ದೆಹಲಿ: ಇಬ್ಬರು ವಿದ್ಯಾರ್ಥಿಗಳ ಮೇಲೆ ಮಾನಸಿಕ ಅಸ್ವಸ್ಥನೊಬ್ಬ ಚಾಕುವಿನಿಂದ ಹಲ್ಲೆ ನಡೆಸಿರುವ ಘಟನೆ ರಾಷ್ಟ್ರರಾಜಧಾನಿ ದೆಹಲಿಯಲ್ಲಿ ನಡೆದಿದೆ.

ಘಟನೆಯಲ್ಲಿ ಚಮನ್ ಮತ್ತು ರಾಜೇಶ್ ಎಂಬ ವಿದ್ಯಾರ್ಥಿಗಳಿಗೆ ತೀವ್ರ ಗಾಯಗಳಾಗಿದ್ದು, ಆರೋಪಿಯನ್ನು 23 ವರ್ಷದ ವಿನಯ್ ಎಂದು ಗುರುತಿಸಲಾಗಿದೆ. ಆರೋಪಿಯು ರಾಮ್‌ದೇವ್‌ ಚೌಕ್‌ನಲ್ಲಿ ಇಬ್ಬರು ಬಾಲಕರು ಹೋಗುತ್ತಿದ್ದ ವೇಳೆ ಮೊದಲಿಗೆ ಚಮನ್​ ಮೇಲೆ ಚಾಕುವಿನಿಂದ ಹಲ್ಲೆ ನಡೆಸಿದ್ದಾನೆ. ಕೂಡಲೇ ಇದನ್ನು ಕಂಡ ರಾಜೇಶ್​ ಆತನ ಸಹಾಯಕ್ಕೆಂದು ಓಡಿಬಂದಿದ್ದಾನೆ.

ಇದನ್ನೂ ಓದಿ: ಬ್ಯಾಂಕ್​​ನಲ್ಲಿಯೇ 40,000 ರೂ ಎಗರಿಸಿ ಪರಾರಿಯಾದ ಖತರ್ನಾಕ್​ ಕಳ್ಳಿಯರು..

ಈ ವೇಳೆ ಆರೋಪಿಯು ರಾಜೇಶ್​ನ ಮೇಲೆಯೂ ಹಲ್ಲೆ ನಡೆಸಿದ್ದು ಆತನ ತಲೆ, ಮುಖ ಮತ್ತು ಕೈಗೆ ಅನೇಕ ಗಾಯಗಳಾಗಿವೆ. ಇನ್ನು ಬೆನ್ನಿನ ಎಡ ಭುಜದ ಬಳಿ ಗಾಯಗಳಾಗಿವೆ. ಕೂಡಲೇ ಸ್ಥಳೀಯರು ಮಾನಸಿಕವಾಗಿ ಅಸ್ಥಿರನಾಗಿದ್ದ ಆರೋಪಿ ವಿನಯ್‌ನನ್ನು ಜನರು ಹೊಡೆದು ತೀವ್ರವಾಗಿ ಗಾಯಗೊಳಿಸಿದ್ದಾರೆ.

ಬಳಿಕ ಪೊಲೀಸರಿಗೆ ಈ ಬಗ್ಗೆ ತಿಳಿಸಲಾಗಿದ್ದು ಸುದ್ದಿ ತಿಳಿದು ಸ್ಥಳಕ್ಕಾಗಮಿಸಿದ ಅಧಿಕಾರಿಗಳು ಮೂವರನ್ನು ಎಸ್‌ಆರ್‌ಸಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಈ ಕುರಿತು ಮಾತನಾಡಿರುವ ಪೊಲೀಸರು, ಗಾಯಾಳುಗಳ ಸ್ಥಿತಿ ಸ್ಥಿರವಾಗಿದ್ದು, ಚಾಕುವಿನಿಂದ ನಡೆದ ದಾಳಿಗೆ ಯಾವುದೇ ನಿರ್ದಿಷ್ಟ ಕಾರಣ ಪತ್ತೆಯಾಗಿಲ್ಲ. ಈ ಕುರಿತು ಮುಂದಿನ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.(ಏಜೆನ್ಸೀಸ್)

https://www.vijayavani.net/women-looted-man-who-went-to-withdraw-money-from-the-bank-at-madhyapradesh

professor #endslife #wife #hyderabad #husband

https://www.vijayavani.net/engineering-college-professor-ends-his-own-life-in-hyderabad