5 ನೇ ದಿನಕ್ಕೆ ಕಾಲಿಟ್ಟ ಮರಾಠಿ ಮೀಸಲಾತಿ ಪ್ರತಿಭಟನೆ: ಕಾರ್ಯಕರ್ತ ಮನೋಜ್​ ಜರಂಗೇ ಪಾಟೀಲ್​ ಆರೋಗ್ಯ ಸ್ಥಿತಿ ಗಂಭೀರ! | protest

protest : ಮರಾಠರಿಗೆ ಒಬಿಸಿ ಕೋಟಾದಡಿ ಮೀಸಲಾತಿ ನೀಡುವಂತೆ ಒತ್ತಾಯಿಸಿ ಅನಿರ್ದಿಷ್ಟ ಉಪವಾಸ ನಡೆಸುತ್ತಿರುವ ಕಾರ್ಯಕರ್ತ ಮನೋಜ್​ ಜರಂಗೇ ಪಾಟೀಲ್​ ಅವರ ಆರೋಗ್ಯ ಸ್ಥಿತಿ ಗಂಭೀರವಾಗಿದೆ.

ಈ ವಿಚಾರದ ಬಗ್ಗೆ ಪರಿಹಾರ ಕಂಡುಕೊಳ್ಳುವಲ್ಲಿ ಸರ್ಕಾರ ತೀವ್ರ ಪ್ರಯತ್ನಗಳನ್ನು ಮಾಡುತ್ತಿದ್ದು, ಮುಂಬೈನಲ್ಲಿ ಸರಣಿ ಸಭೆಗಳನ್ನು ನಿಗದಿಪಡಿಸಲಾಗಿದೆ. ಇನ್ನು ಪ್ರತಿಭಟನೆಗೆ ಸಂಬಂಧಿಸಿದ ಅರ್ಜಿಗಳನ್ನು ಬಾಂಬೆ ಹೈಕೋರ್ಟ್​ ವಿಚಾರಣೆ ನಡೆಸುತ್ತಿದೆ ಎಂದು ಡೆಕ್ಕನ್ ಹೆರಾಲ್ಡ್​ ವರದಿ ಮಾಡಿದೆ.

ಇದನ್ನೂ ಓದಿ: ಈ ಮೂರು ರಾಶಿಯವರು ತಮ್ಮ ಪ್ರಾಣಕ್ಕಿಂತ ನೈತಿಕತೆಯನ್ನೇ ಹೆಚ್ಚು ಗೌರವಿಸುತ್ತಾರಂತೆ! Zodiac Signs

ಆರ್ಥಿಕವಾಗಿ ದುರ್ಬಲ ವರ್ಗದ (ಇಡಬ್ಯೂಎಸ್​) ಅಡಿಯಲ್ಲಿ ಶೇ. 10 ರಷ್ಟು ಮೀಸಲಾತಿಗೆ ಅರ್ಹವಾಗಿರುವ ಮರಾಠರನ್ನು ಒಬಿಸಿ ಕೋಟಾದಡಿಯಲ್ಲಿ ಸೇರಿಸಬೇಕೆಂದು ಪ್ರತಿಭಟನಾಕಾರರು ಒತ್ತಾಯಿಸಿದ್ದಾರೆ. ಇನ್ನು ಮರಾಠರನ್ನು ಸೇರಿಸುವ ಮೂಲಕ ಅಸ್ತಿತ್ವದಲ್ಲಿರುವ ಶೇ. 27 ರ ಕೋಟಾವನ್ನು ದುರ್ಬಲಗೊಳಿಸಿದರೆ ಪ್ರತಿಭಟನೆ ನಡೆಸುವುದಾಗಿ ಒಬಿಸಿ ಗುಂಪುಗಳು ಎಚ್ಚರಿಕೆ ನೀಡಿರುವುದರಿಂದ ಮಹಾಯುತಿ ಸರ್ಕಾರವು ಸಂದಿಗ್ಧ ಪರಿಸ್ಥಿತಿಯಲ್ಲಿದೆ.

ಮರಾಠ ಮೀಸಲಾತಿ ಹೋರಾಟವನ್ನು ನಾಯಕ ಜರೇಂಗ ಪಾಟೀಲ್​ ಆಗಸ್ಟ್​ 29ರಿಂದ ಐತಿಹಾಸಿಕ ಅಜಾದ್​ ಮೈದಾನದಲ್ಲಿ ಧರಣಿ ನಡೆಸುತ್ತಿದ್ದಾರೆ. ಎಲ್ಲಾ ಅರ್ಹ ಮರಾಠರು ಒಬಿಸಿ ಅಡಿಯಲ್ಲಿ ಮೀಸಲಾತಿ ಸೌಲಭ್ಯ ಪಡೆಯಲು ಸಾಧ್ಯವಾಗುವಂತೆ ಜಾತಿ ಪ್ರಮಾಣಪತ್ರವನ್ನು ನೀಡಬೇಕೆಂದು ಸರ್ಕಾರವನ್ನು ಒತ್ತಾಯಿಸಿದ್ದಾರೆ.

ಇದನ್ನೂ ಓದಿ: ಟಿ20 ಕ್ರಿಕೆಟ್​ಗೆ ಮಿಚೆಲ್​ ಸ್ಟಾರ್ಕ್​ ನಿವೃತ್ತಿ! ಕಾರಣ ಬಹಿರಂಗಪಡಿಸಿದ ಆಸ್ಟ್ರೇಲಿಯಾದ ಸ್ಟಾರ್ ವೇಗಿ | Mitchell Starc

ನ್ಯಾಯಾಲಯದ ಸೂಚನೆ ನಂತರ ಅನೇಕ ಪ್ರತಿಭಟನಾಕಾರರು ಸ್ಥಳದಿಂದ ಹೊರಹೋಗಲು ಪ್ರಾರಂಭಿಸಿದ್ದಾರೆ. ಇನ್ನು ಷರತ್ತುಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ಅಜಾದ್​ ಮೈದಾನವನ್ನು ಖಾಲಿ ಮಾಡುವಂತೆ ಮುಂಬೈ ಪೊಲೀಸರು ನೋಟಿಸ್​ ನೀಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/why-gold-prices-are-surging-experts-says