VIDEO: ಆಟಗಾರರು ಸಮಯ ಕಳೆಯಲು ವಿಶೇಷ ಕೊಠಡಿ ನಿರ್ಮಿಸಿದ ಮುಂಬೈ ಇಂಡಿಯನ್ಸ್..!

ದುಬೈ: ಕರೊನಾ ವೈರಸ್​ ಭೀತಿಯಿಂದ 13ನೇ ಆವೃತ್ತಿಯ ಇಂಡಿಯನ್​ ಪ್ರೀಮಿಯರ್​ ಲೀಗ್​ (ಐಪಿಎಲ್​) ಯುಎಇಗೆ ಸ್ಥಳಾಂತಗೊಂಡಿದೆ. ಇದೀಗ ಜಾಗತಿಕ ಕ್ರಿಕೆಟ್​ ಲೋಕವೇ ಅರಬ್​ ರಾಷ್ಟ್ರದತ್ತದ ಮುಖಮಾಡಿದೆ. ಕರೊನಾ ವೈರಸ್​ ಭೀತಿ ನಡುವೆಯೂ ಆಟಗಾರರು ಬಯೋ ಬಬಲ್​ ವಾತಾವರಣದಲ್ಲಿ ಈಗಾಗಲೇ ಅಭ್ಯಾಸವನ್ನು ಶುರುಮಾಡಿವೆ. ತವರಿನ ಪ್ರೇಕ್ಷಕರನ್ನು ತಂಡಗಳು ಮಿಸ್​ ಮಾಡಿಕೊಂಡರೂ ಅವರಿಗೆ ಸಾಮಾಜಿಕ ಜಾಲತಾಣಗಳ ಮೂಲ ಹತ್ತಿರವಾಗಳು ಫ್ರಾಂಚೈಸಿಗಳು ಬಯಸುತ್ತಿವೆ. ಕುಟುಂಬ ಸದಸ್ಯರಿಂದ ದೂರ ಉಳಿದಿರುವ ಆಟಗಾರರಿಗೆ ಮಾನಸಿಕ ಒತ್ತಡದಿಂದ ದೂರ ಬರುವ ಸಲುವಾಗಿ ತಂಡಗಳು ಬಗೆ ಬಗೆಯ ಕಸರತ್ತು ನಡೆಸುತ್ತಿವೆ. ಆಟಗಾರರನ್ನು ಖುಷಿಯಾಗಿ ಇಡುವ ಸಲುವಾಗಿ ಮುಂಬೈ ಇಂಡಿಯನ್ಸ್​ ತಂಡ ಹೈಟೆಕ್​ ಕೊಠಡಿಯೊಂದನ್ನು ಸಿದ್ಧಪಡಿಸಿಕೊಂಡಿದೆ.

ಇದನ್ನೂ ಓದಿ: ‘ಮ‘ಮಹೇಂದ್ರ ಸಿಂಗ್ ಧೋನಿ ಕ್ರಿಕೆಟ್​ನ ಯೋಗಿ…ನಾನು ಅವರ ಅಭಿಮಾನಿ’ಹೇಂದ್ರ ಸಿಂಗ್ ಧೋನಿ ಕ್ರಿಕೆಟ್​ನ ಯೋಗಿ…ನಾನು ಅವರ ಅಭಿಮಾನಿ’

ಆಟಗಾರರು ಬಿಡುವಿನ ವೇಳೆ ಸಮಯ ಕಳೆಯಲು ವಿಡಿಯೋ ಗೇಮ್​, ಮ್ಯೂಸಿಕ್​ ಸಿಸ್ಟಂ, ಸ್ನೂಕರ್​ ಬೋರ್ಡ್​, ಟೇಬಲ್​ ಟೆನಿಸ್​ ಟೇಬಲ್​, ಅಭಿಮಾನಿಗಳ ಹಾಗೂ ಆಟಗಾರರ ಫೋಟೋ ಅಳವಡಿಸುವ ಮೂಲಕ ಮನರಂಜನೆ ನೀಡಲು ಫ್ರಾಂಚೈಸಿ ಯತ್ನಿಸಿದೆ. ತಂಡದ ಆಲ್ರೌಂಡರ್​ ಕೃನಾಲ್​ ಈ ಕೊಠಡಿಯ ವಿಡಿಯೋಗೆ ಇನ್​ಸ್ಟಾಗ್ರಾಂನದಲ್ಲಿ ವಾವ್​ ಎಂದು ಪ್ರತಿಕ್ರಿಯಿಸಿದ್ದಾರೆ. ತಂಡದ ಕ್ರಿಕೆಟ್​ ವ್ಯವಹಾರಗಳ ವ್ಯವಸ್ಥಾಪಕ ನಿರ್ದೇಶಕ ಜಹೀರ್​ ಖಾನ್​ ಟೀಮ್​ ರೂಮ್​ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿ, ವಿವರಣೆ ನೀಡಿದ್ದಾರೆ. ಆಟಗಾರರ ನಡುವಿನ ಸಂಪರ್ಕ ಸೇತುವೆ ಜತೆಗೆ ಭಾವನಾತ್ಮಕತೆ ಬೆಳೆಯಲು ಸಹಕಾರಿಯಾಗಲಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ‘ಅಂದು ಏನು ನಡೆಯಿತೋ..ಅದು ಭಯಾನಕತೆಯನ್ನೂ ಮೀರಿದ್ದು…’ ಸುರೇಶ್​ ರೈನಾ ಟ್ವೀಟ್​

ಕಳೆದ ವಾರ ಮುಂಬೈ ಇಂಡಿಯನ್ಸ್​ ತಂಡ ಯುಎಇಗೆ ಪ್ರಯಾಣ ಬೆಳೆಸಿತು. ಸ್ಥಳಿಯ ಸರ್ಕಾರದ ಶಿಷ್ಟಾಚಾರದಂತೆ 6 ದಿನಗಳ ಕ್ವಾರಂಟೈನ್​ ಅವಧಿ ಮುಕ್ತಾಯಗೊಳಿಸಿ ಅಭ್ಯಾಸ ಆರಂಭಿಸಿದೆ. ಜತೆಗೆ ನಾಯಕ ರೋಹಿತ್​ ಶರ್ಮ ಸೇರಿದಂತೆ ತಂಡದ ಕೆಲ ಆಟಗಾರರು ಪತ್ನಿಯರೊಂದಿಗೆ ತೆರಳಿದ್ದಾರೆ.