‘ನಾನು ನನ್ನ ಅಪ್ಪನ ಮಗನೇ ಇರಬಹುದು. ಆದರೆ, ನಾನು ಒಬ್ಬ ಸ್ಟಾರ್ ನಟನ ಮಗ ಎಂದು ಹೇಳಿಕೊಳ್ಳುವುದಕ್ಕೆ ಕೊಂಚ ಭಯವೆನಿಸುತ್ತದೆ. ಜನ ಅಂದುಕೊಳ್ಳುತ್ತಾರೆ, ಅವನು ಸ್ಟಾರ್ ನಟನ ಮಗ ಎಂದು. ಆತನಿಗೆ ಸಿನಿಮಾ ರಂಗದಲ್ಲಿ ಎಲ್ಲವೂ ಸಲೀಸೆಂದು. ಅದು ನಿಜವೇ.. ನಾನು ಅದನ್ನು ಇಲ್ಲ ಎಂದೆನ್ನುವುದಿಲ್ಲ. ಅದರಿಂದ ಜನ ನನ್ನನ್ನು ಗುರುತಿಸುತ್ತಾರೆ. ನೆನಪಿರಲಿ, ಇದೆಲ್ಲದರ ನಡುವೆ ನಾವು ಬೆಳೆದು ನಿಲ್ಲುವುದು ಅಷ್ಟು ಸುಲಭದ ಕೆಲಸವಲ್ಲ. ಇಂಡಸ್ಟ್ರಿ ಹಿನ್ನೆಲೆ ಒಂದೆಡೆಯಾದರೆ, ಅದರ ಎರಡರಷ್ಟು ಶ್ರಮ ನಾವು ಕೊಡಲೇಬೇಕು. ಅಂದಾಗ ಮಾತ್ರ ನಮ್ಮತನ ಆಚೆ ಬರುವುದು. ಹಾಗಾಗಿ ನಾನು ನನ್ನ ಅಪ್ಪನ ಸ್ಟಾರ್ಗಿರಿ ನೆರಳಿನಿಂದ ಈಗಲೂ ಅಂತರ ಕಾಯ್ದುಕೊಂಡಿದ್ದೇನೆ’ ಎನ್ನುತ್ತಾರೆ ಟೈಗರ್ ಶ್ರಾಫ್.
