ಶಕ್ತಿ ಯೋಜನೆಯಡಿ ಮಹಿಳೆಯರು ಉಚಿತವಾಗಿ ಪ್ರಯಾಣ ಮಾಡುವ ವಿಷಯದಲ್ಲಿ ಸರ್ಕಾರಕ್ಕಾಗಲಿ, ನಿಗಮಗಳಿಗಾಗಲಿ ಆರ್ಥಿಕವಾಗಿ ಲಾಭವಾಗುತ್ತದೆಯೇ, ನಷ್ಟವಾಗುತ್ತದೆಯೇ ಎಂಬುದರ ಲೆಕ್ಕಾಚಾರ ಹಾಕಬಾರದು. ಅದು ಮಹಿಳೆಯರ ಪರವಾದ ಒಂದು ಜನಪ್ರಿಯ ಯೋಜನೆ. ಅದಲ್ಲದೇ ಸಾರಿಗೆ ಇಲಾಖೆಯವರು ರಾಜ್ಯ ಸರ್ಕಾರದಿಂದ ಬರುವ ಹಣವನ್ನೇ ನೆಚ್ಚಿ ಕುಳಿತುಕೊಳ್ಳುವ ಅವಶ್ಯಕತೆಯೂ ಇಲ್ಲ. ಇಲಾಖೆಯ ಸಂಪನ್ಮೂಲಗಳಿಂದಲೂ ಸಾಕಷ್ಟು ಆದಾಯ ಬರುತ್ತಿದೆ. ನಾಲ್ಕೂ ನಿಗಮಗಳು ಚೆನ್ನಾಗಿ ಕಾರ್ಯನಿರ್ವಹಿಸುತ್ತಿವೆ. ಹೀಗಾಗಿ ಬಸ್ ಚಾಲಕರು, ನಿರ್ವಾಹಕರು ಸೇರಿದಂತೆ ಸಾರಿಗೆ ಇಲಾಖೆಯ ಯಾವುದೇ ಉದ್ಯೋಗಿಗಳ ಸಂಬಳಕ್ಕೂ ತೊಂದರೆ ಆಗುವುದಿಲ್ಲ. ಸರಿಯಾದ ಸಮಯಕ್ಕೇ ಸಂಬಳ ಬರುತ್ತದೆ ಎಂದು ರಾಮಲಿಂಗಾರೆಡ್ಡಿ ಸ್ಪಷ್ಟಪಡಿಸಿದರು.
