ಲಾಕ್​ಡೌನ್​ ನಿಯಮ ಪಾಲಿಸಲ್ವಾ? ಹಾಗಾದ್ರೆ ಮಾಡಿ ನಾಗಿಣ್​ ಡಾನ್ಸ್​! ಪೊಲೀಸರ ಸ್ಪೆಷಲ್​ ಶಿಕ್ಷೆ

ಜೈಪುರ: ಕರೊನಾ ಸೋಂಕಿನ ನಿಯಂತ್ರಣಕ್ಕೆಂದು ಅನೇಕ ರಾಜ್ಯಗಳು ಲಾಕ್​ಡೌನ್​ ಜಾರಿಗೊಳಿಸಿವೆ. ಜನರು ಅನಾವಶ್ಯಕವಾಗಿ ಮನೆಯಿಂದ ಹೊರ ಬಾರದಂತೆ ಎಚ್ಚರಿಸಲಾಗಿದೆ. ಆದರೆ ಕೆಲವರು ಲಾಕ್​ಡೌನ್​ ನಿಯಮಗಳನ್ನು ಗಾಳಿಗೆ ತೂರಿ, ಹೊರಗಡೆ ಸುತ್ತಾಡುತ್ತಿದ್ದು, ಅಂತವರಿಗೆ ಪೊಲೀಸರು ವಿಧ ವಿಧವಾಗಿ ಶಿಕ್ಷೆ ನೀಡಲಾರಂಭಿಸಿದ್ದಾರೆ.

ರಾಜಸ್ಥಾನದಲ್ಲಿ ಸದ್ಯ ಲಾಕ್​ಡೌನ್​ ಜಾರಿಯಲ್ಲಿದೆ. ಆದರೆ ಅದನ್ನು ಲೆಕ್ಕಿಸದ ಕೆಲ ಯುವಕರು ರಸ್ತೆಗಿಳಿಯುತ್ತಿದ್ದಾರೆ. ಅದೇ ರೀತಿ ಜಲಾವರ ಜಿಲ್ಲೆಯಲ್ಲೂ ಇಬ್ಬರು ಯುವಕರು ರಾತ್ರಿ ಹೊತ್ತು ಜಾಲಿ ರೈಡ್​ಗೆಂದು ಮನೆಯಿಂದ ಹೊರಬಂದಿದ್ದಾರೆ. ಅವರನ್ನು ತಡೆದ ಪೊಲೀಸರು ನಾಗಿಣಿ ಡಾನ್ಸ್​ ಮಾಡುವ ಶಿಕ್ಷೆ ನೀಡಿದ್ದಾರೆ. ಅದನ್ನು ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲೂ ಹರಿಬಿಡಲಾಗಿದೆ. ಸಮಾಜದೆದುರು ತಪ್ಪು ಮಾಡಿ, ನಾಚಿಕೆ ಅನುಭವಿಸಿದ ಯುವಕರು, ಲಾಕ್​ಡೌನ್​ ಮುಗಿಯುವವರೆಗೂ ಮನೆಯಿಂದ ಹೊರಬರುವುದಿಲ್ಲ ಎನ್ನುತ್ತಾ ಮನೆಗೆ ತೆರಳಿದ್ದಾರೆ.

ರಾಜಸ್ಥಾನ ಮಾತ್ರವಲ್ಲ ಕರ್ನಾಟಕ ಪೊಲೀಸರೂ ಇದೇ ರೀತಿ ವಿಶೇಷ ಶಿಕ್ಷೆಯನ್ನು ಲಾಕ್​ಡೌನ್​ ನಿಯಮ ಪಾಲಿಸದವರಿಗೆ ವಿಧಿಸಿದ್ದಾರೆ. ಬಸ್ಕಿ ಹೊಡೆಯುವ ಶಿಕ್ಷೆ, ಕಸ ಗುಡಿಸುವ ಶಿಕ್ಷೆ, ಅವರ ಕೆನ್ನೆಗೆ ಅವರೇ ಹೊಡೆದುಕೊಳ್ಳುವ ಶಿಕ್ಷೆ ಹೀಗೆ ಅನೇಕ ರೀತಿಯ ಪ್ರಯತ್ನಗಳು ನಮ್ಮಲ್ಲೂ ನಡೆದಿವೆ. (ಏಜೆನ್ಸೀಸ್)

https://www.vijayavani.net/ambulance-at-deserted-area-people-were-suspicious-called-police/

https://www.vijayavani.net/friend-saw-her-dead-the-woman-stole-her-money-and-went-to-eat-in-the-restaurant/

https://www.vijayavani.net/father-carries-daughter-dead-body-on-shoulder/