ರಜನಿ ಬಳಿಕ ದಳಪತಿ ವಿಜಯ್​ ಮನೆಗೆ ಬಾಂಬ್​ ಬೆದರಿಕೆ..

ಇತ್ತೀಚೆಗಷ್ಟೇ ಸೂಪರ್​ಸ್ಟಾರ್ ರಜನಿಕಾಂತ್​ ಮನೆ ಬಳಿ ಬಾಂಬ್​ ಇಡಲಾಗಿದೆ ಎಂಬ ಫೋನ್​ ಕರೆ ರಜನಿ ಅಭಿಮಾನಿಗಳನ್ನು ನಿದ್ದೆಗೆಡಿಸಿತ್ತು. ಪೊಲೀಸ್​ ಇಲಾಖೆಗೂ ದೊಡ್ಡ ತಲೆ ನೋವಾಗಿ ಪರಿಣಮಿಸಿತ್ತು. ಬಳಿಕ ಆ ಫೋನ್​ ಕರೆ ಸುಳ್ಳೆಂದು ಗೊತ್ತಾಗುತ್ತಿದ್ದಂತೆ ನಿಟ್ಟುಸಿರು ಬಿಟ್ಟಿದ್ದರು ಬಾಂಬ್​ ನಿಷ್ಕ್ರೀಯ ದಳದ ಅಧಿಕಾರಿಗಳು, ಇದೀಗ ಅದೇ ರೀತಿ ದಳಪತಿ ವಿಜಯ್​ಗೂ ಅಂಥದ್ದೇ ಕರೆ ಬಂದಿದೆ.

ಇದನ್ನೂ ಓದಿ: ಲಾಕ್​ಡೌನ್​ನಲ್ಲಿ ಅಕ್ಷಯ್​ ಕುಮಾರ್​ ನಾಸಿಕ್​ಗೆ ಹೆಲಿಕಾಫ್ಟರ್​​ನಲ್ಲಿ ಹೋಗಿದ್ದು ಯಾಕೆ​

ನಟ ವಿಜಯ್,​ ಕರೊನಾ ಹಿನ್ನೆಲೆಯಲ್ಲಿ ಮನೆಯಲ್ಲಿದ್ದಾರೆ. ಕುಟುಂಬದೊಟ್ಟಿಗೆ ಕಾಲ ಕಳೆಯುತ್ತಿದ್ದಾರೆ. ಇದೇ ಸಮಯವನ್ನು ಗಮನದಲ್ಲಿಟ್ಟುಕೊಂಡು, ಕಿಡಿಗೇಡಿಯೊಬ್ಬ ಸಾಲಿಗ್ರಾಮಮ್​ನಲ್ಲಿನ ವಿಜಯ್​ ಮನೆಯ ಆವರಣದಲ್ಲಿ ಬಾಂಬ್​ ಇಟ್ಟಿರುವುದಾಗಿ ಬೆದರಿಕೆ ಹಾಕಿದ್ದಾನೆ. ಈ ವಿಚಾರವನ್ನು ಸ್ವತಃ ಪೊಲೀಸ್​ ಇಲಾಖೆಗೆ ತಿಳಿಸಿದ್ದಾನೆ. ಗಾಬರಿಯಿಂದ ವಿಜಯ್​ ಮನೆಗೆ ಬಂದ ಬಾಂಬ್​ ನಿಷ್ಕ್ರೀಯ ದಳದ ಸಿಬ್ಬಂದಿ ತೆರಳಿ ಪರಿಶೀಲಿಸಿದೆ. ಅದಾದ ಬಳಿಕ ಗೊತ್ತಾಗಿದ್ದು, ಇದೊಂದು ಪ್ರಾಂಕ್ ಫೋನ್​ ಕಾಲ್​ ಎಂದು.

ಇದನ್ನೂ ಓದಿ: ಅಪ್ಪನ ಸ್ಟಾರ್​ಗಿರಿ ನೆರಳಿಂದ ಅಂತರ ಕಾಯ್ದುಕೊಂಡಿದ್ದೇನೆ: ಟೈಗರ್​ ಶ್ರಾಫ್

ಗಾಬರಿಯಲ್ಲಿ ಮನೆ ಬಳಿ ಆಗಮಿಸಿದ ಸಿಬ್ಬಂದಿ, ವಿಜಯ್​ ಅವರ ಕುಟುಂಬದೊಟ್ಟಿಗೆ ಮಾತನಾಡಿದೆ. ಮನೆ ಸುತ್ತ ಮುತ್ತ ಪರೀಕ್ಷೆ ನಡೆಸಿ, ಬಾಂಬ್​ ರೀತಿಯ ವಸ್ತುಗಳು ಪತ್ತೆಯಾಗದ ಕಾರಣ, ಬಂದ ದಾರಿಗೆ ಸುಂಕ ಇಲ್ಲ ಎಂಬಂತೆ ಮರಳಿದೆ. ಬಳಿಕ ಇದೊಂದು ಪ್ರಾಂಕ್​ ಕರೆ ಎಂಬುದು ಮೇಲಾಧಿಕಾರಿಗಳಿಂದ ಆದೇಶ ಬಂದ ನಂತರ ನಿಟ್ಟುಸಿರು ಬಿಟ್ಟಿದ್ದಾರೆ ಸಿಬ್ಬಂದಿ. ಯುವಕನೋರ್ವ ಮರಕ್ಕನಮ್​ನಿಂದ ಈ ಕರೆ ಮಾಡಿದ್ದಾನೆ ಎಂಬುದು ಗೊತ್ತಾಗಿದೆ. (ಏಜೆನ್ಸೀಸ್​)

https://www.vijayavani.net/did-kangana-release-sridevis-autopsy-report/