ಮುಂಬೈ: 1970 ಮತ್ತು 80 ರ ದಶಕದಲ್ಲಿ, ಹಿಂದಿ ಚಲನಚಿತ್ರೋದ್ಯಮವು ಅಮಿತಾಭ್ ಬಚ್ಚನ್, ಧರ್ಮೇಂದ್ರ, ಜೀತೇಂದ್ರ, ವಿನೋದ್ ಖನ್ನಾ ಮತ್ತು ರಾಜೇಶ್ ಖನ್ನಾ ಅವರಂತಹ ಸೂಪರ್‌ಸ್ಟಾರ್‌ಗಳಿಂದ ಪ್ರಾಬಲ್ಯ ಹೊಂದಿತ್ತು. ಆದರೆ, ಈ ನಟ ಬಾಲಿವುಡ್ ಪ್ರವೇಶಿಸುವ ಮೂಲಕ ಸೂಪರ್ಸ್ಟಾರ್ಗಳ ನಿದ್ದೆಗೆಡಿಸಿದ್ದು ಮಾತ್ರ ಸುಳ್ಳಲ್ಲ.
ಬಾಲಿವುಡ್‌ನ ಅನೇಕ ತಾರೆಯರು ತಮ್ಮ ವೃತ್ತಿಜೀವನದಲ್ಲಿ ಒಂದು ಫ್ಲಾಪ್ ಚಿತ್ರವನ್ನು ನೀಡಿದ್ದಾರೆ. ಕೆಲವು ಸ್ಟಾರ್‌ಗಳ ವೃತ್ತಿಜೀವನವು ಫ್ಲಾಪ್ ಚಿತ್ರಗಳಿಂದ ಪ್ರಾರಂಭವಾಯಿತು ಮತ್ತು ನಂತರ ಅವರು ಬಾಲಿವುಡ್‌ನ ಸೂಪರ್‌ಸ್ಟಾರ್‌ಗಳಾದರು. ಆದರೆ, 80-90ರ ದಶಕದ ಒಬ್ಬ ತಾರೆ, 47 ವರ್ಷಗಳ ತಮ್ಮ ವೃತ್ತಿ ಜೀವನದಲ್ಲಿ 180 ಫ್ಲಾಪ್ ಚಿತ್ರಗಳನ್ನು ನೀಡಿದ್ಧಾರೆ ಮತ್ತು ತಮ್ಮ ನಟನೆಯ 200ಕ್ಕೂ ಹೆಚ್ಚು ಸಿನಿಮಾಗಳನ್ನು ಈವರೆಗೂ ನೋಡಿಲ್ಲವಂತೆ.
ತಮ್ಮ ವೃತ್ತಿಜೀವನದಲ್ಲಿ ಅತಿ ಹೆಚ್ಚು ಬಾಕ್ಸ್ ಆಫೀಸ್ ಫ್ಲಾಪ್‌ಗಳಲ್ಲಿ ಕಾಣಿಸಿಕೊಂಡ ಬಾಲಿವುಡ್ ಸ್ಟಾರ್ ಮಿಥುನ್ ಚಕ್ರವರ್ತಿ ತಮ್ಮ ವೃತ್ತಿಜೀವನದಲ್ಲಿ 180 ಫ್ಲಾಪ್ ಚಲನಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ, ಇದರಲ್ಲಿ 47 ಚಲನಚಿತ್ರಗಳನ್ನು ದುರಂತ ಎಂದು ಬಾಕ್ಸ್ಆಫಿಸ್ ಪಂಡಿತರು ವರ್ಣಿಸಿದ್ದಾರೆ. ಒಬ್ಬ ನಟನ ಸಿನಿಪಯಣದಲ್ಲಿ ಅತಿಹೆಚ್ಚು ಎಂದು ಹೇಳಲಾಗಿದ್ದು, ಇಂದಿಗೂ ಮಿಥುನ್ ಚಕ್ರವರ್ತಿ ಅವರನ್ನು ಸೂಪರ್ ಸ್ಟಾರ್ ಎಂದು ಪರಿಗಣಿಸಲಾಗಿದೆ.
ಇದನ್ನೂ ಓದಿ: ಬಿಗ್ಬಾಸ್ ಗ್ರ್ಯಾಂಡ್ ಫಿನಾಲೆ; ಶೋ ಮುಗಿಯುವುದಕ್ಕೂ ಮುನ್ನ ಸ್ಫರ್ಧಿಗಳಿಗೆ ಸಿಕ್ತು ಬಂಪರ್ ಆಫರ್
ನಾನು 370 ಕ್ಕೂ ಹೆಚ್ಚು ಚಿತ್ರಗಳನ್ನು ಮಾಡಿದ್ದೇನೆ ಅದರಲ್ಲಿ ನಾನು ಇಲ್ಲಿಯವರೆಗೆ ಸುಮಾರು 200 ಚಿತ್ರಗಳನ್ನು ನೋಡಿಲ್ಲ. ಇವುಗಳಲ್ಲಿ 150 ಚಿತ್ರಗಳು ಗೋಲ್ಡನ್ ಜುಬಿಲಿ ಮತ್ತು ಡೈಮಂಡ್ ಜುಬಿಲಿಯನ್ನು ಸಹ ಪೂರ್ಣಗೊಳಿಸಿದವು ಮತ್ತು ಹಲವು ಎರಡು ವರ್ಷಗಳ ಕಾಲ ತೆರೆಯ ಮೇಲೆ ಓಡಿದವು, ಆದರೆ ಆ 200 ಚಿತ್ರಗಳಲ್ಲಿ ನಾನು ಸಂಪೂರ್ಣ ಪ್ರಾಮಾಣಿಕತೆ ಮತ್ತು ಕಠಿಣ ಪರಿಶ್ರಮದಿಂದ ಕೆಲಸ ಮಾಡಿದ್ದೇನೆ ಎಂದು ಮಿಥುನ್ ಚಕ್ರವರ್ತಿ ಸಂದರ್ಶನ ಒಂದರಲ್ಲಿ ಹೇಳಿದ್ದರು.
ಅನೇಕ ಫ್ಲಾಪ್ ಸಿನಿಮಾಗಳನ್ನು ನೀಡಿದ್ದರು ಸಹ ಇವರ ಆಸ್ತಿ ಸರಿಸುಮಾರು 400 ಕೋಟಿ ರೂಪಾಯಿಗೂ ಅಧಿಕವಾಗಿದೆ ಎಂದು ತಿಳಿದು ಬಂದಿದೆ. ವಿದೇಶಿ ಕಾರುಗಳು ಸೇರಿದಂತೆ ಅಪಾರ ಪ್ರಮಾಣದ ವಾಹನ ಹಾಗೂ ವಸ್ತುಗಳನ್ನು ಹೊಂದಿರುವ ಇವರನ್ನು ಜನರು ಇಂದಿಗೂ ಸೂಪರ್ಸ್ಟಾರ್ ಎಂದು ಕರೆಯುತ್ತಾರೆ.