ಕ್ರಿಯೇಟಿವ್​ ಮೈಂಡ್​ ಇದ್ರೆ ಸಾಕು...ದಿನಕ್ಕೆ 3 ಗಂಟೆ ಕೆಲ್ಸ ಮಾಡಿ ತಿಂಗಳಿಗೆ 16 ಲಕ್ಷ ಸಂಪಾದಿಸುವ 17 ವರ್ಷದ ಹುಡುಗ! Kaylan McDonald

Kaylan McDonald : ಡಿಜಿಟಲ್ ಯುಗದಲ್ಲಿ ಹಣ ಸಂಪಾದಿಸಲು ಹಲವಾರು ಮಾರ್ಗಗಳಿವೆ. ಇಂದಿನ ಯುವ ಪೀಳಿಗೆಯು ಡಿಜಿಟಲ್ ಮಾರ್ಕೆಟಿಂಗ್ ಮತ್ತು ಕಂಟೆಂಟ್​ ಕ್ರಿಯೆಟ್​ ಮೂಲಕ ಹೆಚ್ಚಿನ ಹಣವನ್ನು ಗಳಿಸುತ್ತಿದೆ. ಹೆಚ್ಚಿನವರು ತಮ್ಮ ವಿದ್ಯಾಭ್ಯಾಸದ ಜೊತೆಗೆ ಕೆಲಸಗಳನ್ನು ಮಾಡಿಯು ಹಣ ಸಂಪಾದಿಸುತ್ತಾರೆ. ಇದೇ ರೀತಿ ಹಣ ಸಂಪಾದಿಸುತ್ತಿರುವ 17 ವರ್ಷದ ಯುವಕ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗೆ ಗ್ರಾಸವಾಗಿದ್ದಾನೆ. ಆ ಹುಡುಗನೇ ಕೈಲಾನ್ ಮ್ಯಾಕ್​ಡೊನಾಲ್ಡ್.

ಕೈಲಾನ್​ ಮ್ಯಾಕ್​ಡೊನಾಲ್ಡ್​ ಬ್ರಿಟನ್​ ಮೂಲದವನು. ಈತ ಆನ್‌ಲೈನ್‌ನಲ್ಲಿ ಸ್ಟಿಕ್ಕರ್‌ಗಳನ್ನು ಮಾರಾಟ ಮಾಡುವ ಮೂಲಕ ತಿಂಗಳಿಗೆ 19,000 ಡಾಲರ್​ (ಸುಮಾರು 16 ಲಕ್ಷ ರೂ.) ಗಳಿಸುತ್ತಿದ್ದಾನೆ. ಕ್ರಿಸ್‌ಮಸ್ ಉಡುಗೊರೆಯಾಗಿ ತನ್ನ ತಾಯಿ ನೀಡಿದ ಕ್ರಾಫ್ಟ್ ಕಿಟ್ ಅನ್ನು ಬಳಸಿಕೊಂಡು ಕೈಲಾನ್, ತನ್ನ ಸ್ಟಿಕ್ಕರ್ ವ್ಯವಹಾರವನ್ನು ಪ್ರಾರಂಭಿಸಿದನು.

ಕೈಲಾನ್​ ಅವರ ತಾಯಿ ಕರೆನ್ ನ್ಯೂಶ್ಯಾಮ್ ಅವರು ಎರಡು ವರ್ಷಗಳ ಹಿಂದೆ 190.37 ಡಾಲರ್​ (ಸುಮಾರು ರೂ. 16,000) ಮೌಲ್ಯದ ಡಿಜಿಟಲ್ ಡ್ರಾಯಿಂಗ್ ಮತ್ತು ಪ್ರಿಂಟಿಂಗ್ ಯಂತ್ರವಾದ ಕ್ರಿಕಟ್ ಜಾಯ್ ಅನ್ನು ಉಡುಗೊರೆಯಾಗಿ ನೀಡಿದರು. ಇದನ್ನು ಬಳಸಿಕೊಂಡು ಕೈಲಾನ್​ ವಿವಿಧ ರೀತಿಯ ಸ್ಟಿಕ್ಕರ್‌ಗಳನ್ನು ತಯಾರಿಸಲು ಪ್ರಾರಂಭಿಸಿದರು.

ಇದನ್ನೂ ಓದಿ: ಬೇಯಿಸಿದ ಮೊಟ್ಟೆ vs ಆಮ್ಲೆಟ್​… ಎರಡರಲ್ಲಿ ಆರೋಗ್ಯಕ್ಕೆ ಯಾವುದು ಉತ್ತಮ? ಇಲ್ಲಿದೆ ಉಪಯುಕ್ತ ಮಾಹಿತಿ… Omelette vs Boiled Egg

ತಾನು ತಯಾರಿಸಿದ ಸ್ಟಿಕ್ಕರ್‌ಗಳನ್ನು ಫೇಸ್‌ಬುಕ್‌ನಲ್ಲಿ ಪೋಸ್ಟ್ ಮಾಡಲು ಪ್ರಾರಂಭಿಸಿದನು. ಬಳಿಕ ಸ್ಟಿಕ್ಕರ್‌ಗಳಿಗೆ ಬೇಡಿಕೆ ಹೆಚ್ಚಾಯಿತು. ಇದರಿಂದ ಹಣ ಸಂಪಾದಿಸಲು ಆರಂಭಿಸಿದನು. 2024ರ ಆರಂಭದ ವೇಳೆಗೆ, ಕೈಲಾನ್​ ಸುಮಾರು 200 ಆರ್ಡರ್​ಗಳನ್ನು ಪಡೆದನು. ಶಾಲೆಯನ್ನು ಮುಗಿಸಿ ಬಂದು ಪ್ರತಿದಿನ ಮೂರು ಗಂಟೆಗಳ ಕಾಲ ಸ್ಟಿಕ್ಕರ್‌ಗಳನ್ನು ತಯಾರಿಸುತ್ತಿದ್ದನು.

ಅಲ್ಲದೆ, ವಿದ್ಯಾಭ್ಯಾಸ ಮುಗಿಸಿ ದೊಡ್ಡ ದೊಡ್ಡ ಪ್ರಿಂಟರ್​ಗಳನ್ನು ಖರೀದಿಸಿ ವ್ಯಾಪಾರದಲ್ಲಿ ಸುಧಾರಣೆ ತರತೊಡಗಿದನು. ಇದೀಗ ಟಿಕ್‌ಟಾಕ್ ಶಾಪ್ ಮತ್ತು ಇತರ ವೆಬ್‌ಸೈಟ್‌ಗಳ ಮೂಲಕ ಸ್ಟಿಕ್ಕರ್‌ಗಳನ್ನು ಮಾರಾಟ ಮಾಡುವ ಮೂಲಕ, ಮೇ ತಿಂಗಳಲ್ಲಿ ಕೈಲಾನ್, 94,410.31 ಡಾಲರ್ ( 79,98,563 ರೂಪಾಯಿ ) ಗಳಿಸಿದ್ದಾನೆ. (ಏಜೆನ್ಸೀಸ್)

https://www.vijayavani.net/actress-childhood-photo-do-you-know-who-the-famous-actress-is-in-this-photo

https://www.vijayavani.net/the-profits-made-in-crores-from-the-film-amaran-here-are-the-full-details