ಕೊಚ್ಚಿ: ಸೀರಿಯಲ್ ನಟಿಯರೊಂದಿಗೆ ವೇದಿಕೆ ಹಂಚಿಕೊಳ್ಳಲು ಇಷ್ಟಪಡುವುದಿಲ್ಲ ಎಂದು ಸಾರ್ವಜನಿಕವಾಗಿ ಹೇಳಿದ ರಾಜಕಾರಣಿಗೆ ಮಲಯಾಳಂ ನಟಿ ಮಂಜು ಪಾಥ್ರೋಸ್ ಅವರು ಖಡಕ್ ಆಗಿ ತಿರುಗೇಟು ನೀಡಿದ್ದಾರೆ.
ಈ ಘಟನೆ ಪೆರುಂಪಿಲವಿನಲ್ಲಿ ನಡೆದಿದೆ. ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರು ನಟಿ ಮಂಜು ಪಾಥ್ರೋಸ್ ಬೆಂಬಲಕ್ಕೆ ನಿಂತಿದ್ದಾರೆ.
ಯಾರೋಬ್ಬರು ನಾಚಿಕೆಯಿಂದ ತಲೆತಗ್ಗಿಸಬೇಕಾಗಿಲ್ಲ
ಇದಕ್ಕೂ ಮುಂಚೆ ಇದೇ ವೇದಿಕೆಯಲ್ಲಿ ರಾಜಕಾರಣಿಯೊಬ್ಬರು ಮಾತನಾಡಿದರು. ಸೀರಿಯಲ್ ನಟಿಯರೊಂದಿಗೆ ವೇದಿಕೆ ಹಂಚಿಕೊಳ್ಳಲು ಇಷ್ಟಪಡುವುದಿಲ್ಲ ಮತ್ತು ಅವರ ಕಾರ್ಯಕ್ರಮಗಳನ್ನು ನೋಡಲು ಬಯಸುವುದಿಲ್ಲ ಎಂದು ಹೇಳಿದರು. ನನಗೆ ಅರ್ಥವಾಗದ ಒಂದು ವಿಷಯವೆಂದರೆ ಸರ್ ನಮ್ಮನ್ನು ಏಕೆ ನೀವು ಇಷ್ಟಪಡುವುದಿಲ್ಲ. ಅದು ನಮ್ಮ ನಟನೆಯ ಕಾರಣದಿಂದಲೂ ಅಥವಾ ಧಾರಾವಾಹಿಗಳನ್ನು ನೋಡದ ಕಾರಣದಿಂದಲೋ. ಕಾರಣ ಏನೇ ಇರಬಹುದು ಇದೊಂದು ವೃತ್ತಿಪರ ಕ್ಷೇತ್ರ. ನಟನೆ ಕೂಡ ಒಂದು ವೃತ್ತಿ. ನಾವು ವೇದಿಕೆಗೆ ಬಂದಾಗ ಯಾರೋಬ್ಬರು ನಾಚಿಕೆಯಿಂದ ತಲೆತಗ್ಗಿಸಬೇಕಾಗಿಲ್ಲ. ಯಾವುದೇ ಕ್ಷೇತ್ರದಲ್ಲಿ ಮುಂದೆ ಸಾಗುವುದು ಸುಲಭವಲ್ಲ. ಸರ್ ನೀವೊ ಒಬ್ಬ ರೈತ ಎಂಬುದನ್ನು ಮರೆಯದಿರಿ. ಇಷ್ಟನ್ನು ಹೇಳೋಕೆ ಇಷ್ಟಪಡುತ್ತೇನೆ ಎಂದು ಮಂಜು ಪಥ್ರೋಸ್ ಹೇಳಿದ್ದಾರೆ.
ಇದೇ ವೇಳೆ ಸೀರಿಯಲ್ ನಟಿ ಸಾಜನ್ ಸೂರ್ಯ ಅವರು ಮಂಜು ಪಾಥ್ರೋಸ್ ಅವರ ವಿಡಿಯೋವನ್ನು ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ನಟಿಯರನ್ನು ಅವಮಾನಿಸುವಂತ ಹೇಳಿಕೆ ನೀಡಿದ ರಾಜಕಾರಣಿಗೆ ನಯವಾಗಿಯೇ ತಿರುಗೇಟು ನೀಡಿದ್ದಕ್ಕೆ ಧನ್ಯವಾದಗಳನ್ನು ತಿಳಿಸಿದ್ದಾರೆ. (ಏಜೆನ್ಸೀಸ್)
1200 ರೂ. ಬೆಲೆಯ ಐಪಿಎಲ್ ಟಿಕೆಟನ್ನು 8 ಸಾವಿರಕ್ಕೆ ಪೊಲೀಸರೇ ಮಾರುತ್ತಿದ್ದಾರೆ; ಆರ್ಸಿಬಿ ಅಭಿಮಾನಿಗಳ ಆಕ್ರೋಶ