ಇಂದು ಚಿತ್ರತಂಡಕ್ಕೆ ‘ಲೂಸಿಯಾ’ ದಶಕದ ಸಂಭ್ರಮ. ಹೀಗಾಗಿಯೇ ಇವತ್ತಿನಿಂದ ಚಿತ್ರವನ್ನು ರಿ-ರಿಲೀಸ್ ಮಾಡಿ ‘ಲೂಸಿಯಾ’ ಟೀಮ್ ಸಂಭ್ರಮವನ್ನು ಆಚರಿಸುತ್ತಿದೆ. ಈ ಬಗ್ಗೆ ನಾಯಕ ನೀನಾಸಂ ಸತೀಶ್, ‘ಒಂದು ಸಿನಿಮಾ ರಿ-ರಿಲೀಸ್ ಆಗುವುದು ತುಂಬ ಕಷ್ಟ. ರಿ-ರಿಲೀಸ್ ಆಗಬೇಕು ಅಂದರೆ ಆ ಸಿನಿಮಾ ಅಷ್ಟು ಚೆನ್ನಾಗಿರಬೇಕು. ‘ಲೂಸಿಯಾ’ ಅಂತಹ ಸಿನಿಮಾ. ಹೀಗಾಗಿಯೇ ಹತ್ತು ವರ್ಷಗಳ ಖುಷಿಯನ್ನು ಹೇಗೆ ಆಚರಿಸೋಣ ಎಂದು ಯೋಚಿಸುವಾಗ, ಒಂದೊಳ್ಳೆ ಚಿತ್ರವನ್ನು ಬಿಗ್ಸ್ಕ್ರೀನ್ ಮೇಲೆ ನೋಡಲು ಮತ್ತೊಮ್ಮೆ ಅವಕಾಶ ನೀಡಬಹುದು ಅಂತನ್ನಿಸಿತು. ಆ ಮೂಲಕ ಆಗ ಸಿನಿಮಾ ನೋಡದವರು, ಮತ್ತೆ ದೊಡ್ಡ ಪರದೆಯಲ್ಲಿ ಸಿನಿಮಾ ನೋಡಲು ಇಚ್ಛಿಸುವವರಿಗೆ ಇದು ಉತ್ತಮ ಅವಕಾಶ. ಹೀಗಾಗಿ ಮತ್ತೆ ಬಿಡುಗಡೆ ಮಾಡುತ್ತಿದ್ದೇವೆ. ಸಂತೋಷ ಅಂದರೆ ಆನ್ಲೈನ್ ಬುಕ್ಕಿಂಗ್ ಪ್ರಾರಂಭವಾದ ಕೆಲವೇ ಸಮಯದಲ್ಲಿ ಟಿಕೆಟ್ಗಳು ಬುಕ್ ಆಗಿವೆ’ ಎಂದು ಸಂತಸ ಹಂಚಿಕೊಳ್ಳುತ್ತಾರೆ.
