ಕತಾರ್: ಭಾರತದ ಭರವಸೆಯ ಜಾವೆಲಿನ್ ಥ್ರೋ ಆಟಗಾರ ನೀರಜ್ ಚೋಪ್ರಾ ಮತ್ತೊಮ್ಮೆ ಚಿನ್ನವನ್ನು ಗೆಲ್ಲುವ ಮೂಲಕ ಡೈಮಂಡ್ ಲೀಗ್ನಲ್ಲಿ ಸಾಧನೆಗೈದಿದ್ದಾರೆ. ದೋಹಾದಲ್ಲಿ ನಡೆದ ಲೀಗ್ನಲ್ಲಿ ಜಾವೆಲಿನ್ ಅನ್ನು 88.67 ಮೀಟರ್ ದೂರ ಎಸೆಯುವ ಮೂಲಕ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ.
ತಮ್ಮ ಮೊದಲನೇ ಎಸೆತದಲ್ಲೆ ಅತ್ಯುತ್ತಮವಾಗಿ ಜಾವೆಲಿನ್ ಅನ್ನು 88.67 ಮೀಟರ್ ದೂರ ಎಸೆಯುವ ಮೂಲಕ ನೀರಜ್ ಚಿನ್ನದ ಪದಕವನ್ನು ಖಚಿತಪಡಿಸಿಕೊಂಡಿದ್ದರು. ಇನ್ನು, ನೀರಜ್ಗೆ ಉತ್ತಮ ಪ್ರತಿಸ್ಪರ್ಧೆ ನೀಡಿದ ಜೇಕಬ್ ವಾಡ್ಲೆಜ್ 88.63 ಮೀಟರ್ ಜಾವೆಲಿನ್ ಎಸೆದು ಎರಡನೇ ಸ್ಥಾನಕ್ಕೆ ತೃಪ್ತಿಪಟ್ಟರೆ, 85.88m ದೂರ ಎಸೆದ ಆಂಡರ್ಸನ್ ಪೀಟರ್ಸ್ ಮೂರನೇ ಸ್ಥಾನಕ್ಕೆ ತೃಪ್ತಿಪಟ್ಟರು.
ಇದನ್ನೂ ಓದಿ: ಕೇರಳದ ಮೊದಲ ತೃತೀಯ ಲಿಂಗಿ ಬಾಡಿಬಿಲ್ಡರ್ ಇನ್ನಿಲ್ಲ; ಪತ್ನಿ ಮೇಲೆ ಕೊಲೆ ಆರೋಪ…
ಈ ಹಿಂದೆ ಟೋಕಿಯೊದಲ್ಲಿ ನಡೆದ ಒಲಿಂಪಿಕ್ನಲ್ಲಿ ಕೂಡ ನೀರಜ್ಗೆ ಟಕ್ಕರ್ ನೀಡಿದ್ದ ಜೇಕಬ್ ವಾಡ್ಲೆಜ್ ಅಲ್ಲಿಯೂ ಬೆಳ್ಳಿಯನ್ನು ಗೆದ್ದಿದ್ದರು. ಇನ್ನೂ, ವಿಶ್ವ ಚಾಂಪಿಯನ್ಶಿಪ್ನಲ್ಲಿ ನೀರಜ್ರನ್ನು ಸೊಲಿಸಿ, ಆಂಡರ್ಸನ್ ಪೀಟರ್ಸ್ ಸೊಲಿಸಿ ಬಂಗಾರದ ಪದಕವನ್ನು ಗೆದ್ದಿದ್ದರು ಎಂಬುದು ಗಮನಾರ್ಹ.
ಪಂದ್ಯ ಮುಗಿದ ಬಳಿಕ ಮಾತನಾಡಿದ ನೀರಜ್, “ಈ ಪಂದ್ಯ ಅತ್ಯಂತ ರೋಚಕವಾಗಿತ್ತು. ಗೆಲುವು ದೊರೆತಿದ್ದು ನನಗೆ ಖುಷಿ ನೀಡಿದೆ. ಈ ಗೆಲುವಿನಿಂದ ನನ್ನ ಆತ್ಮವಿಶ್ವಾಸ ಇನ್ನಷ್ಟು ಹೆಚ್ಚಿದೆ” ಎಂದರು.(ಏಜೆನ್ಸೀಸ್)