ಆರ್​ಎಸ್​ಎಸ್​ಗೆ 100ರ ಸಂಭ್ರಮ: ಇಸ್ರೇಲ್​ನ ಜಿಯೋನಿಸ್ಟ್​​ಗಳು ಮತ್ತು ಆರ್​ಎಸ್​ಎಸ್ಸಿಗರು ಅವಳಿ ಸಹೋದರರು; ಪಿಣರಾಯಿ ವಿಜಯನ್| Pinarayi Vijayan

Pinarayi Vijayan: ಜನ್ಮಶತಮಾನೋತ್ಸವವನ್ನು ಆಚರಿಸಿಕೊಳ್ಳುತ್ತಿರುವ ರಾಷ್ಟ್ರೀಯ ಸ್ವಯಂ ಸೇವಕ ಸಂಘವನ್ನು ಸಿಪಿಐಎಂ ನಾಯಕ ಮತ್ತು ಕೇರಳ ಸಿಎಂ ಪಿಣರಾಯಿ ವಿಜಯನ್ ಇಸ್ರೇಲ್​ನ ಜಿಯೋನಿಷ್ಟ್​ಗಳಿಗೆ ಹೋಲಿಸಿದ್ದು, ಎರಡೂ ಸಂಘಟನೆಗಳು ಅವಳಿ ಸಹೋದರರು ಎಂದು ಕರೆದಿದ್ದಾರೆ.

ಆರ್‌ಎಸ್‌ಎಸ್ ಸಂಘಟನೆಯ 100ರ ಸ್ಮರಣಾರ್ಥ ಅಂಚೆ ಚೀಟಿ ಮತ್ತು ನಾಣ್ಯವನ್ನು ಬಿಡುಗಡೆ ಮಾಡಿದ್ದಕ್ಕಾಗಿ ಎಕ್ಸ್​ನಲ್ಲಿ  ಪಿಣರಾಯಿ ವಿಜಯನ್ ಪ್ರಧಾನಿ ನರೇಂದ್ರ ಮೋದಿಯವರನ್ನು ಟೀಕಿಸಿದ್ದಾರೆ. ಆರ್‌ಎಸ್‌ಎಸ್ ಶತಮಾನೋತ್ಸವವನ್ನು ಅಂಚೆ ಚೀಟಿ ಮತ್ತು 100 ರೂಪಾಯಿ ನಾಣ್ಯದೊಂದಿಗೆ ಸ್ಮರಿಸುವುದು ನಮ್ಮ ಸಂವಿಧಾನಕ್ಕೆ ಮಾಡಿದ ಘೋರ ಅವಮಾನ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: Operation Sindhura ವೇಳೆ ಅಮೆರಿಕದ F-16, ಚೀನಾದ JF-17 ಸೇರಿ ಪಾಕ್​ನ 8-10 ಯುದ್ಧ ವಿಮಾನಗಳನ್ನು ಭಾರತ ನಾಶಪಡಿಸಿದೆ: IAF ಮುಖ್ಯಸ್ಥ ಎಪಿ ಸಿಂಗ್

ಸ್ವಾತಂತ್ರ್ಯ ಹೋರಾಟದಿಂದ ದೂರವಿದ್ದ, ವಸಾಹತುಶಾಹಿ ಶಕ್ತಿಗಳೊಂದಿಗೆ ಸೇರಿಕೊಂಡಿದ್ದ,  ವಿಭಜಕ ಸಿದ್ಧಾಂತವನ್ನು ಉತ್ತೇಜಿಸುವ ಸಂಘಟನೆಯನ್ನು ಈ ಕ್ರಮವು ಕಾನೂನುಬದ್ಧಗೊಳಿಸುತ್ತದೆ. ಈ ಗೌರವವು ನಮ್ಮ ನಿಜವಾದ ಸ್ವಾತಂತ್ರ್ಯ ಹೋರಾಟಗಾರರ ಸ್ಮರಣೆ ಮತ್ತು ಅವರು ಕಲ್ಪಿಸಿಕೊಂಡ ಜಾತ್ಯತೀತ, ಏಕೀಕೃತ ಭಾರತದ ಮೇಲಿನ ನೇರ ದಾಳಿ ಎಂದು ಕಿಡಿಕಾರಿದ್ದಾರೆ. (ಏಜೆನ್ಸೀಸ್)

https://www.vijayavani.net/i-love-modi-its-okay-but-if-i-say-i-love-muhammad-why-the-objection-said-asaduddin-owaisi