ಹೆರಿಗೆ ಆಸ್ಪತ್ರೆಗೆ ಪೊಲೀಸರ ವೇಷದಲ್ಲಿ ನುಗ್ಗಿ ಗುಂಡಿನ ದಾಳಿ, 16 ಜನರ ಸಾವು

ಕಾಬೂಲ್: ಅಫ್ಘಾನಿಸ್ತಾನ್ ರಾಜಧಾನಿ ಕಾಬೂಲ್​​ನ ಸರ್ಕಾರಿ ಹೆರಿಗೆ ಆಸ್ಪತ್ರೆಯೊಂದಕ್ಕೆ ಮಂಗಳವಾರ (ಮೇ 5) ಪೊಲೀಸ್ ವೇಷ ಧರಿಸಿ ನುಗ್ಗಿದ ಭಯೋತ್ಪಾದಕರು ಮನ ಬಂದಂತೆ ಗುಂಡಿನ ದಾಳಿ ನಡೆಸಿದ್ದು, ಈ ದಾಳಿಯಲ್ಲಿ ಎರಡು ನವಜಾತ ಶಿಶುಗಳು ಸೇರಿ 16 ಜನ ಸಾವಿಗೀಡಾಗಿದ್ದಾರೆ.

ನಂಗಹಾರ್​​ನ ಪೂರ್ವ ಪ್ರಾಂತ್ಯದಲ್ಲಿ ಅದೇ ದಿನ ಪೊಲೀಸ್ ಕಮಾಂಡರ್ ಒಬ್ಬರ ಅಂತ್ಯಕ್ರಿಯೆ ವೇಳೆ ನಡೆದ ಮತ್ತೊಂದು ಅತ್ಮಾಹುತಿ ಬಾಂಬ್ ದಾಳಿಯಲ್ಲಿ ಅಂದಾಜು 24 ಜನ ಸಾವನ್ನಪ್ಪಿದ್ದು, 68 ಜನ ಗಾಯಗೊಂಡಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಸರ್ಕಾರಿ ಅಧಿಕಾರಿಗಳು ಮತ್ತು ಸಂಸತ್ ಸದಸ್ಯರೊಬ್ಬರು ಹಾಜರಾಗಿದ್ದರು. 

ಇದನ್ನೂ ಓದಿ: ಮೊನ್ನೆ ಕಾಣಿಸಿಕೊಂಡವನು ನಿಜವಾದ ಕಿಮ್ ಅಲ್ವಾ? ಅವನ ಡುಪ್ಲಿಕೇಟಾ?

ಪೊಲಿಸ್ ಸಮವಸ್ತ್ರ ಧರಿಸಿದ ಮೂವರು ಬಂದೂಕುಧಾರಿಗಳು ಬೆಳಗ್ಗೆ ದಶ್ತ್ -ಎ ಬಾರ್ಚಿ ಆಸ್ಪತ್ರೆಗೆ ನುಗ್ಗಿ ಗ್ರೆನೇಡ್ ಹಾಗೂ ಗುಂಡಿನ ದಾಳಿ ನಡೆಸಿದರು ಎಂದು ಸರ್ಕಾರಿ ಅಧಿಕಾರಿಗಳು ತಿಳಸಿದ್ದಾರೆ. ದಾಳಿಕೋರರನ್ನು ಭದ್ರತಾ ಪಡೆಗಳು ಕೊಂದುಹಾಕಿವೆ.

100 ಹಾಸಿಗೆಗಳ ಸರ್ಕಾರಿ ಆಸ್ಪತ್ರೆ ಮೆಡಿಸಿನ್ಸ್ ಸ್ಯಾನ್ಸ್ ಫ್ರಾಂಟೀಯರ್ಸ್ (ಎಂಎಸ್​ಎಫ್- ಗಡಿಗಳಿಲ್ಲದ ಆಸ್ಪತ್ರೆ) ಎಂದೇ ಪ್ರಸಿದ್ಧವಾಗಿದೆ. ಆಸ್ಪತ್ರೆಯಲ್ಲಿ ಗುಂಡಿನ ದಾಳಿ ನಡೆದಿರುವುದಾಗಿ ಎಂಎಸ್​ಎಫ್ ಟ್ವೀಟ್ ನಲ್ಲಿ ದೃಢಪಡಿಸಿದೆ.

ಸಾವಿಗೀಡಾದವರಲ್ಲಿ ಹಾಗೂ ಗಾಯಗೊಂಡವರಲ್ಲಿ ತಾಯಂದಿರು, ನರ್ಸ್​​ಗಳು, ಮಕ್ಕಳು ಸೇರಿದ್ದಾರೆ ಎಂದು ಆರೋಗ್ಯ ಸಚಿವಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ. (ಏಜನ್ಸೀಸ್)

https://www.vijayavani.net/coronavirus-hairstyle/