ಜಯ ಕರ್ನಾಟಕ ಹುಟ್ಟಿದ್ದು ಇಲ್ಲಿಂದಲೇ : ಬಿಡದಿಯಿಂದಲೇ ಬೆಂಗಳೂರಿನ ಸದಾಶಿವ ನಗರ, ಮೈಸೂರು ಮತ್ತು ಸಕಲೇಶಪುರದ ತಮ್ಮ ಮನೆಗಳಿಗೆ ಓಡಾಡುತ್ತಿದ್ದ ಮುತ್ತಪ್ಪ ರೈ ಅವರಿಗೆ ಕನ್ನಡ ನಾಡಿನ ಸೇವೆ ಮಾಡುವ ಹಂಬಲ ಹುಟ್ಟಿಕೊಂಡ ಕಾರಣ ನಾಡು ನುಡಿ ರಕ್ಷಣೆ ರಕ್ಷಣೆಗಾಗಿ ಜಯ ಕರ್ನಾಟಕ ಸಂಘಟನೆ ಹುಟ್ಟಿಕೊಳ್ಳುತ್ತದೆ. ಇದಕ್ಕೆ ಬೇಕಾದ ರೂಪುರೇಷೆ ಸಿದ್ಧವಾಗಿದ್ದು ಕೂಡ ಬಿಡದಿಯ ನಿವಾಸದಲ್ಲಿಯೇ. ಸಂಘಟನೆ ಮೂಲಕವೇ ಕನ್ನಡ ಪರ ಹೋರಾಟ, ಸಮಾಜ ಸೇವೆ ಹಾಗೂ ಕೀಡಾಪಟುಗಳನ್ನು ಪ್ರೋತ್ಸಾಹಿಸುವ ಕೆಲಸವನ್ನು ಮುತ್ತಪ್ಪ ರೈ ಮಾಡುತ್ತಲೇ ಬಂದರು. ಇದರ ಜತೆಗೆ ಸಂಘಟನೆ ಮೂಲಕ ವೃಷಭಾವತಿ ನದಿ ಶುದ್ಧೀಕರಣ ಸಂಬಂಧ ಹೋರಾಟ ಹಮ್ಮಿಕೊಳ್ಳಲು ಮುತ್ತಪ್ಪ ರೈ ಕಾರಣೀಭೂತರಾಗಿದ್ದರು. ಹಲವಾರು ನಾಡು ನುಡಿ ಪರವಾದ ಹೋರಾಟಗಳ ಜತೆಗೆ, ಸಮಾಜ ಶಿಕ್ಷಣ ನೀತಿಯನ್ನು ಜಾರಿಗೆ ತರಬೇಕು ಎನ್ನುವ ಬೃಹತ್ ಜಾಥಾವನ್ನು ಹಮ್ಮಿಕೊಳ್ಲುವ ಮೂಲಕ ಸರ್ಕಾರಕ್ಕೆ ತಮ್ಮ ಶಕ್ತಿಯನ್ನು ಮನವರಿಕೆ ಮಾಡಿಕೊಟ್ಟಿದ್ದರು.
