ಲಾಕ್​ಡೌನ್​ನಲ್ಲಿ ಅತ್ತೆ ಮನೆಯಲ್ಲಿದ್ದ ಅಳಿಯನಿಗೆ ನಾದಿನಿ ಮೇಲೆ ಪ್ರೀತಿ; ತಂಗಿಯೊಡನೆ ಕಾಲ್ಕಿತ್ತ ಪತಿರಾಯ

ಭೋಪಾಲ್​: ಲಾಕ್​ಡೌನ್​ ಅನೇಕರ ಜೀವನ ಶೈಲಿಯನ್ನೇ ಬದಲಾಯಿಸಿಬಿಟ್ಟಿದೆ. ಎಷ್ಟೋ ಜನ ಮನೆ, ಕೆಲಸ ಎಲ್ಲವನ್ನೂ ಕಳೆದುಕೊಂಡಿದ್ದಾರೆ. ಆದರೆ ಇಲ್ಲೊಬ್ಬ ಮಹಿಳೆ ತನ್ನ ಗಂಡನನ್ನೇ ಕಳೆದುಕೊಂಡಿದ್ದು, ಪೂರ್ತಿ ಕುಟುಂಬ ನೆಮ್ಮದಿಯಿಂದ ದೂರಾಗಿದೆ.

ಇದನ್ನೂ ಓದಿ: ಮಕ್ಕಳ ಮೊಬೈಲ್​ನಲ್ಲಿ ಅಮ್ಮನ ರಾಸಲೀಲೆ ಫೋಟೋಸ್​! ದೂರಾದ ಲವರ್​ನಿಂದ ಮಹಿಳೆಗೆ ಕಾದಿತ್ತು ಶಾಕ್​

ಮಧ್ಯಪ್ರದೇಶದ ಭೋಪಾಲ್​ನ ಪಮರಿಯಾ ಗ್ರಾಮದಲ್ಲಿ ಇಂತದ್ದೊಂದು ಘಟನೆ ನಡೆದಿದೆ. ರಿಂಕಿ ಹೆಸರಿನ ಮಹಿಳೆ ಬ್ರಿಜೇಶ್​ ಹೆಸರಿನ ವ್ಯಕ್ತಿಗೆ ಐದು ವರ್ಷದ ಹಿಂದೆಯೇ ಮದುವೆಯಾಗಿದ್ದಳು. ಅವರಿಗೆ ಇಬ್ಬರು ಮಕ್ಕಳಿವೆ. ಬ್ರಿಜೇಶ್​ ಲಾಕ್​ಡೌನ್​ ಸಮಯದಲ್ಲಿ ಕೆಲಸ ಕಳೆದುಕೊಂಡಿದ್ದಾನೆ. ಕೆಲಸ ಕಳೆದುಕೊಂಡು ಮಾನಸಿಕ ನೋವಿನಲ್ಲಿದ್ದ ಆತನನ್ನು ರಿಂಕಿ ತನ್ನ ತವರು ಮನೆಗೆ ಕರೆದುಕೊಂಡು ಹೋಗಿದ್ದಾಳೆ. ತವರು ಮನೆಯಲ್ಲಿ ಎರಡು ತಿಂಗಳ ಕಾಲ ಅವರು ಸಂಸಾರ ನಡೆಸಿದ್ದಾರೆ. ಈ ಸಮಯದಲ್ಲಿ ಬ್ರಿಜೇಶ್​ಗೆ ರಿಂಕಿಯ ತಂಗಿ ಸಲಿ(17) ಜತೆ ಪ್ರೀತಿ ಹುಟ್ಟಿದೆ. ತಂಗಿ ಜತೆ ಗಂಡ ಹೆಚ್ಚು ಸ್ನೇಹದಿಂದ ಇರುವುದನ್ನು ಕಂಡು ರಿಂಕಿ ಪ್ರಶ್ನಿಸಿದ್ದಕ್ಕೆ, ಸಲಿ ನನ್ನ ತಂಗಿಯಿದ್ದಂತೆ ಎಂದು ಸಮಜಾಯಿಷಿ ಕೊಟ್ಟಿದ್ದಾನೆ.

ಇದನ್ನೂ ಓದಿ: VIDEO| ಆತನಿಗೆ ವರದಕ್ಷಿಣೆಯಾಗಿ ಸಿಕ್ಕಿದ್ದು ಎಕೆ-47! ಪಾಕಿಸ್ತಾನದಲ್ಲಿ ಇದೆಲ್ಲ ಕಾಮನ್​ ಅಂತೆ

ಈ ರೀತಿ ನಾದಿನಿ ಜತೆ ಪ್ರೀತಿ ಬೆಳೆಸಿಕೊಂಡ ಬ್ರಿಜೇಶ್​ ಕಳೆದ ಶನಿವಾರ ಸಲಿ ಜತೆ ಬೈಕ್​ನಲ್ಲಿ ಪರಾರಿಯಾಗಿದ್ದಾನೆ. ಕುಟುಂಬಸ್ಥರು ಕಾಣೆಯಾಗಿರುವ ದೂರನ್ನು ದಾಖಲಿಸಿದ್ದಾರೆ. ಇಬ್ಬರನ್ನು ಹುಡುಕಿದ ಪೊಲೀಸರು ಮೂರು ದಿನಗಳ ಹಿಂದೆ ಬ್ರಿಜೇಶ್​​ನನ್ನು ರಿಂಕಿ ಜತೆ ಅವರ ಮನೆಗೆ ಕಳುಹಿಸಿದ್ದು, ಸಲಿಯನ್ನು ಆಕೆಯ ಮನೆಗೆ ಕಳುಹಿಸಿ ಕೊಟ್ಟಿದ್ದಾರೆ. ಆದರೆ ಪ್ರೀತಿಯಿಂದ ದೂರಾದ ನೋವಿನಿಂದ ಸಲಿ ಶುಕ್ರವಾರ ವಿಷ ಸೇವಿಸಿದ್ದಾಳೆ. ತಕ್ಷಣ ಕುಟುಂಬಸ್ಥರ ಗಮನಕ್ಕೆ ಬಂದಿದ್ದು ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಿ, ಚಿಕಿತ್ಸೆ ಕೊಡಿಸಲಾಗುತ್ತಿದೆ. (ಏಜೆನ್ಸೀಸ್​)

https://www.vijayavani.net/umashree-car-accident/

https://www.vijayavani.net/gold-prices-are-once-again-running-below-rs-50000-per-10-grams/