ನ್ಯೂಯಾರ್ಕ್: ಕೊಲಂಬಿಯಾದ ಜನಪ್ರಿಯ ಪಾಪ್ ಗಾಯಕಿ ಶಕೀರಾ ಮತ್ತೊಮ್ಮೆ ಕ್ರೀಡಾ ವಲಯದಲ್ಲಿ ಭಾರಿ ಸುದ್ದಿಯಲ್ಲಿದ್ದಾರೆ. 2010ರಲ್ಲಿ ದಕ್ಷಿಣ ಆಫ್ರಿಕಾದಲ್ಲಿ ನಡೆದ ಫಿಫಾ ವಿಶ್ವಕಪ್ ಟೂರ್ನಿಯ ಧ್ಯೇಯಗೀತೆ “ವಾಕಾ ವಾಕಾ’ ಮೂಲಕ ಮೊದಲಿಗೆ ಕ್ರೀಡಾಪ್ರೇಮಿಗಳ ಮನಗೆದ್ದಿದ್ದ ಶಕೀರಾ ನಂತರದಲ್ಲಿ ಕ್ರೀಡಾಪಟುಗಳ ಜತೆಗಿನ ಸಖ್ಯದಿಂದ ಗಮನಸೆಳೆದಿದ್ದರು. ಇದೀಗ ಅಮೆರಿಕದ ಎನ್ಬಿಎ ಬಾಸ್ಕೆಟ್ಬಾಲ್ ಆಟಗಾರ ಜಿಮ್ಮಿ ಬಟ್ಲರ್ ಜತೆಗಿನ ಡೇಟಿಂಗ್ನಿಂದ ಶಕೀರಾ ಸುದ್ದಿಗೆ ಗ್ರಾಸವಾಗಿದ್ದಾರೆ.
2011ರಲ್ಲಿ ಸ್ಪೇನ್ ಫುಟ್ಬಾಲ್ ಆಟಗಾರ ಗೆರಾರ್ಡ್ ಪಿಕ್ಗೆ ಹತ್ತಿರವಾಗಿದ್ದ ಶಕೀರಾ ನಂತರದಲ್ಲಿ ಅವರ ಇಬ್ಬರು ಗಂಡು ಮಕ್ಕಳಿಗೆ ತಾಯಿಯೂ ಆಗಿದ್ದರು. ಆದರೆ ಕಳೆದ ವರ್ಷ ಇಬ್ಬರ ಸಂಬಂಧದಲ್ಲಿ ಬಿರುಕು ಮೂಡಿತ್ತು. 2022ರ ಜೂನ್ನಲ್ಲಿ ಇಬ್ಬರೂ ಜಂಟಿ ಪ್ರಕಟಣೆಯ ಮೂಲಕ ಪರಸ್ಪರ ದೂರವಾಗುತ್ತಿರುವುದನ್ನು ಖಚಿತಪಡಿಸಿದ್ದರು. 11 ವರ್ಷಗಳ ಸಂಬಂಧ ಮುರಿದು ಬಿದ್ದ ಬಳಿಕ ಬಹುತೇಕ ಏಕಾಂಗಿಯಾಗಿದ್ದ 46 ವರ್ಷದ ಶಕೀರಾ ತಮಗಿಂತ 13 ವರ್ಷ ಕಿರಿಯರಾದ ಜಿಮ್ಮಿ ಬಟ್ಲರ್ ಜತೆ ಸುತ್ತಾಟ ಆರಂಭಿಸಿದ್ದಾರೆ.
ಎನ್ಬಿಎ ಟೂರ್ನಿಯ ಪಂದ್ಯದಲ್ಲಿ ಶಕೀರಾ ಕ್ರೀಡಾಂಗಣದಲ್ಲಿ ಕಾಣಿಸಿಕೊಳ್ಳುವುದರೊಂದಿಗೆ 33 ವರ್ಷದ ಜಿಮ್ಮಿ ಬಟ್ಲರ್ ಜತೆಗಿನ ಸಂಬಂಧ ಬಹುತೇಕ ಅಧಿಕೃತಗೊಂಡಿದೆ. ಶಕೀರಾ-ಜಿಮ್ಮಿ ಕಳೆದ ಕೆಲ ಸಮಯದಿಂದ ಜತೆಯಾಗಿ ಸಮಯ ಕಳೆಯುತ್ತಿದ್ದಾರೆ. ಲಂಡನ್ ರೆಸ್ಟೋರೆಂಟ್ಗಳಲ್ಲೂ ಇಬ್ಬರನ್ನೂ ಜತೆಯಾಗಿ ನೋಡಿದವರಿದ್ದಾರೆ ಎಂದೂ ವರದಿಗಳು ಹರಡಿವೆ.
ಟೀಮ್ ಇಂಡಿಯಾ ಪದಾರ್ಪಣೆ ಬೆನ್ನಲ್ಲೇ ಬಾಡಿಗೆಯಿಂದ ಸ್ವಂತ ಮನೆಗೆ ಶಿಫ್ಟ್ ಆದ ಯಶಸ್ವಿ ಜೈಸ್ವಾಲ್!