ದೇವರು ಲ್ಯಾಂಬೊರ್ಗಿನಿ ಕಾರು ಕೊಡುತ್ತಾನೆ ಅಂತ ದಿನಗಟ್ಟಲೆ ಉಗ್ರ ಉಪವಾಸ ಮಾಡಿದ; ಎಲ್ಲ ಗರ್ಲ್​ಫ್ರೆಂಡ್​ಗಾಗಿ...

ನವದೆಹಲಿ: ನಂಬಿಕೆಗೆ ಮಿತಿ ಇಲ್ಲ, ಆದರೆ ಮೂಢನಂಬಿಕೆಗೆ ಒಂದು ಮಿತಿ ಇದ್ದೇ ಇರುತ್ತದೆ. ಇಲ್ಲೊಬ್ಬ 40 ದಿನಗಳ ಕಾಲ ಹಗಲು-ರಾತ್ರಿ ಅನ್ನ-ನೀರು ತ್ಯಜಿಸಿದರೆ ದೇವರು ಲ್ಯಾಂಬೊರ್ಗಿನಿ ಕಾರು ಕೊಟ್ಟು ಬಿಡುತ್ತಾನೆ ಎಂದುಕೊಂಡು ಹಾಗೆ ಮಾಡಲು ಮುಂದಾಗಿದ್ದಾನೆ. ಕೊನೆಗೆ ಅನ್ನ-ನೀರು ಬಿಟ್ಟವನು ಪ್ರಾಣ ಬಿಡುವ ಹಂತಕ್ಕೆ ತಲುಪಿ ಆಸ್ಪತ್ರೆಗೆ ದಾಖಲಾಗಿದ್ದಾನೆ.

ಜಿಂಬಾಬ್ವೆಯ ಬಿಂದುರ ಎಂಬಲ್ಲಿನ ಮಾರ್ಕ್​ ಮುರಾದಿರಾ ಎಂಬಾತ ನಿರುದ್ಯೋಗಿ. ಸಾಲದ್ದಕ್ಕೆ ಜತೆಗೊಬ್ಬಳು ಗರ್ಲ್​ಫ್ರೆಂಡ್. ಅವಳಿಗೆ ಸುಮಾರು 1.54 ಕೋಟಿ ರೂ. ಮೊತ್ತದ ಲ್ಯಾಂಬೊರ್ಗಿನಿ ಕಾರು ಉಡುಗೊರೆಯಾಗಿ ಕೊಟ್ಟು ಇಂಪ್ರೆಸ್​ ಮಾಡಬೇಕು ಎಂಬ ದುಬಾರಿ ಕನಸು. ಆದರೆ ಕೆಲಸವಿಲ್ಲದೆ ಅಂಥ ಐಷಾರಾಮಿ ಕಾರನ್ನು ಖರೀದಿಸುವುದ ಹೇಗೆ ಎಂಬ ಚಿಂತೆಯಲ್ಲಿದ್ದ ಇವನಿಗೆ ಇಂಥದ್ದೊಂದು ಐಡಿಯಾ ಯಾರು ಕೊಟ್ಟರೋ ಗೊತ್ತಿಲ್ಲ.

ಅವನು 40 ದಿನಗಳ ಕಾಲ ಹಗಲು-ರಾತ್ರಿ ಆಹಾರ ತ್ಯಜಿಸಿ ಉಪವಾಸ ಮಾಡಿದರೆ ದೇವರು ಲ್ಯಾಂಬೊರ್ಗಿನಿ ಕಾರು ಕರುಣಿಸಿಬಿಡುತ್ತಾನೆ ಎಂದು ಭಾವಿಸಿದ್ದ. ನಗರ ಪ್ರದೇಶದಲ್ಲಿದ್ದರೆ ಉಪವಾಸಕ್ಕೆ ಭಂಗ ಬರುತ್ತದೆ ಎಂದುಕೊಂಡ ಆತ ಅದಕ್ಕಾಗಿ ಆಹಾರ ಸಿಗದ ಬೆಟ್ಟವೊಂದಕ್ಕೆ ಹೋಗಿದ್ದ.

ಇದನ್ನೂ ಓದಿ: ಬೈಕ್​ನಲ್ಲಿ ಹೋಗುವಾಗ ಪ್ರಿಯಕರನ ಬೆನ್ನಿಗೆ ಇರಿದ ಪ್ರೇಯಸಿ; ಬಿದ್ದರೂ ಬಿಡದೆ ಮತ್ತೆ ಮತ್ತೆ ಇರಿದು ಸಾಯಿಸಿದಳು!

ಕೆಲವು ದಿನಗಳಿಂದ ಕಾಣಿಸದ ಗೆಳೆಯ ಬೆಟ್ಟದ ಮೇಲಿರುವುದನ್ನು ಅದು ಹೇಗೋ ಪತ್ತೆ ಮಾಡಿದ ಸ್ನೇಹಿತರು, ಅನ್ನ-ನೀರು ಸಿಗದೆ ನಿತ್ರಾಣಗೊಂಡು ಸಾಯುವ ಸ್ಥಿತಿಯಲ್ಲಿದ್ದ ಆತನನ್ನು ಕೂಡಲೇ ಕರೆದುಕೊಂಡು ಬಂದು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಅಷ್ಟರಲ್ಲಾಗಲೇ ಆತ 33 ದಿನಗಳ ಉಪವಾಸ ಮಾಡಿದ್ದ ಎನ್ನಲಾಗಿದೆ.

ಗೆಳೆಯನ ಪರಿಸ್ಥಿತಿ ಕಂಡು ಸ್ನೇಹಿತರು ಲ್ಯಾಂಬೊರ್ಗಿನಿ ಕಾರ್​ಗಾಗಿ ಫಂಡ್​ರೈಸ್ ಮಾಡಿದರೂ ಸಂಗ್ರಹವಾಗಿದ್ದು ಬರೀ 3 ಸಾವಿರ ರೂಪಾಯಿ. ಕೊನೆಗೆ ಅದನ್ನು ಆಸ್ಪತ್ರೆ ಖರ್ಚಿಗೆ ಬಳಸಲಾಗಿದ್ದು, ಸದ್ಯ ಚಿಕಿತ್ಸೆಯಲ್ಲಿರುವ ಮಾರ್ಕ್​ ಚೇತರಿಸಿಕೊಳ್ಳುತ್ತಿದ್ದಾನೆ ಎಂದು ಮೂಲಗಳು ತಿಳಿಸಿವೆ.

https://www.vijayavani.net/does-facebook-twitter-whatsapp-will-be-banned-in-india/

https://www.vijayavani.net/work-from-home-mothers-are-suffering-from-full-duty/