ಸ್ಯಾಂಡ್​ವಿಚ್​ ಕಟ್​ ಮಾಡಲಿಲ್ಲವೆಂದು ಗೊಣಗಿದವನ ವಿರುದ್ಧ ಪತ್ನಿಯ ಸೇಡು; ಲಂಚ್​ ಬಾಕ್ಸ್​ನಲ್ಲಿತ್ತು ಆತನ 'ಮಾನ'

ಪತಿ-ಪತ್ನಿಯ ನಡುವೆ ಕೆಲವೊಮ್ಮೆ ಸಣ್ಣಸಣ್ಣ ವಿಚಾರಕ್ಕೂ ಮಾತು ಬೆಳೆಯುತ್ತದೆ. ಪರಸ್ಪರ ಜಗಳ, ಹುಸಿಕೋಪ, ಸಣ್ಣ ಪ್ರತೀಕಾರಗಳೆಲ್ಲ ತೀರ ಸಹಜ. ಹಾಗೇ ಇಲ್ಲೊಂದು ವಿಚಿತ್ರ ಘಟನೆ ನಡೆದಿದೆ. ಸ್ಯಾಂಡ್​ವಿಚ್​ ಸರಿಯಾಗಿ ಕತ್ತರಿಸಿ ಬಾಕ್ಸ್​ಗೆ ಹಾಕಲಿಲ್ಲ ಎಂದು ಅಲವತ್ತುಕೊಂಡ ಪತಿಯ ವಿರುದ್ಧ ಪತ್ನಿ ಭರ್ಜರಿ ಪ್ರತೀಕಾರ ತೀರಿಸಿಕೊಂಡಿದ್ದಾಳೆ.

ಲಂಡನ್​ನ ಲೋಜ್​ ಎಂಬುವರು ಹೀಗೆ ಸುದ್ದಿಯಾದ ಮಹಿಳೆ. ಇವರಿಗೆ ಎರಡು ವರ್ಷದ ಮಗನಿದ್ದಾನೆ. ಬೆಳಗ್ಗೆದ್ದು ಮಗನನ್ನು ಸಂಭಾಳಿಸಬೇಕು. ಮನೆ ಕೆಲಸ ಮಾಡಬೇಕು..ತನ್ಮಧ್ಯೆ ಪತಿಯ ಬೇಕುಬೇಡಗಳನ್ನು ಗಮನಿಸಬೇಕು. ಅವನಿಗೆ ಊಟ, ತಿಂಡಿಗಳನ್ನು ಬಾಕ್ಸ್​ಗೆ ಹಾಕಿ ಕೊಡಬೇಕು. ಇಷ್ಟೆಲ್ಲ ಮಾಡಿದರೂ ಪತಿಯ ಕೊಂಕು ಮಾತು ಕೇಳಿ ಬೇಸತ್ತ ಆಕೆ ಲಂಚ್​ ಬಾಕ್ಸ್​​ನಲ್ಲಿ ಪತಿಯ ಮಾನ ಹರಾಜು ಹಾಕಿದ್ದಾರೆ.

ಅಂದು ಗಂಡನಿಗೆ ಕಳಿಸಿದ್ದ ಬಾಕ್ಸ್​ನಲ್ಲಿ ಲೋಜ್​ ಸ್ಯಾಂಡ್​ವಿಚ್​ ಕಳಿಸಿದ್ದರು. ಆದರೆ ಸ್ವಲ್ಪ ಹೊತ್ತಿನ ಬಳಿಕ ಆಕೆಯ ಪತಿ ಅದರ ಫೋಟೋವನ್ನು ಕಳಿಸಿ, ಸ್ಯಾಂಡ್​ವಿಚ್​ನ್ನು ತ್ರಿಕೋನಾಕಾರದಲ್ಲಿ ಕತ್ತರಿಸಲು ನಿನಗೆ ಗೊತ್ತಾಗಲಿಲ್ಲವಾ? ಹೀಗೆ ಬಾಯಿಗೆ ಹಾಕಿ ತಿನ್ನಲು ನಾನೇನು ಪ್ರಾಣಿನಾ ಎಂದು ಮೆಸೇಜ್​ ಮಾಡಿದ್ದ.

ಅಷ್ಟಲ್ಲದೆ, ಅಂದೇ ಸಂಜೆ ಆಕೆ ತನ್ನ ಮಗ ಮತ್ತು ತಾಯಿಯೊಂದಿಗೆ ವಾಕ್ ಹೋದಾಗ ಅಚಾನಕ್​ ಆಗಿ ಪತಿಯ ಆಫೀಸ್​​ನ ಬಾಸ್​ ಸಿಕ್ಕಿದ್ದರು. ಅವರೂ ಕೂಡ ಈಕೆಯನ್ನು ಕಂಡ ತಕ್ಷಣ, ನಿಮ್ಮ ಗಂಡ ನೀವು ಕಳಿಸಿದ ಸ್ಯಾಂಡ್​ವಿಚ್​ ಬಗ್ಗೆ ತುಂಬ ಅಸಮಾಧಾನಗೊಂಡಿದ್ದರು. ಅರ್ಧ ಭಾಗ ಕತ್ತರಿಸಿ ಕೊಡಲಿಲ್ಲ..ಹಾಗೇ ಕೊಟ್ಟಿದ್ದಾಳೆ ಎಂದು ಅಲವತ್ತುಕೊಳ್ಳುತ್ತಿದ್ದರು ಎಂದು ಬಾಸ್​ ಹೇಳಿದ್ದರು.

ಇದನ್ನೆಲ್ಲ ಕೇಳಿ ತೀವ್ರ ಅವಮಾನಿತರಾದ ಲೋಜ್​ ಮೌನವಾಗಿಯೇ ಇದ್ದು ಸೇಡು ತೀರಿಸಿಕೊಂಡರು. ಯಾಕೆಂದರೆ ಆಕೆ ಪತಿಯ ಲಂಚ್​ ಬಾಕ್ಸ್​ನ್ನು ತುಂಬ ಆಸ್ಥೆಯಿಂದ ಸಿದ್ಧ ಪಡಿಸುತ್ತಿದ್ದರು. ಹೊರಗಡೆ ಊಟ, ತಿಂಡಿ ಮಾಡಿ, ಹಣ ಖರ್ಚು ಆಗಬಾರದು ಎಂದು ಎಷ್ಟೇ ಕೆಲಸವಿದ್ದರೂ ಪ್ರೀತಿಯಿಂದ ಮಾಡಿ ಕೊಟ್ಟುಕಳಿಸುತ್ತಿದ್ದರು. ಇದನ್ನೂ ಓದಿ: ಗಗನಮುಖಿ ಚಿನ್ನಕ್ಕೆ ಇನ್ನಷ್ಟು ಹೊಳಪು, ಬೆಳ್ಳಿಯದ್ದೂ ಅದೇ ಕಥೆ…

ಹಾಗೇ ಒಂದೆರಡು ದಿನ ಬಿಟ್ಟು ಮತ್ತೆ ಟಿಫಿನ್​ ಬಾಕ್ಸ್​ಗೆ ಸ್ಯಾಂಡ್​ವಿಚ್​ ಹಾಕಿದ್ದರು. ಅಂದು ಅದನ್ನು ಕಟ್ ಮಾಡುವುದನ್ನು ಮರೆಯಲಿಲ್ಲ. ಆದರೆ ಪತಿ ಹೇಳಿದ ಹಾಗೆ ತ್ರಿಕೋನಾಕಾರದಲ್ಲಿ ಕತ್ತರಿಸಲಿಲ್ಲ. ಬದಲಿಗೆ ಆತನ ಜನನೇಂದ್ರಿಯದ ಆಕಾರದಲ್ಲಿ ಕಟ್​ ಮಾಡಿ, ಚೀಸ್​ಗಳಿಂದ ಅಲಂಕರಿಸಿ ಕಳಿಸಿದ್ದರು. ಅಂದು ಬೆಳಗ್ಗೆ ಸುಮಾರು 10 ಗಂಟೆ ಹೊತ್ತಿಗೆ, ತನ್ನ ಸಹೋದ್ಯೋಗಿಗಳೊಂದಿಗೆ ಕುಳಿತು ತಿಂಡಿ ತಿನ್ನಲೆಂದು ಬಾಕ್ಸ್​ ತೆಗೆದ ಪತಿಗೆ ಭರ್ಜರಿ ಶಾಕ್​ ಕಾದಿತ್ತು. ಅವನ ಸಹೋದ್ಯೋಗಿಗಳೂ ಕೂಡ ಅದನ್ನು ನೋಡಿ ನಕ್ಕಿದ್ದರು. ಅಂಥ ಪತ್ನಿಯನ್ನು ಪಡೆದ ನೀನು ಲೆಜೆಂಡ್​ ಬಿಡು ಎಂದು ಜೋಕ್​ ಮಾಡಿದ್ದರು. ಇದನ್ನೂ ಓದಿ:  ರಷ್ಯಾಕ್ಕೆ ಹೊರಟ್ರು ರಕ್ಷಣಾ ಸಚಿವ ರಾಜನಾಥ್​ ಸಿಂಗ್

ಅದಾದ ಬಳಿಕ ಒಂದಿನವೂ ತನ್ನ ಪತ್ನಿ ಕಳಿಸಿದ ತಿಂಡಿ, ಊಟದ ಬಗ್ಗೆ ಆತ ದೂರು ಹೇಳಲಿಲ್ಲ. ಲೋಜ್ ಮಾತ್ರ ಸುಮ್ಮನೆ ಇರಲಿಲ್ಲ, ತಾನು ಶಿಶ್ನದ ಆಕಾರದಲ್ಲಿ ಕತ್ತರಿಸಿದ ಸ್ಯಾಂಡ್​ವಿಚ್​ ಫೋಟೋವನ್ನು ಫೇಸ್​ಬುಕ್​ನಲ್ಲೂ ಹಾಕಿಕೊಂಡು, ಪತಿಗೆ ತಾವು ಬುದ್ಧಿ ಕಲಿಸಿದ್ದು ಹೀಗೆ ಎಂದು ಪೋಸ್ಟ್​ ಮಾಡಿದ್ದರು. ಅದು ಕೂಡ ಸಿಕ್ಕಾಪಟೆ ವೈರಲ್​ ಆಗಿದೆ. ಲೋಜ್​ರಂತಹ ಸಾವಿರಾರು ಮಹಿಳೆಯರು ಇದೇ ಸರಿಯಾದ ಮಾರ್ಗವೆಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/57-girls-at-government-run-home-in-ups-kanpur-test-positive-for-covid-19/