ಹೌದು, ಗಂಡ-ಹೆಂಡತಿ ಪಾತ್ರಗಳಲ್ಲಿ ಅಂದರೆ ನಾಯಕನ ಪಾತ್ರದಲ್ಲಿ ನಟ ನಾಗಭೂಷಣ್ ಹಾಗೂ ನಾಯಕಿಯ ಪಾತ್ರದಲ್ಲಿ ಪ್ರಿಯಾಂಕಾ ತಿಮ್ಮೇಶ್ ಬೆಳ್ಳಿ ತೆರೆಯ ಮೇಲೆ ಸಿಕ್ಕಾಪಟ್ಟೆ ಮಿಂಚಲಿದ್ದಾರೆ. ಇನ್ನು, ಈ 'ಮೇಡ್ ಇನ್ ಚೈನಾ' ಸಿನಿಮಾ ಕನ್ನಡದಲ್ಲಿ ಮೊದಲ ವರ್ಚುವಲ್ ಸಿನಿಮಾ ಆಗಿದೆ. ಈ ಚಿತ್ರಕ್ಕೆ ಖ್ಯಾತ ಸಿನಿಮಾಟೋಗ್ರಾಫರ್ ಪ್ರೀತಮ್ ತೆಗ್ಗಿನಮನೆ ಕೇವಲ ಸಿನಿಮಾಟೋಗ್ರಾಫಿ ಮಾಡುವುದಲ್ಲದೇ ಚಿತ್ರಕ್ಕೆ ನಿರ್ದೇಶನ, ಗ್ರಾಫಿಕ್, ಎಡಿಟಿಂಗ್ ಜವಾಬ್ದಾರಿಗಳನ್ನು ನಿಭಾಯಿಸಿದ್ದಾರೆ. ಗೌರವ್ ಶೆಟ್ಟಿ, ಅಶ್ವಿನಿ ರಾವ್ ಪಲ್ಲಕ್ಕಿ, ಅರುಣ ಬಾಲರಾಜ್, ರವಿ ಭಟ್. ಹೀಗೆ ಮುಂತಾದವರು ಈ ಚಿತ್ರದಲ್ಲಿ ಬೇರೆ ಬೇರೆ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ನಿಶ್ಚಲ್ ವಿ ಹಾಗೂ ಪ್ರೀತಮ್ ತೆಗ್ಗಿನಮನೆ ಅವರು ಕಥೆ ಬರೆದಿದ್ದು, ವೀವಾನ್ ರಾಧಾಕೃಷ್ಣ ಸಂಗೀತ ನಿರ್ದೇಶನ ಮಾಡಿದ್ದಾರೆ.
