾದಾರಿಕೆಯು ಮಾರ್ಚ್ 14 ರಂದು ಮುಕ್ತಾಯಗೊಳ್ಳಲಿದೆ. ಸಿಗ್ನೋರಿಯಾದ ಬೆಲೆ ಪಟ್ಟಿಯನ್ನು ಪ್ರತಿ ಷೇರಿಗೆ ರೂ 61-65 ಕ್ಕೆ ನಿಗದಿಪಡಿಸಲಾಗಿದೆ, ರಾಯಲ್ ಸೆನ್ಸ್‌ನ ಬೆಲೆ ಬ್ಯಾಂಡ್ ರೂ.68 ಕ್ಕೆ ನಿಗದಿಪಡಿಸಲಾಗಿದೆ.

ಕೆಪಿ ಗ್ರೀನ್​ ಇಂಜಿನಿಯರಿಂಗ್ (KP Green Engineering):

ಈ ವಾರ ಸ್ಟಾಕ್ ಮಾರುಕಟ್ಟೆಯಲ್ಲಿ ಪಾದಾರ್ಪಣೆ ಮಾಡಲಿರುವ ಅತಿ ದೊಡ್ಡ SME ವಿಭಾಗದ ಐಪಿಒ ಇದಾಗಿದೆ. ಮಾರ್ಚ್ 15 ರಂದು ತೆರೆಯಲಿದ್ದು, ಮಾರ್ಚ್ 19 ರಂದು ಮುಕ್ತಾಯಗೊಳ್ಳುತ್ತದೆ. ಪ್ರತಿ ಷೇರಿಗೆ ರೂ 137 ರಿಂದ ರೂ 144 ರವರೆಗೆ ಬೆಲೆ ಬ್ಯಾಂಡ್ ಇರುತ್ತದೆ. ಕಂಪನಿಯು ಐಪಿಒ ಮೂಲಕ ರೂ. 190 ಕೋಟಿ ಸಂಗ್ರಹಿಸಲು ಉದ್ದೇಶಿಸಿದೆ.

https://www.vijayavani.net/982-gain-in-adani-ports-stock-many-brokerage-firms-advise-to-buy-target-price-fixed

https://www.vijayavani.net/tendulkar-katrina-alia-aamir-ranbir-celebrities-who-made-money-by-buying-shares-before-ipo

https://www.vijayavani.net/stock-running-like-a-bullet-train-up-1166-48-railway-company-now-worth-rs-1900-crore-tender