ಬೆಂಗಳೂರು: ಚಿರಂಜೀವಿ ಸರ್ಜಾ ಅಗಲಿ ಇಂದಿಗೆ ಒಂದು ವಾರವಾಯಿತು. ಅವರ ಸಾವಿನ ಸುದ್ದಿ ಇಡೀ ಕರುನಾಡನ್ನೇ ಅಷ್ಟರಶಃ ಶಾಕ್ಗೆ ದೂಡಿತ್ತು. ಇತ್ತ ನೆಚ್ಚಿನ ನಟನನ್ನು ಕಳೆದುಕೊಂಡ ಚಿತ್ರರಂಗ ಮಮ್ಮಲ ಮರುಗಿತ್ತು. ಸಾವಿನ ಸುದ್ದಿ ಎಲ್ಲೆಡೆ ವ್ಯಾಪಕವಾಗಿ ಹರಿದಾಡುತ್ತಿದ್ದಂತೆ, ಅವರೊಂದಿಗೆ ಕಳೆದ ಸುಮಧುರ ಕ್ಷಣಗಳನ್ನು ಫೋಟೋ ಸಮೇತ ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಲಾಗುತ್ತಿತ್ತು. ಇತ್ತ ಪ್ರೀತಿಸಿ ಇಷ್ಟಪಟ್ಟವನನ್ನೇ ವರಿಸಿದ್ದ ಮೇಘನಾ ಸ್ಥಿತಿಯಂತೂ ಹೇಳತೀರದು. ಜೂ.7ರ ದೃಶ್ಯಗಳು ನಿಜಕ್ಕೂ ಕಲ್ಲು ಹೃದಯದವರನ್ನೂ ಕರಗಿಸುವಂತಿದ್ದವು. ವಿಧಿ ನಿಜಕ್ಕೂ ಇಷ್ಟೊಂದು ಕ್ರೂರಿ ಅನಿಸದೇ ಇರದು!
ಇದನ್ನೂ ಓದಿ: PHOTOS| ಇದು ನನ್ನ ಪ್ರಪಂಚ, ಇಲ್ಲಿ ಆತನಿಗಷ್ಟೇ ಎಂಟ್ರಿ!; ಮತ್ತೆ ಮತ್ತೆ ಭಾವುಕರಾದ ಧ್ರುವ …
ಚಿರು ಸಾವಿನ ಸುದ್ದಿ ಹೊರಬೀಳುತ್ತಿದ್ದಂತೆ, ಮೇಘನಾ ಐದು ತಿಂಗಳ ಗರ್ಭಿಣಿ ಎಂಬ ಸುದ್ದಿಯೂ ಎಲ್ಲೆಡೆ ಪಸರಿಸಿತ್ತು. ನೋವಿನ ನಡುವೆಯೇ, ಮೇಘನಾ ಸ್ಥಿತಿ ಕಂಡು ಜನತೆ ಕಣ್ಣೀರಾಕಿದ್ದರು. ಹೊಟ್ಟೆಯಲ್ಲಿ ಮಗು, ಕಣ್ಣ ಮುಂದೆ ಪತಿಯ ಶವ; ಕರುನಾಡ ಜನರನ್ನೇ ನಡುಗಿಸಿತ್ತು ಆ ದೃಶ್ಯ. ಸೋತು, ಬಸವಳಿದು, ನಿತ್ರಾಣರಾಗಿದ್ದ ಮೇಘನಾ, ಗರ್ಭಿಣಿ ಆಗಿದ್ದರಿಂದ ಅವರ ಬಗ್ಗೆಯೂ ಕಾಳಜಿ ವಹಿಸಲಾಗಿತ್ತು. ಈ ನಡುವೆ ಅವರ ಆರೋಗ್ಯದ ಬಗ್ಗೆಯೂ ಒಂದಷ್ಟು ಗಾಳಿ ಸುದ್ದಿಗಳು ಹರಿದಾಡಿದ್ದವು. ಚಿರು ಸಾವಿನ ಬೆನ್ನಲ್ಲೇ ಮೇಘನಾ ಆರೋಗ್ಯದಲ್ಲಿ ವ್ಯತ್ಯಯ ಉಂಟಾಗಿದೆ ಎಂಬ ಮಾತು ಕೇಳಿಬಂದಿತ್ತು. ಆ ಸುದ್ದಿಯ ಬಗ್ಗೆ ಇದೀಗ ಅಧಿಕೃತ ಮಾಹಿತಿ ಹೊರಬಿದ್ದಿದೆ.
ಇದನ್ನೂ ಓದಿ: ಕಡಿಮೆ ಸಮಯದಲ್ಲಿ ಮಿಂಚಿ ಮರೆಯಾದವರು …
ಸರ್ಜಾ ಕುಟುಂಬದ ಆಪ್ತ ಶಿವಾರ್ಜುನ್, ಮೇಘನಾ ಆರೋಗ್ಯದ ಬಗ್ಗೆ ವಿಜಯವಾಣಿಗೆ ಮಾಹಿತಿ ನೀಡಿದ್ದಾರೆ. ‘ಮೇಘನಾ ಆರೋಗ್ಯವಾಗಿದ್ದಾರೆ. ಈ ಹೊತ್ತಲ್ಲಿ ಒಂದಷ್ಟು ನೋವು ಮತ್ತು ಆತಂಕ ಸಹಜ. ಅವರ ಆರೋಗ್ಯದ ಉಸ್ತುವಾರಿಯನ್ನು ಅರ್ಜುನ್ ಸರ್ಜಾ ಅವರ ತಾಯಿ ವಹಿಸಿಕೊಂಡಿದ್ದಾರೆ. ಜೋಪಾನವಾಗಿ ನೋಡಿಕೊಳ್ಳುತ್ತಿದ್ದಾರೆ’ ಎಂದು ಹರಿದಾಡಿದ ಇಲ್ಲ ಸಲ್ಲದ ಸುದ್ದಿಗಳಿಗೆ ಬ್ರೇಕ್ ಹಾಕಿದ್ದಾರೆ ಶಿವಾರ್ಜುನ್. ಇನ್ನು ಜೂ. 17ಕ್ಕೆ ಕನಕಪುರ ರಸ್ತೆಯ ನೆಲಗುಳಿಯಲ್ಲಿರುವ ಬೃಂದಾವನ ಫಾರ್ಮ್ಹೌಸ್ನಲ್ಲಿ ಚಿರಂಜೀವಿ ತಿಥಿ ಕಾರ್ಯ ನೆರವೇರಿಸಲು ಕುಟುಂಬಸ್ಥರು ನಿರ್ಧರಿಸಿದ್ದಾರೆ.
ಚಿರು ಸರ್ಜಾ ತಿಥಿ; ಎಲ್ಲಿ, ಯಾವತ್ತು, ಹೇಗೆ ನಡೆಯಲಿದೆ?; ಕರೊನಾ ಹಿನ್ನೆಲೆ ಕುಟುಂಬಸ್ಥರಿಂದ ಕಠಿಣ ನಿರ್ಧಾರ …